ໜັງສືພິມແບນຊິກ: ຫວຽດນາມ ພວມກາຍເປັນ “ຍອດປະພາຄານ” ກ່ຽວກັບເສດຖະກິດໃນພາກພື້ນ

07:00 | 01/10/2022

ແມ່ນຄູ່ຮ່ວມມືພັດທະນາຂອງ ສະຫະພາບເອີລົບ (EU) ຢູ່ມະຫາສະໝຸດອິນເດຍ - ປາຊີຟິກ, ພວມກາຍເປັນ “ຍອດປະພາຄານ” ໃນພາກພື້ນ ດ້ວຍຄວາມສາມາດຄວບຄຸມໄພເງິນເຟີ້.

ລາຍການ “ມານະຈິດ ຫວຽດນາມ ປະກາຍແຈ້ງ” ປີ 2022 ລາຍການ “ມານະຈິດ ຫວຽດນາມ ປະກາຍແຈ້ງ” ປີ 2022
ເສດຖະກິດ ຫວຽດນາມ ສືບຕໍ່ເຕີບໂຕ ເສດຖະກິດ ຫວຽດນາມ ສືບຕໍ່ເຕີບໂຕ
ພາບປະກອບ
ພາບປະກອບ

ໜັງສືພິມ The Brussels Times ຂອງ ແບນຊິກ ສະບັບອອກວັນທີ 21 ກັນຍາ ມີບົດຂຽນໃຫ້ສັງເກດກ່ຽວກັບຫວຽດນາມວ່າ: ແມ່ນຄູ່ຮ່ວມມືພັດທະນາຂອງ ສະຫະພາບເອີລົບ (EU) ຢູ່ມະຫາສະໝຸດອິນເດຍ - ປາຊີຟິກ, ພວມກາຍເປັນ “ຍອດປະພາຄານ” ໃນພາກພື້ນ ດ້ວຍຄວາມສາມາດຄວບຄຸມໄພເງິນເຟີ້ ແລະ ຮັກສາການເຕີບໂຕເສດຖະກິດຢູ່ໃນລະດັບສູງເຖິງວ່າສະພາບການສາກົນມີການຜັນແປຫຼາຍຢ່າງ. ດ້ວຍຫົວຂໍ້ “ການຮ່ວມມືຮອບດ້ານໃນກ່ວາ 30 ປີ: ເພື່ອຄວາມວັດທະນາຖາວອນ ແລະ ສະຫວັດດີການຂອງ EU ແລະ ພົນລະເມືອງ ຫວຽດນາມ”, ຜູ້ຂຽນໄດ້ຊີ້ແຈ້ງວ່າ, ເຖິງວ່າເສດຖະກິດໂລກພວມຕ້ອງປະເຊີນໜ້າກັບໄພຊຸດໂຊມກໍ່ຕາມ, ແຕ່ບັນດາອົງການການເງິນສາກົນໄດ້ຍົກອອກບັນດາການກະຕວງຢ່າງຕັ້ງໜ້າໃຫ້ແກ່ເສດຖະກິດ ຫວຽດນາມ. ຜູ້ຂຽນໄດ້ຢັ້ງຢືນວ່າບັນດາໝາກຜົນພົ້ນເດັ່ນຂອງ ຫວຽດນາມ ແມ່ນຍ້ອນລັດຖະບານມີນະໂຍບາຍບໍລິຫານທີ່ມີໄຫວພິບຄືໜູນຊ່ວຍດ້ວຍອັດຕາດອກເບ້ຍຕ່ຳ, ຮັກສາການເຕີບໂຕສິນເຊື່ອ, ໂຄງການຟື້ນຟູ ແລະ ພັດທະນາເສດຖະກິດ - ສັງຄົມ. ຜູ້ຂຽນຢັ້ງຢືນວ່າ: ບັນດາບໍລິສັດ ເອີລົບ ນັບມື້ນັບຖື ຫວຽດນາມ ແມ່ນສູນການລົງທຶນ, ດຳເນີນທຸລະກິດທີ່ເຕັມໄປດ້ວຍແງ່ຫວັງດ້ວຍຫຼາຍໂຄງການທີ່ມີຄຸນນະພາບ ແລະ ໝັ້ນຄົງ.

vovworld.vn

ເຫດການ