 |
| ທ່ານ ຟ້າມບິ່ງມິງ ຮອງນາຍົກລັດຖະມົນຕີຜູ້ປະຈໍາການລັດຖະບານຫວຽດນາມ ພ້ອມດ້ວຍບັນດາສະມາຊິກໃນຄະນະ ແລະຄະນະຜູ້ຕາງໜ້າຫວຽດນາມ ປະຈໍາ ສປຊ. ພາບ: vov.vn |
ທີ່ການພົບປະ, ທ່ານ ຟ້າມບິ່ງມິງ ຊົມເຊີຍທ່ານ ສະເຫຼີມໄຊ ກົມມະສິດ ໄດ້ຮັບການໃຫ້ສັດຕະຍາບັນຈາກສະພາແຫ່ງຊາດ ສະໄໝທີ IX ໃຫ້ດໍາລົງຕໍາແໜ່ງເປັນຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ທີ່ກອງປະຊຸມສະໄໝສາມັນເທື່ອທີ 3 (ເດືອນມິຖຸນາ ປີ 2022) ແລະຫວັງວ່າ ໃນຖານະຕໍາແໜ່ງໃໝ່, ທ່ານ ສະເຫຼີມໄຊ ກົມມະສິດ ຈະສືບຕໍ່ເອົາໃຈໃສ່ຊີ້ນໍາຜັນຂະຫຍາຍບັນດາການເຄື່ອນໄຫວແລກປ່ຽນຄະນະຜູ້ແທນຂັ້ນສູງ ແລະບັນດາກົນໄກຮ່ວມມືສອງຝ່າຍທີ່ສໍາຄັນໃຫ້ເປັນຢ່າງດີ; ສືບຕໍ່ໜູນຊ່ວຍບັນດາກະຊວງ, ຂະແໜງການ, ທ້ອງຖິ່ນສອງປະເທດ ຕັ້ງໜ້າຜັນຂະຫຍາຍບັນດາຂໍ້ຕົກລົງຂັ້ນສູງສອງປະເທດ.
ສອງຝ່າຍ ສະແດງຄວາມປະຕິຊົມຊື່ນ ແລະຕີລາຄາສູງຕໍ່ການພັດທະນາອັນດີງາມຂອງສາຍພົວພັນສາມັກຄີພິເສດ ກໍຄືຜົນການຮ່ວມມືລະຫວ່າງສອງປະເທດ ໃນໄລຍະຜ່ານມາ; ຢັ້ງຢືນວ່າ ຍາມໃດກໍຖືເປັນສໍາຄັນ ແລະສະຫງວນບຸລິມະສິດສູງສຸດໃຫ້ແກ່ການພົວພັນ ຫວຽດນາມ-ລາວ.
ສອງຝ່າຍ ເຫັນດີຕັດສິນໃຈຜັນຂະຫຍາຍບັນດາຂໍ້ຕົກລົງຂອງການນໍາຂັ້ນສູງສອງປະເທດ ແລະຜົນກອງປະຊຸມ ຄັ້ງທີ 44 ຄະນະກໍາມະການລະຫວ່າງລັດຖະບານ ຫວຽດນາມ-ລາວ ຢ່າງມີປະສິດທິຜົນ; ສືບຕໍ່ສົມທົບກັນຢ່າງແໜ້ນແຟ້ນເພື່ອຈັດຕັ້ງການຜັນຂະຫຍາຍວຽກງານແລກປ່ຽນຄະນະຜູ້ແທນຂັ້ນສູງ ແລະທຸກຂັ້ນໃຫ້ເປັນຢ່າງດີ; ຜັນຂະຫຍາຍການເຄື່ອນໄຫວທີ່ຍັງເຫຼືອໃນປີສາມັກຄີມິດຕະພາບ; ຊຸກຍູ້ການຜັນຂະຫຍາຍບັນດາໂຄງການຮ່ວມມືຈຸດສຸມ, ເຫັນດີເພີ່ມທະວີການສົມທົບກັນ, ສະໜັບສະໜູນເຊິ່ງກັນ ແລະກັນທີ່ເວທີສາກົນ, ພາກພື້ນ ແລະອະນຸພາກ ພື້ນ.
ກອງທັບ
