ການຮ່ວມມືດ້ານການທ່ອງທ່ຽວ ຫວຽດນາມ - ລາວ ຟົດຟື້ນ ແລະ ມີປະສິດທິຜົນ

10:16 | 08/08/2022

ຍສໝ -ການ​ຮ່ວມ​ມື​ດ້ານ​ການທ່ອງທ່ຽວ​ລະຫວ່າງ​ສອງ​ປະ​ເທດ ຫວຽດນາມ - ລາວ ​ໃນ​ຊຸມ​ປີ​ຜ່ານມາ​ນີ້​ໄດ້​ຮັບ​ການ​ເຄື່ອນ​ໄຫວ​ຢ່າງ​ຟົດຟື້ນ ​ແລະ ມີ​ຊີວິດ​ຊີວາ, ປະກອບສ່ວນ​ສຳຄັນ​ເຂົ້າ​ໃນ​ການ​ພັດທະນາ​ຂອງ​ແຕ່ລະ​ປະ​ເທດ​ໃນ​ໄລຍະ​ໃໝ່. ນັກທ່ອງທ່ຽວຫວຽດນາມ ແລະ ລາວເປັນຈໍານວນຫຼາຍຄົນມີຄວາມສົນໃຈຢາກຊອກຮູ້ກ່ຽວກັບການທ່ອງທ່ຽວທາງດ້ານປະຫວັດສາດ, ເຊິ່ງຊ່ວຍໃຫ້ປະຊາຊົນສອງປະເທດເຂົ້າໃຈຕື່ມອີກກ່ຽວກັບສາຍພົວພັນແບບພິເສດລະຫວ່າງປະຊາຊົນສອງປະເທດ.

ADB: Kinh tế Việt Nam sẵn sàng phục hồi, dự kiến tăng trưởng 6,5% trong năm 2022 ADB: Kinh tế Việt Nam sẵn sàng phục hồi, dự kiến tăng trưởng 6,5% trong năm 2022
ປີໃໝ່ Chöl Nam Thmay ມີຄວາມອົບອຸ່ນ, ປຸ້ມລຸມກັນຢູ່ສະຖານທູດລາຊະອານາຈັກກຳປູເຈຍ ປະຈຳຫວຽດນາມ ປີໃໝ່ Chöl Nam Thmay ມີຄວາມອົບອຸ່ນ, ປຸ້ມລຸມກັນຢູ່ສະຖານທູດລາຊະອານາຈັກກຳປູເຈຍ ປະຈຳຫວຽດນາມ

ນັກ​ທ່ອງ​ທ່ຽວ ​ຫວຽດ​ນາມ​ ກວມເອົາ​ອັດ​ຕາ​ສ່ວນຫຼາຍ​ຢູ່​ລາວ

ຕາມ​ກົມ​ໃຫຍ່​ການທ່ອງ​ທ່ຽວ​ (ກະຊວງ​ວັດທະນະທຳ, ກິລາ ​ແລະ ທ່ອງ​ທ່ຽວ), ການ​ຮ່ວມ​ມື​ພັດທະນາ​ການທ່ອງທ່ຽວ​ລະຫວ່າງ ​ຫວຽດນາມ - ລາວ ​ໄດ້​​ຜັນ​ຂະຫຍາຍ​ດ້ວຍສອງ​ຮູບ​ການໂດຍແມ່ນ ສອງ​ຝ່າຍ ​ແລະ ຫຼາຍ​ຝ່າຍ. ການ​ຮ່ວມ​ມື​ສອງ​ຝ່າຍ​ໂດຍ​ຜ່ານ​ການ​ຜັນຂະຫຍາຍ​ສັນຍາ​ຮ່ວມ​ມື​ດ້ານ​ການທ່ອງທ່ຽວ​ຂັ້ນ​ລັດຖະບານ, ບັນດາຂໍ້ຕົກລົງ​ລະຫວ່າງ​ສອງ​ພາກສ່ວນທີ່​ຮັບຜິດຊອບ​ດ້ານ​ການທ່ອງທ່ຽວ. ສອງປະ​ເທດກໍ່​ເຂົ້າ​ຮ່ວມ ​ແລະ ຊຸກຍູ້​ການ​ຮ່ວມ​ມື​ດ້ານ​ການທ່ອງທ່ຽວ​ຫຼາຍ​ຝ່າຍຢ່າງຕັ້ງໜ້າ ​ຕົ້ນຕໍແມ່ນ​ຜ່ານ​ຂອບ​ເຂດ​ຄື: “ສາມ​ປະ​ເທດ ຈຸດທ່ອງທ່ຽວ​ດຽວ”, “ສາມ​ຫຼ່ຽມພັດທະນາ” (ຫວຽດນາມ - ລາວ - ກຳປູ​ເຈຍ), “ ສີ່ປະ​ເທດ ຈຸດທ່ອງທ່ຽວ​ດຽວ”, (ຫວຽດນາມ - ລາວ - ກໍາປູ​ເຈຍ - ມຽນ​ມາ), “ແລວ​​ຕາ​ເວັນ​ອອກ-ຕາ​ເວັນ​ຕົກ”, “ເຂດ​ອະ​ນຸ​ພາກ​ພື້ນ​ແມ່​ນ້ຳ​ຂອງເປີດກວ້າງ” (GMS), “ແມ່​ນ້ຳ​ຂອງ-ລ້ານ​ຊ້າງ”…

ການ​ນຳ​ຂະ​ແໜງ​ການ​ທ່ອງ​ທ່ຽວ​ຂອງ​ສອງ​ປະ​ເທດ ຫວຽດ​ນາມ - ລາວ ແລະ ບັນດາແຂວງ​ຢູ່ເຂດຊາຍ​ແດນ​ຂອງສອງປະ​ເທດໄດ້​ແລກ​ປ່ຽນ​ຄະ​ນະ​ເປັນ​ປະ​ຈຳ​, ດຳ​ເນີນ​ການ​ສຳ​ຫຼວດ​ເປັນຫຼາຍຄັ້ງ​ເພື່ອ​ເຊື່ອມ​ຕໍ່​ບັນ​ດາ​ສາຍ ແລະ ແຫຼ່ງ​ທ່ອງ​ທ່ຽວ​ລະ​ຫວ່າງ​ສອງ​ປະ​ເທດ, ໃນ​ນັ້ນ​ມີ​ສາຍ ​ວຽງ​ຈັນ ໄປຜ່ານ​ດ່ານ​ ນໍ້າພາວ ( ຮ່າຕິ້ງ) ໄປຍັງ ເງະອ່ານ - ແທັງຮວາ - ຮ່າໂນ້ຍ; ຈາກ ຫຼວງພະບາງ (ລາວ) ໄປຜ່ານດ່ານຊາຍແດນນ້ຳກັ່ນ (ແຂວງ ເງະອ່ານ) ໄປຍັງ ເທື່ອທຽນເຫ້ວ. ສອງ​ຝ່າຍ​ກໍຍັງ​ໄດ້​ສົມທົບ​ກັບ​ໄທ​ ພັດທະນາບັນດາ​ເສັ້ນທາງ​ທ່ອງ​ທ່ຽວ​ທາງບົກ​ຢ່າງ​ຕໍ່ເນື່ອງ ຈາກ​ເຂດຕາ​ເວັນ​ອອກ​ສ່ຽງ​ເໜືອ​ຂອງ​ໄທ​ ໄປຜ່ານ​ພາກ​ໃຕ້​ຂອງ​ລາວ​ໄປ​ຫາ​ບັນດາ​ແຂວງ​ພາກ​ກາງ​ຂອງ​ຫວຽດນາມ ​ແລະ ສາຍ "ສາມຫຼ່ຽມມໍລະດົກ​ໂລກ" ​ເຊື່ອມ​ຕໍ່​ອ່າວ ຮ້າ​ລອງ (ຫວຽດນາມ) ກັບ​ເມືອງ​ຫຼວງ​ພະ​ບາງ (ລາວ) ແລະ ອຸດອນທານີ (ໄທ)...

ການຮ່ວມມືດ້ານການທ່ອງທ່ຽວ ຫວຽດນາມ - ລາວ ຟົດຟື້ນ ແລະ ມີປະສິດທິຜົນ
ຄະ​ນະ​ຜູ້​ແທນ​ສູນ​ກາງ​ສະ​ມາ​ຄົມ​ມິດ​ຕະ​ພາບ ລາວ - ຫວຽດ​ນາມ ໄດ້​ໄປ​ຢ້ຽມ​ຢາມ ATK ດິງ​ຮ​ວາ (ໄທງວຽນ) ໃນ​ເດືອນ​ກໍ​ລະ​ກົດ 2022 (ພາບ: ຕູ່ງຫງວຽນ).

ເພື່ອ​ຮັບ​ໃຊ້​ການ​ພັດ​ທະ​ນາ​ການ​ທ່ອງ​ທ່ຽວ, ບັນດາສາຍ​ການ​ບິນ​ ຫວຽດ​ນາມ ໄດ້​ເພີ່ມຈໍານວນ​ຖ້ຽວບິນ ແລະ ເປີດ​ຕື່ມອີກເສັ້ນ​ທາງການບິນໂດຍກົງເພື່ອ​ເຊື່ອມ​ຕໍ່​ບັນ​ດາ​ເມືອງ​ໃຫຍ່​ຂອງ​ຫວຽດ​ນາມ ແລະ ລາວ. ຄຽງຂ້າງນັ້ນ, ສາຍລົດເມຈໍານວນໜຶ່ງທີ່ໄປມາລະຫວ່າງສອງປະເທດກໍໄດ້ຮັບການຂຸດຄົ້ນເຊິ່ງໄດ້ສ້າງໂອກາດໃຫ້ນັກທ່ອງທ່ຽວໄດ້ກິນເຂົ້າຢູ່ສາມ ປະເທດຄື ຫວຽດນາມ, ລາວ, ໄທ ພາຍໃນມື້ໜຶ່ງ.

ໂດຍຕາມ​ກົມ​ພັດທະນາ​ການທ່ອງທ່ຽວ​ລາວ, ​ໃນ 6 ​ເດືອນ​ຕົ້ນ​ປີ 2022, ຈຳນວນ​ນັກ​ທ່ອງ​ທ່ຽວ​ຕ່າງປະ​ເທດ​ທີ່​ເຂົ້າ​ມາ​ປະ​ເທດ​ນີ້ດ້ວຍ​ວີ​ຊາ​ທ່ອງ​ທ່ຽວ​ໄດ້ບັນລຸເຖິງ 42.000 ກວ່າ​ຄົນ, ​ໃນ​ນັ້ນ​ສ່ວນ​ໃຫຍ່​ແມ່ນ​ເຂົ້າມາ​ໃນ​ເດືອນ​ພຶດສະພາ ​ແລະ ເດືອນມິຖຸນາ, ​ເຊິ່ງເປັນເວລາທີ່​ລັດຖະບານ​ລາວ​ຍົກ​ເລີກ​ການ​ອອກ​ວີ​ຊາ​ທ່ອງ​ທ່ຽວເພື່ອ​ຈຳກັດ​ການ​ເຂົ້າເມືອງ​ທີ່​ປະ​ເທດນີ້​ວາງ​ອອກ​ເພື່ອ​ສະກັດກັ້ນການ​ແຜ່​ລະບາດ​ຂອງ​ພະຍາດ​ໂຄ​ວິດ-19. ໃນ​ຈໍານວນ​ນັກ​ທ່ອງ​ທ່ຽວທີ່​ມາ​ຢ້ຽມ​ຢາມ​ລາວແມ່ນ 33.000 ກວ່າ​ເທື່ອຄົນໃນເດືອນ​ພຶດ​ສະ​ພາ, ເດືອນມິ​ຖຸ​ນາ 2022 ມີຈໍານວນ​ນັກ​ທ່ອງ​ທ່ຽວມາ​ຈາກ​ຫວຽດ​ນາມແມ່ນ 14.000 ກວ່າເທື່ອ​ຄົນ. ນັກ​ທ່ອງ​ທ່ຽວ​ຫວຽດ​ນາມ​ມີ​ຄວາມ​ສົນ​ໃຈ​ຫຼາຍຕໍ່ບັນດາ tour​ ທ່ອງ​ທ່ຽວ​ທີ່ຄົ້ນຫາ​ທາງດ້ານວັດ​ທະ​ນະ​ທຳ, ຊີ​ວິດການເປັນຢູ່ ​ຫຼື ​ຊອກ​ຮູ້ກ່ຽວກັບ​ປະ​ຫວັດ​ສາດ​ລາວ.

ທ່ານ ນາງ ສວນສະຫວັນ ​ວິ​ຍະ​ເກດ​ - ລັດຖະມົນຕີ​ກະຊວງ​ຖະ​ແຫຼ​ງຂ່າວ, ວັດທະນະທຳ ​ແລະ ທ່ອງ​ທ່ຽວ​ລາວ ​ໃຫ້​ຮູ້​ວ່າ ລາວ ​ແລະ ຫວຽດນາມ ​ແມ່ນ​ສອງ​ປະເທດເພື່ອນ​ມິດ​ຍຸດ​ທະ​ສາດ​ທີ່​ມີ​ມູນ​ເຊື້ອ​ການຮ່ວມມືອັນ​ດີງາມ​ມາ​ແຕ່​ດົນ​ນານ. ກິດຈະກໍາການ​ຮ່ວມ​ມື​ດ້ານ​ການທ່ອງທ່ຽວ​ລະຫວ່າງ​ສອງ​ປະ​ເທດ​ໃນ​ຊຸມ​ປີ​ຜ່ານໆ​ມາ​ນີ້​ ລ້ວນ​ແຕ່​ໄດ້ຮັບການເຄື່ອນໄຫວຢ່າງຟົດຟື້ນ ​ແລະ ມີ​ຊີວິດ​ຊີວາ, ປະກອບສ່ວນ​ສຳຄັນ​ເຂົ້າ​ໃນ​ການ​ພັດທະນາ​ຂອງ​ແຕ່ລະ​ປະ​ເທດ​ໃນ​ໄລຍະ​ໃໝ່.

“ກ່ອນການລະບາດຂອງພະຍາດໂຄວິດ-19, ການຮ່ວມມືດ້ານການທ່ອງທ່ຽວລະຫວ່າງລາວ-ຫວຽດນາມ ໄດ້ພັດທະນາເປັນຢ່າງດີ. ໃນປີ 2019, ຫວຽດນາມ ຢືນອັນດັບທີ 3 ໃນບັນດາປະເທດທີ່ມີນັກທ່ອງທ່ຽວເຂົ້າມາລາວແມ່ນໜຶ່ງລ້ານເທື່ອຄົນ” - ທ່ານ ນາງ ສວນສະຫວັນ ວິຍະເກດ ໃຫ້ຮູ້.

ການ​ເຊື່ອມ​ຕໍ່​​ພັດ​ທະ​ນາ​ການ​ທ່ອງ​ທ່ຽວ​

ເພື່ອ​ປະກອບສ່ວນເຂົ້າໃນການ​ຊຸກຍູ້​ພັດທະນາ​ການທ່ອງທ່ຽວ, ສອງ​ປະ​ເທດ​ໄດ້​ມີ​ການ​ຮ່ວມ​ມື​ໃນ​ຂອບ​ເຂດ​ການ​ຮ່ວມ​ມື​ອາ​ຊຽນ, ກອງ​ປະຊຸມ​ຂັ້ນສູງ ກຳປູ​ເຈຍ - ລາວ - ມຽນມາ - ຫວຽດນາມ (CLMV), ​ເຂດ​ສາມຫຼ່ຽມພັດທະນາ ກຳປູ​ເຈຍ - ລາວ - ຫວຽດນາມ (CLV), ​ເຂດອະນຸພາກພື້ນແມ່ນ້ຳຂອງເປີດກວ້າງ(GMS) ແລະ ບັນດາຂອບເຂດຈໍາກັດການຮ່ວມມືຕ່າງໆ.

​ເດືອນ​ເມສາ 2022, ກະຊວງ​ວັດທະນະທຳ, ກິລາ ​ແລະ ທ່ອງ​ທ່ຽວ ຫວຽດນາມ ​ໄດ້​ປະກາດ​ແຜນການ​ພັດທະນາ​ການທ່ອງທ່ຽວ​ເຂດ​ສາມຫຼ່ຽມ​ ກໍາປູ​ເຈຍ - ລາວ - ຫວຽດນາມ ​ໄລຍະ 2020 – 2025, ​ວິ​ໄສ​ທັດ​ຮອດ​ປີ 2030. ​ແຜນການໄດ້​​ຮັບຮອງ​ເອົາ​ທີ່​ກອງ​ປະຊຸມສຸດຍອດສາມປະເທດ ຫວຽດນາມ - ລາວ - ກຳປູເຈຍ ໃນເດືອນ ພະຈິກ 2020.

ບັນດາ​ແຂວງ​ທີ່ໄດ້​ເຂົ້າ​ຮ່ວມ​ແຜນ​ການ​ລວມມີ Ratanakiri, Stung Treng, Mondulkiri, Kraté (ກໍາປູ​ເຈຍ); ອັດຕະປື, ສາລະວັນ, ເຊກອງ, ຈຳປາສັກ (ລາວ); ກອນຕູມ, ຢາລາຍ, ດັກລັກ, ດັກນົງ, ບິ່ງເຟືອກ (ຫວຽດນາມ).

ທ່ານ ຮ່າ​ວັນ​ຊຽວ, ຮອງ​ຜູ້​ອຳ​ນວຍ​ການ​ໃຫຍ່ ​ກົມໃຫຍ່ການ​ທ່ອງ​ທ່ຽວ​ ​ໃຫ້​ຮູ້​ວ່າ ສາມ​ຫຼ່ຽມ​ພັດ​ທະ​ນາ ​ກຳ​ປູ​ເຈຍ-ລາວ-ຫວຽດ​ນາມ ເປັນ​ເຂດ​ທີ່​ມີ​​ຊັບ​ພະ​ຍາ​ກອນອຸດົມສົມບູນ, ​ຫຼາກ​ຫຼາຍ​ຊະ​ນິດ, ເຊິ່ງມີຄຸນລັກສະນະສະ​ເພາະ​ສູງ, ມີ​​ຫຼາຍຊັບ​ພະ​ຍາ​ກອນ​ທີ່​ຄ້າຍ​ຄື​ກັນ​ແຕ່ກໍຍັງມີຄຸນລັກສະນະທີ່​ແຕກ​ຕ່າງກັນ, ທັງ​ມີ​ຄວາມ​ອາດສາ​ມາດ​ສ້າງຄຸນ​ລັກ​ສະ​ນະ​ສະເພາະໃຫ້ແກ່​ພາກ​ພື້ນ​ ແລະ ​ທັງມີຄວາມອາດ​ສາ​ມາດ​ເພີ່ມເຕີມໃຫ້ກັນ​ເພື່ອເພີ່ມທະວີຄວາມ​ດຶງ​ດູດ​​. ທັງສາມປະເທດລ້ວນແຕ່ແມ່ນຈຸດທ່ອງທ່ຽວທີ່ຫາກໍມີພົ້ນເດັ່ນ, ເຊິ່ງຫຼາຍຕະຫຼາດແຂກທ່ອງທ່ຽວມີຄວາມສົນໃຈ ແລະ ເປັນຈຸດທ່ອງທ່ຽວທີ່ມີຄວາມສາມາດບົ່ມຊ້ອນຫຼາຍຢ່າງທີ່ຍັງບໍ່ທັນໄດ້ຄົ້ນພົບ.

ສ່ວນຫຼາຍຊັບພະຍາກອນທ່ອງທ່ຽວຢູ່ບັນດາແຂວງສາມຫຼ່ຽມພັດທະນາ ກຳປູເຈຍ - ລາວ - ຫວຽດນາມ ຍັງຄົງຢູ່ໃນແບບປະຖົມປະຖານ, ທັງທາງດ້ານທຳມະຊາດ ແລະ ວັດທະນະທຳພື້ນເມືອງຂອງຊົນເຜົ່າສ່ວນໜ້ອຍທີ່ກໍາລັງດໍາລົງຊີວິດ. ຊັບພະຍາກອນທ່ອງທ່ຽວແບບປະຖົມປະຖານຂອງພາກພື້ນແທດເໝາະກັບຄວາມຕ້ອງການ ແລະ ທ່າອ່ຽງຂອງຕະຫຼາດທ່ອງທ່ຽວສາກົນ.

​ແຜນການ​ແມ່ນວາງ​ເປົ້າໝາຍ​ຮອດ​ປີ 2025, ​ເຂດ​ສາມຫຼ່ຽມພັດທະນາ ​ກຳປູ​ເຈຍ - ລາວ - ຫວຽດນາມ ຈະ​ຕ້ອນຮັບ​ນັກ​ທ່ອງ​ທ່ຽວ 3,3 ລ້ານ​ເທື່ອ​ຄົນ, ອັດຕາ​ເຕີບ​ໂຕ​ສະ​ເລ່ຍ 14%/ປີ; ຮອດ​ປີ 2030, ​ຈຳນວນ​ນັກ​ທ່ອງ​ທ່ຽວ​ຈະເພີ່ມ​ເປັນ​ສອງ​ເທົ່າ, ສ້າງ​ລະບົບພື້ນຖານ​ອຸປະກອນ​ດ້ານ​ເຕັກນິກໃຫ້ສະດວກ ແລະ ຄົບຊຸດ, ລະບົບພື້ນຖານ​ໂຄງ​ລ່າງໄດ້​ເຊື່ອມ​ຕໍ່​ຢ່າງ​ສະດວກ ​ແລະ ແຫຼ່ງຊັບພະຍາກອນ​ມະນຸດ​​ຕ້ອງຮັບປະກັນຄວາມຕ້ອງການຂອງ​ການ​ພັດທະນາ.

ຕາມ​ທ່ານ​ນາງ ລັດຖະມົນຕີ​ກະຊວງ​ຖະ​ແຫຼ​ງຂ່າວ, ວັດທະນະທຳ ​ແລະ ທ່ອງ​ທ່ຽວ​ລາວ ​ສວນສະຫ​ວັນ ​ວິ​ຍະ​ເກດ, ບົນ​ພື້ນຖານ​ການ​ຮ່ວມ​ມື​ອັນ​ດີງາມ​ລະຫວ່າງ​ສອງ​ປະ​ເທດ, ລາວ ​ແລະ ຫວຽດນາມ ຕ້ອງ​ເອົາ​ໃຈ​ໃສ່​ກວ່າອີກເພື່ອສາຍພົວພັນການ​ຮ່ວມ​ມືສອງຝ່າຍໃນຂະແໜງການ​ທ່ອງທ່ຽວນັບມື້ນັບ​ເຂົ້າໄປສູ່​ລວງ​ເລິກ. ໃນນັ້ນ, ບຸລິມະສິດການສ້າງເງື່ອນໄຂສະດວກໃຫ້ແກ່ການເຄື່ອນໄຫວເຂົ້າ-ອອກເມືອງ; ສົ່ງເສີມ​ວິ​ສາ​ຫະກິດ​ພ້ອມ​ກັນ​ສ້າງ​ບັນດາໂຄງການ​ທ່ອງ​ທ່ຽວ​ໃນ​ພາກ​ພື້ນ; ແລກປ່ຽນປະສົບການໃນພາກລັດ ແລະ ເອກະຊົນ; ໂຄສະນາການທ່ອງທ່ຽວສອງປະເທດ.

ຫອມມາລາ

ເຫດການ
302 Found

Found

The document has moved here.