| ກອງປະຊຸມສົ່ງເສີມການລົງທຶນຮ່າໂນ້ຍ-ວຽງຈັນ | |
| ຫວຽດນາມ ໄດ້ຊະນະເລີດໃນການແຂ່ງຂັນ ABU Robocon 2018 |
 |
| ກອງຊ່າງແສງກໍາລັງສ້າງຮົ້ວປ້ອງກັນ (ພາບ: vnexpress.net) |
ພ້ອມກັບການສໍາເລັດເປັນຢ່າງດີໃນໜ້າທີ່ສ້ອມແປງ, ຍົກລະດັບເສັ້ນທາງຢູ່ເຂດແບ່ງເຂດພາກເໜືອ, ຈັດຕັ້ງການກູ້ຊີບທາງບົກ; ເຮັດລະບົບລະບາຍນ້ໍາໃນເຂດທີ່ມີພົນລະເມືອງ; ປັບປຸງຄ້າຍທະຫານ, ກອງຊ່າງແສງ ຫວຽດນາມ ໄດ້ສໍາເລັດໜ້າທີ່ສ້າງຮົ້ວປ້ອງກັນ ປ້ອມນັກສັງເກດການທະຫານຂອງຄະນະປະຕິບັດງານ UNISFA ຢູ່ Abu Qussa, ເຊິ່ງແມ່ນໜ້າທີ່ມີລັກສະນະເອກະລາດສູງ, ຢູ່ເຂດທີ່ຫຍຸ້ງຍາກ, ສັບສົນ.
ໝາກຜົນນີ້ສືບຕໍ່ຢັ້ງຢືນລະດັບວິຊາສະເພາະ, ກຳລັງຄວາມສາມາດ, ຄວາມເປັນເອກະລາດແຫ່ງການສູ້ຮົບ, ຄວາມຮັບຜິດຊອບສູງຂອງບັນດາກຳລັງ ແລະ ພາກສ່ວນຂອງກອງຊ່າງແສງ ຫວຽດນາມ; ພ້ອມກັນນັ້ນ, ກໍສ້າງສັນຍາລັກໃໝ່ໃນຕາຕະລາງຜົນງານຂອງກອງຊ່າງແສງ ຫວຽດນາມ ທີ່ເຂົ້າຮ່ວມບັນດາການເຄື່ອນໄຫວປົກປັກຮັກສາສັນຕິພາບຂອງສະຫະປະຊາຊາດຢູ່ຄະນະປະຕິບັດງານ UNISFA.
ຜ່ານນັ້ນ, ກອງຊ່າງແສງ ຫວຽດນາມ ກໍປະກອບສ່ວນເຂົ້າໃນການແຜ່ກະຈາຍຮູບພາບ ແລະ ຄຸນນະທາດຂອງ “ທະຫານລຸງໂຮ່”, ຮູບພາບຂອງຊາວ ຫວຽດນາມ ຢູ່ຄະນະປະຕິບັດງານ ກໍຄືໃນສາຍຕາຂອງເພື່ອນມິດສາກົນ.
ວັນທີ 4 ພຶດສະພາ ປີ 2022, ກອງປະຈັນບານຂອງກອງຊ່າງແສງເລກ 1 ລວມມີ 28 ຄົນໄດ້ຂຶ້ນຍົນ, ເລີ່ມອອກເດີນທາງໄປຍັງຄະນະປະຕິບັດງານກຳລັງປ້ອງກັນຄວາມສະຫງົບຊົ່ວຄາວຂອງສະຫະປະຊາຊາດ ຢູ່ Abyei. ຫຼາຍກວ່າ 1 ເດືອນຕໍ່ມາ, ກອງທັບຫຼັກລວມມີສະມາຊິກ 156 ຄົນກໍໄດ້ໄປຮອດ UNISFA.
Abyei ເປັນເຂດທີ່ຖືກຂັດແຍ່ງກັນລະຫວ່າງຊູດານ ແລະ ຊູດານໃຕ້. UNISFA ແມ່ນຄະນະປະຕິບັດງານທີ່ໄດ້ຮັບການສ້າງຕັ້ງຂຶ້ນໃນປີ 2011 ໂດຍຕາມມະຕິເລກທີ 1990 ຂອງສະພາຄວາມໝັ້ນຄົງ ສະຫະປະຊາຊາດ ດ້ວຍໜ້າທີ່ແມ່ນປົກປ້ອງສາມັນຊົນ ແລະ ຊຸກຍູ້ການຫັນເປັນປອດການທະຫານ ຢູ່ Abyei.
ຫອມມາລາ
