| ໄຂງານວາງສະແດງກ່ຽວກັບການພົວພັນ ລາວ - ຫວຽດນາມ ຢູ່ນະຄອນຫຼວງ ວຽງຈັນ | |
| ສະມາຄົມວິສາຫະກິດຫວຽດນາມ ຢູ່ ນະຄອນຫລວງ ວຽງຈັນ: ປ່ຽນໃຫມ່ - ສາມັກຄີ - ຮ່ວມມື ແລະ ພັດທະນາ. |
 |
| ຄະນະປະຕິບັດງານຂອງຄະນະພັກນະຄອນຮ່າໂນ້ຍ ຫາກໍ່ມີການຢ້ຽມຢາມ, ເຮັດວຽກ ແລະລົງນາມໃນເອກະສານຮ່ວມມືຫຼາຍສະບັບ ກັບການນໍານະຄອນຫຼວງວຽງຈັນ. ພາບ: qdnd.vn |
ວັນທີ 9 ສິງຫາ, ຄະນະກໍາມະການປະຊາຊົນນະຄອນຮ່າໂນ້ຍ ປະກາດແຜນການຈັດຕັ້ງກອງປະຊຸມສົ່ງເສີມການລົງທຶນ, ການຄ້າ ດ້ວຍຫົວຂໍ້ “ຮ່າໂນ້ຍ-ວຽງຈັນ, ຮ່ວມມືພ້ອມກັນພັດທະນາ” ແລະຈັດງານວາງສະແດງຮູບພາບ ແລະວາງສະແດງ, ແນະນໍາຜະລິດຕະພັນຂອງຮ່າໂນ້ຍ ແລະວຽງຈັນ.
ນີ້ແມ່ນການເຄື່ອນໄຫວສະແດງໃຫ້ເຫັນການຖືເປັນສໍາຄັນສາຍພົວພັນມິດຕະພາບ, ຄວາມສາມັກຄີ, ການຮ່ວມມືແບບພິເສດລະຫວ່າງ ຫວຽດນາມ ແລະລາວ ກໍຄືສາຍພົວພັນມິດຕະພາບທີ່ເປັນມູນເຊື້ອລະຫວ່າງນະຄອນຫຼວງຮ່າໂນ້ຍ ກັບນະຄອນຫຼວງວຽງຈັນ.
ທີ່ກອງປະຊຸມສົ່ງເສີມການລົງທຶນ, ພະແນກແຜນການ ແລະການລົງທຶນຮ່າໂນ້ຍ ຈະແນະນໍາກາລະໂອກາດການລົງທຶນ ແລະນະໂຍບາຍບຸລິມະສິດ, ດຶງດູດການລົງທຶນເຂົ້ານະຄອນຫຼວງວຽງຈັນ, ລາວ, ສອງຝ່າຍກໍ່ຈະແລກປ່ຽນ ແລະລົງນາມໃນບົດບັນທຶກຊ່ວຍຈໍາການຮ່ວມມືສະບັບຕ່າງໆ...
ທ່ານ ຫງວຽນແມ້ງກຽນ, ຮອງປະທານຄະນະກຳມະການປະຊາຊົນນະຄອນ ຮ່າໂນ້ຍ ໃຫ້ຮູ້ວ່າ: ກອງປະຊຸມແມ່ນໂອກາດເພື່ອໃຫ້ລັດຖະບານ ແລະ ບັນດາວິສາຫະກິດຂອງ 2 ທ້ອງຖິ່ນໄດ້ພົວພັນແລກປ່ຽນ, ແບ່ງປັນບັນດາຂໍ້ມູນຂ່າວສານທີ່ເປັນປະໂຫຍດກ່ຽວກັບກາລະໂອກາດລົງທຶນ ຢູ່ຫຼາຍເຂດທີ່ເຂັ້ມແຂງຂອງສອງທ້ອງຖິ່ນ.
ນອກຈາກນັ້ນ, ກອງປະຊຸມຍັງໄດ້ສ້າງສະພາບແວດລ້ອມ ແລະ ເງື່ອນໄຂໃຫ້ແກ່ການເຊື່ອມຈອດລະຫວ່າງສະມາຄົມ ແລະ ວິສາຫະກິດຂອງ 2 ນະຄອນຫຼວງ ເພື່ອຮັດແໜ້ນການພົວພັນຮ່ວມມືມິດຕະພາບ ແລະ ສ້າງຄວາມສຳພັນດ້ານການລົງທຶນລະຫວ່າງສະມາຄົມ ແລະ ວິສາຫະກິດຂອງ 2 ນະຄອນຫຼວງ.
ເນື່ອງໃນໂອກາດນີ້, ນະຄອນຮ່າໂນ້ຍ ໄດ້ຈັດຕັ້ງງານວາງສະແດງຮູບຖ່າຍ ແລະ ວາງສະແດງ ແລະ ແນະນຳບັນດາຜະລິດຕະພັນທີ່ເປັນເອກະລັກສະເພາະຂອງ 2 ນະຄອນ ຮ່າໂນ້ຍ - ວຽງຈັນ, ປະກອບສ່ວນໂຄສະນາບັນດາຈຸດໝາຍທີ່ມີຊື່ສຽງ, ພາບພົດ ແລະ ຄວາມງາມຂອງສອງປະເທດ ລາວ ແລະ ຫວຽດນາມ.
ກອງທັບ
