| ພິທີເຄົາລົບທຸງຊາດ ຕົ້ນປີໃໝ່ຢູ່ ເຈື່ອງຊາ | |
| ລະດູບານໃໝ່ຢູ່ ເຈື່ອງຊາ |
 |
| ທ່ານຫງວຽນຈ້ອງດຶກ, ຊາວຫວຽດນາມ ຢູ່ ອາເມລິກາ, ແລະ ທຸງຊາດຫວຽດນາມທີ່ມີລາຍເຊັນຂອງພະນັກງານ, ນັກຮົບ, ນັກທະຫານ ແລະ ປະຊາຊົນຢູ່ ເຈື່ອງຊາ (ພາບ: VOV) |
ນີ້ແມ່ນການເດີນທາງຄັ້ງທຳອິດຂອງຄະນະຜູ້ແທນຊາວຫວຽດນາມ ຢູ່ຕ່າງປະເທດທີ່ໄດ້ເຊື່ອມຕໍ່ຄືນໃໝ່ພາຍຫຼັງ 2 ປີທີ່ປະເທດຖືກຜົນກະທົບຢ່າງໜັກໜ່ວງຈາກໂລກລະບາດໂຄວິດ-19. ປີ 2022 ກໍແມ່ນໂອກາດສະເຫຼີມສະຫຼອງ 10 ປີແຫ່ງລາຍການຊາວຫວຽດນາມຢູ່ຕ່າງປະເທດ ກັບມາໄປຢ້ຽມຢາມເຈື່ອງຊາ.
ໂດຍແບ່ງປັນທີ່ການພົບປະ, ບັນດາຜູ້ແທນຊາວຫວຽດນາມຢູ່ຕ່າງປະເທດລ້ວນແຕ່ສະແດງຄວາມເປັນກຽດ ແລະ ຄວາມຕື້ນຕັນໃຈ ເມື່ອໄດ້ເຂົ້າຮ່ວມການຢ້ຽມຢາມເຈື່ອງຊາໃນຄັ້ງນີ້. ການຢ້ຽມຢາມ ບັນລຸໄດ້ບັນດາໝາກຜົນທີ່ມີຄວາມໝາຍ, ສ້າງເງື່ອນໄຂໃຫ້ຊາວຫວຽດນາມຢູ່ຕ່າງປະເທດ ໄດ້ໄປຢ້ຽມຢາມ ແລະ ໃຫ້ກໍາລັງໃຈຕໍ່ພະນັກງານ, ນັກຮົບ, ນັກທະຫານ ແລະ ປະຊາຊົນຢູ່ ເຈື່ອງຊາ; ພ້ອມກັນນັ້ນ, ກໍສົ່ງຂໍ້ຄວາມທີ່ວ່າ ບໍ່ພຽງແຕ່ມີປະຊາຊົນໃນພາຍໃນປະເທດຮ່ວມເດີນທາງຢູ່ສະເໝີ ແລະ ຄຽງຂ້າງກັບທະຫານ ແລະ ປະຊາຊົນຢູ່ໝູ່ເກາະ ເຈື່ອງຊາ ເທົ່ານັ້ນ, ຫາກຍັງມີຊາວຫວຽດນາມຢູ່ຕ່າງປະເທດ 5 ລ້ານກວ່າຄົນ ກໍມຸ່ງໄປເຖິງເຈື່ອງຊາຢູ່ສະເໝີດ້ວຍຄວາມຮັກແພງ ແລະ ຈິງໃຈທີ່ສຸດ.
ພາຍຫຼັງການຢ້ຽມຢາມ, ຊາວຫວຽດນາມຢູ່ຕ່າງປະເທດແຕ່ລະຄົນ ຈະເປັນນັກການທູດຫນຶ່ງເພື່ອແຜ່ກະຈາຍຄວາມຮັກ ເຈື່ອງຊາ ໄປສູ່ຊາວຫວຽດນາມຢູ່ໃນທົ່ວໂລກ.
ຫອມມາລາ
