| ການສົ່ງອອກໂທລະສັບ, ເຄື່ອງຄອມພິວເຕີຂອງ ຫວຽດນາມ ບັນລຸລະດັບ 10 ຕື້ USD | |
| ຊົນນຳວົງເງິນການຄ້າສອງສົ້ນ ຫວຽດນາມ - ນິວຊີແລນ ບັນລຸ 2 ຕື້ USD |
ຍອດມູນຄ່າການສົ່ງອອກເຄື່ອງຕ່ຳແຜ່ນຕັດຫຍິບໃນ 6 ເດືອນຜ່ານມາບັນລຸກວ່າ 22,3 ຕື້ USD, ເພີ່ມຂຶ້ນ 17,7% ເມື່ອທຽບໃສ່ໄລຍະດຽວກັນຂອງປີ 2021. ໃນນັ້ນ, ບັນດາລາຍການສົ່ງອອກສຳຄັນຄື: ເຄື່ອງຕ່ຳແຜ່ນຕັດຫຍິບບັນລຸ 16,94 ຕື້ USD ເພີ່ມຂຶ້ນ 19,5% ເມື່ອທຽບໃສ່ໄລຍະດຽວກັນ; ການສົ່ງອອກໝາກລີນຈີ່ບັນລຸ 1,4 ຕື້ USD, ເພີ່ມຂຶ້ນ 20,8%; ການສົ່ງອອກປະເພດເສັ້ນໄຍບັນລຸ 2,76 ຕື້ USD, ເພີ່ມຂຶ້ນ 4,4%; ການສົ່ງອອກອຸປະກອນຕ່ຳແຜ່ນຕັດຫຍິບບັນລຸ 734 ລ້ານ USD, ເພີ່ມຂຶ້ນ 22,3%; ການສົ່ງອອກຜ້າແພບັນລຸ 452 ລ້ານໂດລາສະຫະລັດ, ເພີ່ມຂຶ້ນ 25,5%.
ຕາມທ່ານປະທານ Vitas ຫວູດຶກຢາງ ແລ້ວ, ຮອດປີ 2022, ວົງເງິນອຸດສາຫະກຳຕ່ຳແຜ່ນຕັດຫຍິບຫວຽດນາມ ບັນລຸ 43,5 ຕື້ USD. ສະນັ້ນ, ໜ້າທີ່ 6 ເດືອນທ້າຍປີ 2022 ຍັງຕ້ອງການບັນລຸເກືອບ 50%. ເຖິງຢ່າງໃດກໍຕາມ, ອຸດສາຫະກຳຕ່ຳແຜ່ນຕັດຫຍິບຫວຽດນາມ ຍັງປະເຊີນໜ້າກັບຄວາມສ່ຽງ ແລະ ສິ່ງທ້າທາຍຫຼາຍຢ່າງໃນເບື້ອງຕົ້ນ ເມື່ອຄວາມສ່ຽງຂອງການປະກົດຕົວຄືນໃໝ່ ຍ້ອນພະຍາດໂຄວິດ-19 ສາຍພັນໃໝ່ຍັງມີຢູ່.
 |
| ການສົ່ງອອກເຄື່ອງຕ່ຳແຜ່ນຕັດຫຍິບ ບັນລຸກວ່າ 22,3 ຕື້ USD. (ພາບ: baotintuc) |
ນອກຈາກນັ້ນ, ອັດຕາເງິນເຟີ້ສູງໃນຕະຫຼາດການບໍລິໂພກເຄື່ອງຕັດຫຍິບໃຫຍ່ຂອງຫວຽດນາມ ເຊັ່ນ: ອາເມລິກາ, ອີຢູ... ແລະ ການຜັນແປທີ່ສັບສົນ ຂອງການປະທະກັນລະຫວ່າງລັດເຊຍ - ຢູແກຼນ ເຮັດໃຫ້ລາຄາວັດຖຸດິບ ແລະ ເຊື້ອເພີງ ເພີ່ມຂຶ້ນຢ່າງຕໍ່ເນື່ອງນັບແຕ່ຕົ້ນປີ ມາຮອດປະຈຸບັນ, ເຮັດໃຫ້ຕົ້ນທຶນຂອງທຸລະກິດເພີ່ມຂຶ້ນປະມານ 20-25%.
ເພື່ອຮັກສາສະຖຽນລະພາບການຜະລິດ, ມຸ່ງໄປເຖິງບັນດາເປົ້າໝາຍທີ່ຍືນຍົງ ໃນໄລຍະຈະມາເຖິງ, ບັນດາວິສາຫະກິດ ຕ້ອງໄປທັນກັບທ່າອ່ຽງຂອງຕະຫຼາດ, ລົງທຶນດ້ານກົນຈັກ ແລະ ເຕັກໂນໂລຢີ, ຫັນເປັນສີຂຽວ ເພື່ອດັດປັບໃຫ້ເໝາະສົມກັບບັນດາຂໍ້ກຳນົດຂອງຍີ່ຫໍ້, ສ້າງຄວາມເຂັ້ມແຂງໃຫ້ແກ່ການແກ້ໄຂໃນການກໍ່ສ້າງ ແລະ ບຳລຸງສ້າງແຫຼ່ງຊັບພະຍາກອນມະນຸດ ເພື່ອປັບຕົວເຂົ້າກັບສະພາບຄວາມຫຍຸ້ງຍາກຂອງຕະຫຼາດ.
ທ່ານປະທານ Vitas ຫວູດຶກຢາງ ກໍ່ຢືນຢັນວ່າ, ໃນໄລຍະທີ່ຜ່ານມາ, ສະມາຄົມໄດ້ປະຕິບັດທີ່ຕັ້ງບົດບາດຂອງການເຊື່ອມຕໍ່ບັນດາວິສາຫະກິດພາຍໃນປະເທດ ແລະ ບັນດາວິສາຫະກິດລົງທຶນຕ່າງປະເທດເປັນຢ່າງດີ ເພື່ອສ້າງຕ່ອງໂສ້ການສະໜອງ; ຂະຫຍາຍຕະຫຼາດສົ່ງອອກ; ເຂົ້າຮ່ວມ ແລະ ຕັ້ງໜ້າເຮັດວຽກຢູ່ຫຼາຍອົງການສາກົນໃຫຍ່ ທີ່ມີຄວາມຊ່ຽວຊານດ້ານຕ່ຳແຜ່ນຕັດຫຍິບ; ປະສານສົມທົບກັບບັນດາອົງການຈັດຕັ້ງສາກົນ ເພື່ອປະຕິບັດບັນດາໂຄງການພະລັງງານທົດແທນ, ການປະຢັດແຫຼ່ງນ້ຳ, ການອອກແບບ, ການຂາຍ, ການສ້າງຍີ່ຫໍ້, ການຄຸ້ມຄອງແຮງງານ. ພິເສດ, ສະມາຄົມຍາມໃດກໍ່ເສີມຂະຫຍາຍບົດບາດເປັນຂົວຕໍ່ທີ່ມີປະສິດທິຜົນລະຫວ່າງບັນດາອົງການຄຸ້ມຄອງລັດ ກັບບັນດາວິສາຫະກິດຕຳ່ແຜ່ນຕັດຫຍິບ, ຍົກສູງຄວາມຮັບຮູ້ກ່ຽວກັບການພັດທະນາອຸດສາຫະກຳຕາມທິດສີຂຽວ-ສະອາດ-ຍືນຍົງ.
ຄຳຮຸ່ງ
