ບົດລາຍງານດັດຊະນີຄ່າໃຊ້ຈ່າຍຕາມບໍລິເວນ (SCOLI) ປີ 2021 ຂອງກົມໃຫຍ່ສະຖິຕິ ຫາກໍ່ເປີດເຜີຍທອັບ 5 ທ້ອງຖິ່ນທີ່ມີຄ່າໃຊ້ຈ່າຍ ແພງທີ່ສຸດໃນປະເທດ.
 |
| ຮ່າໂນ້ຍ ສືບຕໍ່ຄອງຕຳແໜ່ງ “ແຊ້ມ” ດ້ວຍຄະແນນ 100% ກ່ຽວກັບຄ່າໃຊ້ຈ່າຍແພງທີ່ສຸດໃນທົ່ວປະເທດ. ພາບ: congthuong.vn |
ໃນຈຳນວນ 63 ແຂວງ ແລະ ນະຄອນສັງກັດສູນກາງ, ຮ່າໂນ້ຍ ສືບຕໍ່ຄອງຕຳແໜ່ງ “ແຊ້ມ” ດ້ວຍຄະແນນ 100% ກ່ຽວກັບຄ່າໃຊ້ຈ່າຍແພງທີ່ສຸດໃນທົ່ວປະເທດ.
ດັດຊະນີລາຄາບໍລິໂພກ (CPI) ໃນເດືອນມິຖຸນາ ຂອງຮ່າໂນ້ຍ ເພີ່ມຂຶ້ນ 0,70% ເມື່ອທຽບໃສ່ເດືອນກ່ອນ, ເພີ່ມຂຶ້ນ 3,15% ເມື່ອທຽບໃສ່ເດືອນທັນວາ 2021 ແລະ ເພີ່ມຂຶ້ນ 4,31% ເມື່ອທຽບໃສ່ໄລຍະດຽວກັນຂອງປີກາຍ. CPI ສະເລ່ຍໃນ 6 ເດືອນຕົ້ນປີເພີ່ມຂຶ້ນ 3,25% ເມື່ອທຽບໃສ່ລະດັບສະເລ່ຍຂອງໄລຍະດຽວກັນຂອງປີ 2021.
ກວາງນິງ ຢືນອັນດັບທີ 2 ຂອງປະເທດ ດ້ວຍດັດຊະນີ SCOLI ປີ 2021 ເທົ່າກັບ 99,5% ເມື່ອທຽບໃສ່ຮ່າໂນ້ຍ, ເພີ່ມຂຶ້ນ 4 ລະດັບເມື່ອທຽບໃສ່ປີ 2020.
ນະຄອນໂຮ່ຈີມິນ ຢືນອັນດັບທີ 3 ຂອງປະເທດດ້ວຍດັດຊະນີ SCOLI 98,98%.
ຖັດມາແມ່ນ ດ່ານັ້ງ ຢືນອັນດັບທີ 4 ດ້ວຍດັດຊະນີ SCOLI ໃນປີ 2021 ເທົ່າກັບ 96.4%.
ຫາຍຟ່ອງ ຢືນອັນດັບທີ 5 ຂອງປະເທດດ້ວຍດັດຊະນີ SCOLI ປີ 2021 ເທົ່າກັບ 95,58%, ຫຼຸດອັນດັບຄ່າໃຊ້ຈ່າຍແພງລົງ 2 ຂັ້ນເມື່ອທຽບໃສ່ປີ 2020.
ຕາມກົມໃຫຍ່ສະຖິຕິແລ້ວ, ເມື່ອທຽບໃສ່ປີ 2020, ອັນດັບຂອງທ້ອງຖິ່ນທີ່ມີຄ່າໃຊ້ຈ່າຍແພງໃນປີ 2021 ຈະບໍ່ປ່ຽນແປງຫຼາຍ.
ບູນມີ
