ກອງປະຊຸມອຸທິຍານມໍລະ ດົກທາງທຳມະຊາດ ອາຊຽນ ຄັ້ງ ທີ 6 ໄດ້ຈັດຂຶ້ນຢ່າງເປັນທາງ ການໃນວັນທີ 22 ຕຸລານີ້, ຢູ່ທີ່ ໂຮງແຮມຈໍາປາສັກແກຣນ ນະ ຄອນປາກເຊ ແຂວງຈໍາປາສັກ ໂດຍການເປັນປະທານ. ເຂົ້າຮ່ວມກອງປະຊຸມມີ ທ່ານ ຄຳບຸນນັດ ໄຊຍະນົນ ຮອງລັດ ຖະມົນຕີກະຊວງກະສິກຳ ແລະ ປ່າໄມ້. ແຫ່ງ ສປປ ລາວ, ທ່ານ ບົວສອນ ວົງສອງຄອນ ຮອງ ເຈົ້າແຂວງ ຈຳປາສັກ, ທ່ານ ເອັນລິໂຄ ສະແຕມ ເພວລີ່ (Enrico stram pelli) ຫົວ ໜ້າຫ້ອງການຮ່ວມພັດທະນາສະ ຫະພາບຍູໂຣບປະຈຳຟີລິບປິນ, ທ່ານ ກີ່ ອານ ເຫຍິນ (Mr. Ky Ann Nguyen) ຜູ້ອຳນວຍການ ໃຫຍ່ດ້ານ ການພັດທະນາແບບ ຍືນຍົງ, ເລຂາທິການອາຊຽນ; ທ່ານ ນາງ ເທລິຊ້າ ມັນດິຕ້າ ລິມ (Theresa Mundita Lim) ຫົວ ໜ້າສູນຊີວະນາໆພັນອາຊຽນ; ຜູ້ຕາງໜ້າຂອງອົງການ KFW ປະເທດເຢຍລະມັນ, ບັນດາຜູ້ຈັດ ການສວນອຸທິຍານປະເທດອາ ຊຽນເຂົ້າຮ່ວມ 360 ທ່ານ.
 |
ບັນດາຜູ້ແທນເຂົ້າຮ່ວມກອງປະຊຸມ. (ພາບ: kpl)
ທ່ານ ຄຳບຸນນັດ ໄຊຍະນົນ ໄດ້ກ່າວໄຂກອງປະຊຸມເປັນທາງ ການໂດຍກ່າວວ່າ: ໃນນາມຕາງ ໜ້າໃຫ້ການນໍາກະຊວງກະສິກຳ ແລະ ປ່າໄມ້ຂໍສະແດງຄວາມຍິນ ດີທີ່ຕ້ອນຮັບບັນດາ ທ່ານ ເຂົ້າສູ່ປະ ເທດລາວ ຂອງພວກເຮົາ, ສປປ ລາວ ຍັງເປັນປະເທດທີມີຄວາມ ອຸດົມສົມບູນທາງທຳມະຊາດ ໂດຍສະເພາະປ່າໄມ້, ຊີວະນາໆ ພັນ. ສະນັ້ນ, ພັກ ແລະ ລັດຖະ ບານລາວ ຈິ່ງມີນະໂຍບາຍໃຫ້ ກຳນົດເຂດປ່າສະຫງວນແຫ່ງ ຊາດ ຫຼາຍແຫ່ງໃນຂອບເຂດທົ່ວ ປະເທດເພື່ອໃຫ້ກາຍເປັນປະ ເທດສີຂຽວ-ສວຍງາມ, ເຊິ່ງໃນ ນັ້ນປ່າສະຫງວນແຫ່ງຊາດນໍ້າ ຫ້າ ແຂວງຫຼວງນໍ້ທາ ກໍເປັນ ເຂດໜຶ່ງມີຄວາມອຸດົມສົມບຸນ ທາງທຳມະຊາດ ໂດຍສະເພາະ ແມ່ນມີຊະນິດພັນນົກ ແລະ ພັນ ສັດລ້ຽງລູກດ້ວຍນໍ້ານົມຫຼາຍ ຊະນິດທີອາໄສຢູ່. ດ້ວຍຄວາມ ອຸດົມສົມບຸນປ່າສະຫງວນແຫ່ງ ຊາດນໍ້າຫ້າ ຂອງ ສປປ ລາວ ໄດ້ ກາຍເປັນສວນອຸທິຍານມໍລະດົກ ທາງທຳມະຊາດ ອາຊຽນ ຫຼື (AHP ) ແຫ່ງງທຳອິດຂອງ ລາວ.
ຈຸດປະສົງຂອງກອງປະຊຸມ ຄັ້ງນີ້, ເພື່ອເຮັດໃຫ້ສວນອຸທິຍາ ນານມໍລະດົກທາງທຳມະຊາດ ອາຊຽນ (AHP) ແລະ ເຂດ ປ່າສະຫງວນແຫ່ງຕ່າງໆໄດ້ ຮັບການຄຸ້ມຄອງ, ຮັກສາໃຫ້ມີ ຄວາມຍືນຍົງ ໂດຍສ້າງໃຫ້ຄົນ ຮຸ່ນປັດຈຸບັນ ແລະ ອະນາຄົດໄດ້ ເຫັນເຖິງຄວາມສໍາຄັນຂອງ ການອະນຸລັກຊີວະນາໆພັນ ແລະ ຊັບພະຍາກອນທຳມະຊາດໄວ້; ເພື່ອການສຶກສາ ແລະ ຄົ້ນຄວ້າ ການດຳລົງຊີວິດຂອງສິ່ງທີ່ມີຊີ ວິດ ແລະ ເພື່ອປັບຕົວເຂົ້າກັບການ ປ່ຽນແປງດິນຟ້າອາກາດຂອງ ໂລກ. ທັງໝົດນີ້ແມ່ນເຫດຜົນທີ່ຕ້ອງໃຫ້ຄວາມສຳຄັນຕໍໍ່ການຄຸ້ມຄອງເຂດປ່າສະຫງວນໃຫ້ມີປະ ສິດທິພາບສູງຂຶ້ນ. ກອງປະຊຸມ ອຸທິຍານມໍລະດົກ ທາງທຳມະຊາດອາຊຽນ(AHP) ຄັ້ງທີ່ 6 ນີ້ ເປັນການປະກອບສ່ວນ ແລະ ແລກປ່ຽນບົດຮຽນໃນ ການຄຸ້ມຄອງ ແລະ ການບໍລິຫານ ຊັບພະຍາກອນທຳມະຊາດ ແລະ ຊີວະນາໆພັນທີ່ດີ ແລະ ຍັງຖືເປັນ ການສະເຫຼີມສະຫຼອງວັນຄົບ ຮອບ 35 ປີ ຂອງສວນອຸທິຍານ ມໍລະດົກອາຊຽນອີກດ້ວຍ.
ກອງປະຊຸມອຸທິຍານມໍລະດົກ ທາງທຳມະຊາດ ອາຊຽນ ຄັ້ງທີ 6 ທີ່ ສປປລາວ ເປັນເຈົ້າພາບຄັ້ງນີ້ ຍັງມີກອງປະຊຸມຍ່ອຍຫຼາຍຫົວຂໍ້ ທີ່ຈັດຂືຶ້ນເພື່ອປຶກສາຫາລື ແລກ ປ່ຽນບົດຮຽນເຊິ່ງກັນ ແລະ ກັນໃນ ລະດັບວິຊາການ ແລະ ລະດັບຜູ້ບໍລິ ຫານເພື່ອຮ່ວມກັນເປັນໜຶ່ງດຽວ ໃນການພັດທະນາຊີວະນາໆພັນ ແບບຍືນຍົງ, ຄະນະຜູ້ແທນກໍ ໄດ້ລົງຢ້ຽມຢາມພື້ນທີ່ພາກສະ ໜາມ ຕົວຈິງ ເພື່ອຊົມຄວາມອຸດົມ ສົມບູນ ແລະ ຄວາມສວຍງາມທາງ ທຳມະຊາດ ໃນເຂດປ່າສະຫງວນ ແຫ່ງຊາດ ດົງຫົວສາວ ແລະ ປ່າ ສະຫງວນແຫ່ງຊາດ ເຊປຽນ ເຊິ່ງເປັນສ່ວນໜຶ່ງຂອງເຂດ ລາມຊາ-ບຶງຂຽດໂງ້ງ ຕາມວາ ລະຂອງກອງປະຊຸມທີ່ໄດ້ກຳນົດ.
ໄປຄວບຄູ່ກັບການຈັດກອງປະ ຊຸມແລ້ວຍັງມີກິດຈະກຳປິ່ນອ້ອມ ເຊັ່ນ: ງານວາງສະແດງຜົນງານ ການຄຸ້ມຄອງມໍລະດົກທາງທຳ ມະຊາດສະແດງໃຫ້ເຫັນຄວາມ ເອົາໃຈໃສ່ຂອງລັດຖະບານແຕ່ ລະປະເທດໃນອາຊຽນຕໍ່ການ ຄຸ້ມຄອງບໍລິຫານຈັດການປ່າສະ ຫງວນ, ສັດນໍ້າສັດປ່າ, ຊີວະນາໆ ພັນ ແລະ ອື່ນໆ ພ້ອມທັງມີງານ ຖະແຫຼງຂ່າວຕໍ່ສື່ມວນຊົນແຕ່ລະ ປະເທດກ່ຽວກັບການຈັດກອງປະ ຊຸມອຸທິຍານມໍລະດົກທາງທຳມະ ຊາດອາຊຽນ ຄັ້ງທີ 6 ແລະ ຄວາມ ສົນໃຈຂອງສື່ມວນຊົນອີກດ້ວຍ. ກອງປະຊຸມ ອຸທິຍານມໍລະດົກ ທາງທຳມະຊາດ ອາຊຽນ ຄັ້ງທີ 6 ນີ້ ຈະໄດ້ເນີນໄປຮອດວັນທີ 24 ຕຸລາ 2019 ຈີ່ງຈະເລັດ.
（ຄຳຮຸ່ງ）
