| ມອບທຶນການສືກສາໃຫ້ນັກສືກສາຫວຽດນາມ ຢູ່ຍີ່ປຸ່ນ | |
| ນັກສຶກສາມາເລເຊຍ 70 ກວ່າຄົນເຂົ້າຮ່ວມຂະບວນການອາສາສະໝັກລະດູແລ້ງຢູ່ນະຄອນໂຮ່ຈີມິນ |
 |
| ນາມຫງວຽນ, ຜູ້ບ່າວທີ່ໄດ້ຮັບລາງວັນທີ່ໃສ່ຊື່ຂອງອາດີດເຈົ້າຫຍິງ Diana ຂອງອັງກິດ |
ລາງວັນທີ່ໃສ່ຊື່ຂອງອາດີດເຈົ້າຫຍິງ Diana ຂອງອັງກິດ ແລະ ອົງການກຸສົນແຫ່ງໜຶ່ງທີ່ມີຊື່ດຽວກັນ ໄດ້ມອບໃຫ້ແກ່ໄວໜຸ່ມທີ່ດີເດັ່ນໃນທົ່ວໂລກທຸກໆປີ, ບັນດາຜູ້ທີ່ສ້າງແຮງບັນດານໃຈ ແລະ ຂົນຂວາຍໄດ້ລຸ້ນຄົນຂອງຕົນໄປຮັບໃຊ້ຊຸມຊົນ, ສ້າງການປ່ຽນແປງທີ່ຍາວນານໃນຂອບຂະໜາດທົ່ວໂລກ. ໂດຍຕາມຄະນະຈັດຕັ້ງ, ຜູ້ທີ່ໄດ້ຮັບລາງວັນ Diana ຈະໄດ້ເຂົ້າໃກ້ກັບໂຄງການພັດທະນາທີ່ເປັນອັນດຽວ ເພື່ອເພີ່ມຄວາມສາມາດດ້ານຫົວຄິດສ້າງສັນ, ການນໍາພາ ແລະ ການປ່ຽນແປງສັງຄົມໂດຍຜ່ານຊັບພະຍາກອນ, ກາລະໂອກາດ ແລະ ບັນດາຫຼັກສູດຂອງການຝຶກອົບຮົມທີ່ຈະໄດ້ຈັດຂຶ້ນທັງແບບເຊິ່ງຫນ້າ ແລະ ທາງໄກ.
ນາມ ມາອາເມລິກາໃນປີ 2013 ຕອນອາຍຸ 15 ປີ ດ້ວຍພື້ນຖານພາສາຕ່າງປະເທດແບບອໍໆແອໆ. ແຕ່ວ່າ ດ້ວຍຄວາມມານະພະຍາຍາມຂອງຕົນ ນາມ ໄດ້ຮຽນຈົບ ສາຍເຄມີສາດ ແລະ ທຸລະກິດສາກົນຂອງມະຫາວິທະຍາໄລລັດ Washington, ແລະ ຍັງເປັນນັກສຶກສາຄົນທຳອິດຂອງໂຮງຮຽນທີ່ໄດ້ຮັບທຶນການສຶກສາໃນ 7 ທະວີບ. ນາມ ກໍາລັງເຮັດວຽກໃຫ້ບໍລິສັດນໍ້າມັນອາຍແກັສ BP ແລະ ກໍາລັງສຶກສາລະດັບປະລິນຍາໂທດ້ານເຕັກໂນໂລຢີການສຶກສາຢູ່ມະຫາວິທະຍາໄລ Johns Hopkins (ອາເມລິກາ).
ນາມ ໃຫ້ຮູ້ວ່າ ລາວຮູ້ສຶກພາກພູມໃຈກ່ຽວກັບບັນດາຄວາມມານະພະຍາຍາມຂອງຕົນໃນການແກ້ໄຂບັນຫາສຸຂະພາບດ້ານຈິດໃຈໃຫ້ແກ່ຊຸມຊົນ ແລະ ໄດ້ໃຊ້ເວລາສ່ວນຫຼາຍເພື່ອເປັນອາສາສະໝັກໃຫ້ບໍລິການຊຸມຊົນ. Nam ເຄີຍເຮັດວຽກກັບໝູ່ໃນຫ້ອງຮຽນເພື່ອພັດທະນາອຸປະກອນຈັບດ້ວຍມືທີ່ໜູນຊ່ວຍການຕັ້ງສະມາທິ ເພື່ອຫຼຸດປ່ອນຄວາມເຄັ່ງຕຶງ ແລະ ຄວາມກັງວົນ.
ນາມ ຍັງເປັນນັກວິຊາການໃຫ້ແກ່ອົງການທີ່ບໍ່ຫວັງກໍາໄລ Crisis Text Line ເຊິ່ງຮັບຜິດຊອບສະເພາະການໜູນຊ່ວຍຜູ້ທີ່ມີບັນຫາດ້ານຈິດໃຈ ຜ່ານຜ່າວິກິດການ ໂດຍການສົ່ງຂໍ້ຄວາມໃຫ້ຄໍາປຶກສາຟຣີ. ນາມ ເວົ້າວ່າ ຢາກ "ປີນຂຶ້ນສູງ" ໃນພາກເອກະຊົນ ແລະ ຊ່ວຍໃຫ້ຂະແຫນງພະລັງງານກາຍເປັນມິດກັບດິນຟ້າອາກາດກວ່າ. ຜູ້ບ່າວເຊື້ອຊາດຫວຽດນາມ ຫວັງວ່າຈະສ້າງແຮງບັນດານໃຈໃຫ້ປະຊາຊົນຜູ້ທີ່ເຂົ້າຮ່ວມວຽກງານຊຸມຊົນ ແລະ ສ້າງຄວາມແຕກຕ່າງໃຫ້ແກ່ບັນດາຄົນຢູ່ອ້ອມຂ້າງເຂົາເຈົ້າ.
ຫອມມາລາ
