| ທ່ານລັດຖະມົນຕີການຕ່າງປະເທດ ຫວຽດນາມ ບຸ່ຍແທັງເຊີນ ໄດ້ພົບປະກັບທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ໄທ | |
| MRC ໄຂກອງປະຊຸມເປີດກວ້າງປຶກສາຫາລືກ່ຽວກັບເຂື່ອນໄຟຟ້າ ປາກລາຍ |
ຕອນບ່າຍວັນທີ 5 ກໍລະກົດ, ຢູ່ຮ່າໂນ້ຍ, ທ່ານ ໂດ໊ຮຸ່ງຫວຽດ ຜູ້ຊ່ວຍວຽກລັດຖະມົນຕີກະຊວງການຕ່າງປະເທດຫວຽດນາມ ໄດ້ໃຫ້ການຕ້ອນຮັບທ່ານ ປອ ອານຸລັກ ກິດຕິຄຸນ, ຜູ້ອຳນວຍການຝ່າບບໍລິຫານຄະນະເລຂາ ຄະນະກຳມາທິການແມ່ນ້ຳຂອງສາກົນ.
 |
| ຫວຽດນາມ ເຊີດຊູບົດບາດຂອງຄະນະເລຂາຄະນະກໍາມາທິການແມ່ນໍ້າຂອງສາກົນ (MRC). ພາບ: baoquocte.vn |
ທ່ານ ໂດ໊ຮຸ່ງຫວຽດ ໄດ້ສະແດງຄວາມຊົມເຊີຍທ່ານ ປອ ອານຸລັກ ກິດຕິຄຸນ ທີ່ໄດ້ດຳລົງຕຳແໜ່ງເປັນຜູ້ອຳນວຍການຝ່າຍບໍລິຫານຄະນະເລຂາ ຄະນະກຳມາທິການແມ່ນ້ຳຂອງສາກົນ (MRC) ໄລຍະ 2022-2024.
ທ່ານ ໂດ໊ຮຸ່ງຫວຽດ ຢືນຢັນວ່າ ຫວຽດນາມ ຍາມໃດກໍ່ຖືເປັນສຳຄັນການພົວພັນຮ່ວມມືມິດຕະພາບລະຫວ່າງບັນດາປະເທດອະນຸພາກພື້ນແມ່ນ້ຳຂອງ. ທ່ານ ໂດ໊ຮຸ່ງຫວຽດ ເນັ້ນໜັກວ່າ: MRC ແລະ ສັນຍາຮ່ວມມືພັດທະນາແບບຍືນຍົງ ອະນຸພາກພື້ນແມ່ນ້ຳຂອງປີ 1995 ໄດ້ປະກອບສ່ວນສຳຄັນເຂົ້າໃນສະຖຽນລະພາບ ແລະ ການພັດທະນາແບບຍືນຍົງຢູ່ອະນຸພາກພື້ນ ແລະ ຢືນຢັນວ່າ ຫວຽດນາມ ຈະເປັນເຈົ້າການ, ຕັ້ງໜ້າເຂົ້າຮ່ວມປະກອບສ່ວນເຂົ້າໃນບັນດາການເຄື່ອນໄຫວຮ່ວມມືຂອງຄະນະກໍາມາທິການ.
ທ່ານ ປອ ອານຸລັກ ກິດຕິຄຸນ ໄດ້ຕີລາຄາສູງການເຂົ້າຮ່ວມ ແລະ ປະກອບ ສ່ວນຢ່າງຕັ້ງໜ້າ, ມີຄວາມຮັບຜິດຊອບ ແລະ ມີປະສິດທິຜົນຂອງຫວຽດນາມ ໃນການເຄື່ອນໄຫວຂອງ MRC, ພ້ອມທັງຮັບຮູ້ບັນດາຂໍ້ສະເໜີຂອງຝ່າຍຫວຽດນາມ.
ບູນມີ
