| ອັງກິດມີທີ່ຕັ້ງສຳຄັນໃນນະໂຍບາຍການຕ່າງປະເທດ ຂອງ ຫວຽດນາມ | |
| ທ່ານປະທານປະເທດ ຫວຽດນາມ ຫງວຽນຊວັນຟຸກ ຕ້ອນຮັບທ່ານລັດຖະມົນຕີກະຊວງຍຸຕິທຳ ຍີ່ປຸ່ນ |
 |
| ທ່ານປະທານກຸ່ມບໍລິສັດການເງິນໂຕກຽວ Kiraboshi ແລະ ທ່ານ ເອກອັກຄະລັດຖະທູດ ຫວູຮົ່ງນາມ ປະຈຳ ຍີ່ປຸ່ນ (ພາບ: VOV) |
ເຂົ້າສານ ST 25 ຂອງຫວຽດນາມ ຈຳນວນ 100ໂຕນ ໄດ້ນຳມາວາງຈຳໜ່າຍຢູ່ລະບົບສັບພະສິນຄ້າຍີ່ປຸ່ນ ເພື່ອຮັບໃຊ້ຜູ້ບໍລິໂພກ ຍີ່ປຸ່ນ ກໍ່ຄືຊາວ ຫວຽດນາມ ທີ່ດຳລົງຊີວິດ ແລະ ຮ່ຳຮຽນຢູ່ ຍີ່ປຸ່ນ, ເຂົ້າສານ ST 25 ພວມມີຢູ່ຕະຫຼາດ ຍີ່ປຸ່ນ ແມ່ນການສືບຕໍ່ເຄື່ອນໄຫວສົ່ງອອກໄປຕະຫຼາດທີ່ມີຄຸນນະພາບສູງ. ທ່ານປະທານກຸ່ມບໍລິສັດການເງິນໂຕກຽວ Kiraboshi, ທັງເປັນ ຜູ້ອຳນວຍການໃຫຍ່ທະນາຄານ Kiraboshi - ຄູ່ຮ່ວມມືສະໜັບສະໜູນກຸ່ມບໍລິສັດ ເຕິນລອງຂອງ ຫວຽດນາມ ໃນການເຂົ້າເຖິງຕະຫຼາດ ຍີ່ປຸ່ນໄດ້ຕີລາຄາສູງຄຸນນະພາບເຂົ້າຂອງ ຫວຽດນາມ ແລະ ຖືວ່າ: ເຂົ້າປະເພດນີ້ຈະໄດ້ຮັບການຊົມໃຊ້ຢ່າງກວ້າງຂວາງຢູ່ຕະຫຼາດ ຍີ່ປຸ່ນ. ກຸ່ມບໍລິສັດ ເຕິນລອງໄດ້ຮ່ວມມືກັບທະນາຄານ Kiraboshi ແລະບາງຜູ້ນໍາເຂົ້າຈາກຍີ່ປຸ່ນເຊັ່ນ Sun-Tommy, Spice House ເພື່ອສົ່ງອອກເຂົ້າ ST 25 ໄປຍີ່ປຸ່ນ. ນັບແຕ່ເດືອນມີນາປີ 2022, ກຸ່ມບໍລິສັດ ເຕິນລອງໄດ້ສົ່ງອອກເຂົ້າສານຊຸດທຳອິດໄປຍີ່ປຸ່ນ ແລະ ໃນເດືອນມິຖຸນານີ້ ຈະໄດ້ວາງຂາຍຢູ່ຮ້ານສັບພະສິນຄ້າຍີ່ປຸ່ນ. ກຸ່ມບໍລິສັດມີຄວາມສົນໃຈຫຼາຍຕໍ່ຕະຫຼາດຍີ່ປຸ່ນ ແລະ ຈະສຸມໃສ່ການສົ່ງອອກເຂົ້າຍີ່ປຸ່ນ Japonica ຄຽງຂ້າງກັບເຂົ້າ ST 25.
ບຸນຄົງ
