ຕອນເຊົ້າວັນທີ 21 ມິຖຸນາ, ຢູ່ນະຄອນ ໂຮ່ຈີມິນ, ຄະນະພັກນະຄອນ, ສະພາປະຊາຊົນ, ຄະນະກຳມະການປະຊາຊົນ ແລະ ຄະນະກຳມະການແນວ ໂຮມປະເທດຊາດຫວຽດນາມ ນະຄອນ ໂຮ່ຈີມິນ ໄດ້ຈັດງານພົບປະກັບ ອະດີດນັກຊ່ຽວຊານ ຫວຽດນາມ ຊ່ວຍ ກຳປູເຈຍ ໄລຍະ 1979 – 1989.
 |
| ນະຄອນໂຮ່ຈີມິນ: ພົບປະກັບອະດີດນັກຊ່ຽວຊານ ຫວຽດນາມ ຊ່ວຍ ກຳປູເຈຍ ໄລຍະ 1979 – 1989. ພາບ: TTXVN |
ກ່າວຄຳເຫັນໃນງານພົບປະ, ພົນຕີ ຫງວຽນວັນນາມ, ຫົວໜ້າກອງບັນຊາການ ທະຫານນະຄອນ ໂຮ່ຈີມິນ ໄດ້ຍ້ອງຍໍຊົມເຊີຍບັນດາຜົນງານເຊິ່ງຄະນະນັກຊ່ຽວຊານ A50 ຫວຽດນາມ ບັນລຸໄດ້. ພາຍຫຼັງ ຊ່ວຍ ກຳປູເຈຍ ມາເປັນເວລາ 10 ປີ, ໄລຍະແຕ່ປີ 1979 – 1989, ບັນດານັກຊ່ຽວຊານ, ພະນັກງານ, ພາລະກອນຄະນະ A50 ໄດ້ປະຕິບັດສຳເລັດພັນທະສາກົນເປັນຢ່າງດີ, ຊ່ວຍຟື້ນຟູ, ສ້າງສານະຄອນຫຼວງ ພະນົມເປັນ ຄືນໃໝ່ຢ່າງຮອບດ້ານ, ເປັນປະຖົມປັດໄຈເພື່ອໃຫ້ນະຄອນຫຼວງພັດທະນາກາຍເປັນເມືອງຫຼວງທີ່ຮັ່ງມີເຂັ້ມແຂງຂອງ ລາຊະອານາຈັກ ກຳປູເຈຍ ຄືໃນວັນນີ້, ປະກອບສ່ວນເພີ່ມພູນ ຄູນສ້າງນ້ຳໃຈສາມັກຄີມິດຕະພາບ ຫວຽດນາມ - ກຳປູເຈຍ ໃຫ້ນັບມື້ນັບເລິກເຊິ່ງ ແລະ ຍືນຍົງ.
ບັນດາການປະກອບສ່ວນຂອງຄະນະນັກຊ່ຽວຊານ A50 ແມ່ນໄດ້ຮັບການຮັບຮູ້ຈາກປະຊາຊົນ, ອຳນາດການປົກຄອງນະຄອນ ໂຮ່ຈີມິນ ແລະ ຈະໄດ້ຮັບການຮັກສາຖ່າຍທອດໃຫ້ລຸ້ນໜຸ່ມ ກ່ຽວກັບໃນໄລຍະທີ່ນະຄອນ ໂຮ່ຈີມິນ ປະຕິບັດພັນທະສາກົນດວຍຈິດໃຈສຸດອົກສຸດໃຈ, ບໍລິສຸດຜຸດຜ່ອງ.
ບູນມີ
