| ປີ 2022: ສຸມໃສ່ໂຄສະນາ, ເຜີຍແຜ່ກົດໝາຍວ່າດ້ວຍການປົກປັກຮັກສາສິ່ງແວດລ້ອມ | |
| ສຸມໃສ່ຮັບປະກັນຊີວິດການເປັນຢູ່ ຂອງປະຊາຊົນ ພາຍຫຼັງໄພນໍ້າຖ້ວມ |
ກ່າວປາໄສໄຂກອງປະຊຸມ, ທ່ານນາງ ດັ້ງຮ່ວາງແອັງ ຮອງລັດຖະມົນຕີກະຊວງຍຸຕິທຳຫວຽດນາມ ໃຫ້ຮູ້ວ່າ ເຖິງວ່າໂຄງການໄດ້ຜັນຂະຫຍາຍໃນສະພາບພະຍາດໂຄວິດ-19 ຜັນແປຢ່າງສັບສົນ, ສົ່ງຜົນກະທົບເຖິງການຜັນຂະຫຍາຍການເຄື່ອນໄຫວຄົ້ນຄວ້າ, ຮ່ວມມື, ແລກປ່ຽນລະຫວ່າງສອງຝ່າຍກໍ່ຕາມ, ແຕ່ຄະນະຄຸ້ມຄອງໂຄງການ ແລະຫົວໜ່ວຍ, ບຸກຄົນທີ່ກ່ຽວຂ້ອງໄດ້ມີການດັດປັບຢ່າງມີໄຫວພິບ ເພື່ອປັບຕົວໃຫ້ແທດເໝາະກັບສະພາບການໃໝ່.
 |
| ບັນຍາກາດທີ່ກອງປະຊຸມ. ພາບ: baophapluat.vn |
ທ່ານນາງ ດັ້ງຮ່ວາງແອັງ ເຊື່ອໝັ້ນວ່າ ບັນດາໝາກຜົນທີ່ບັນລຸໄດ້ໃນກອງປະຊຸມຈະຊ່ວຍຄະນະຊີ້ນໍາໂຄງການສອງຝ່າຍເຫັນດີເປັນເອກະພາບແຜນນະໂຍບາຍ, ມາດຕະການ ແລະມີການຊີ້ນໍາຢ່າງຂ້ຽວຂາດກວ່າອີກ ເພື່ອຜັນຂະຫຍາຍໂຄງການບັນລຸຄຸນນະພາບ, ປະສິດທິຜົນ, ຮັບປະກັນບັນດາເປົ້າໝາຍວາງອອກ, ປະກອບສ່ວນຍົກສູງຄຸນນະພາບແຫຼ່ງຊັບພະຍາກອນມະນຸດໃຫ້ກະຊວງ ແລະຂະແໜງຍຸຕິທຳຂອງລາວ.
ໃນ 6 ເດືອນທ້າຍປີ 2022, ຄະນະຄຸ້ມຄອງໂຄງການຂອງຫວຽດນາມ ສະເໜີໃຫ້ຝ່າຍລາວ ກວດກາຄືນແຜນການສັງລວມການເຄື່ອນໄຫວຂອງໂຄງ ການຕາມເນື້ອໃນເອກະສານຂອງໂຄງການຢ່າງວ່ອງໄວ ເພື່ອສະເໜີໃຫ້ເພີ່ມເຕີມການເຄື່ອນໄຫວ ທີ່ຍັງບໍ່ໄດ້ອະນຸມັດຜ່ານໃນແຜນການເຄື່ອນໄຫວ ປີ 2022 ຂອງໂຄງການ; ສຸມໃສ່ຜັນຂະຫຍາຍບັນດາການເຄື່ອນໄຫວຂອງໂຄງການເພື່ອສາມາດປະຕິບັດສໍາເລັດໃນເດືອນຕຸລາ 2022.
ໂຄງການຊ່ວຍເຫຼືອຖາບັນຍຸຕິທຳລາວ (ໂຄງການ) ໄດ້ເປີດຂຶ້ນຢ່າງເປັນທາງການໃນວັນທີ 27 ມີນາ 2018 ຄາດວ່າຈະສິ້ນສຸດໃນທ້າຍເດືອນທັນວາ 2020 ແລະ ໄດ້ຂະຫຍາຍອອກໄປອີກ 2 ປີ (ນັບແຕ່ວັນທີ 1 ມີນາ 2020/ມັງກອນ 2021 ຈົນເຖິງວັນທີ 31 ທັນວາ2022). ໃນໄລຍະຜ່ານມາ, ການປະຕິບັດໂຄງການໄດ້ຮັບຄວາມເອົາໃຈໃສ່ ແລະ ຊ່ວຍເຫຼືອຢ່າງຕັ້ງໜ້າຈາກບັນດາອົງການ, ຫົວໜ່ວຍທີ່ກ່ຽວຂ້ອງ. ຄະນະຄຸ້ມຄອງໂຄງການ ແລະ ບັນດາຄະນະຊ່ຽວຊານຂອງສອງຝ່າຍໄດ້ເພີ່ມທະວີການນຳໃຊ້ເຕັກໂນໂລຊີຂໍ້ມູນຂ່າວສານຢ່າງຕັ້ງໜ້າ ແລະ ເຄື່ອນໄຫວໃນການແລກປ່ຽນວຽກງານວິຊາສະເພາະ ແລະ ຜັນຂະຫຍາຍບັນດາການເຄື່ອນໄຫວຂອງໂຄງການເພື່ອຜ່ານຜ່າຄວາມຫຍຸ້ງຍາກ ຍ້ອນການແຜ່ລະບາດຂອງພະຍາດໂຄວິດ-19, ຍົກສູງປະສິດທິຜົນການເຄື່ອນໄຫວ.
ປີ 2021, ຄະນະບໍລິຫານງານໂຄງການ ແລະ ສະຖາບັນຍຸຕິທຳ ຫວຽດນາມ - ລາວ ໄດ້ປະສານສົມທົບກັນຈັດຕັ້ງ ຜັນຂະຫຍາຍການເຄື່ອນໄຫວ03 ກຸ່ມ ຕົ້ນຕໍ ດ້ວຍ 25 ໜ້າວຽກຂອງໂຄງການລວມມີ: ຊ່ວຍເຫຼືອອົງການ ສະຖາບັນຍຸຕິທໍາລາວ ສືບຕໍ່ສ້າງຫຼັກສູດການຝຶກອົບຮົມ ແລະ ເອກະສານການສອນໃຫ້ສົມບູນແບບໃຫ້ແກ່ຕໍາແໜ່ງຕຸລາການ, ພະນັກງານກົດໝາຍ ແລະ ຍຸຕິທໍາຂອງລາວ; ຊ່ວຍເຫຼືອການສ້າງຂີດຄວາມສາມາດໃຫ້ແກ່ພະນັກງານການສອນຂອງ ສປປ ລາວ, ພະນັກງານຕຸລາການ, ພະນັກງານກົດໝາຍ ແລະ ຍຸຕິທຳ ແຫ່ງ ສປປ ລາວ; ເຄື່ອນໄຫວຂອງຂອງຄະນະບໍລິຫານໂຄງການ.
ກອງທັບ
