| ຫງວຽນທິແອັວງ ນັກກິລາທີ່ດີເດັ່ນຂອງ ກິລາປະເພດແລ່ນແລະລານຂອງຫວຽດນາມ | |
| ຍ້ອງຍໍຊົມເຊີຍຄະນະນັກກິລາກອງທັບທີ່ເຂົ້າຮ່ວມ ຊີເກມ 31 ແລະໂຮງໝໍສະໜາມ ຂັ້ນ 2 ເລກ 3 |
 |
| ທ່ານເຈີນວັນກວັນ ຮອງປະທານຄະນະກຳມະການປະຊາຊົນແຂວງຫາຍເຢືອງ ກ່າວຄໍາປາໄສ ທີ່ ເວທີປາໄສ ( ພາບ: qdnd.vn) |
ປັດຈຸບັນ ໝາກລິ້ນຈີ່ຖ່ຽວ ຫວຽດນາມ ທີ່ມີຊື່ສຽງ ມີຢູ່ໃນສອງເຂດຄື ໝາກລິ້ນຈີ່ຖ່ຽວ ແທງຮ່າ (ແຂວງຫາຍເຢືອງ) ແລະ ໝາກລິ້ນຈີ່ຖ່ຽວ ລຸກງ້ານ (ແຂວງບັກຢາງ), ເຊິ່ງໄດ້ປະກົດຢູ່ກ່ວາ 30 ປະເທດ ແລະ ເຂດແຄ້ວນ. ປີ 2022, ໝາກລິ້ນຈີ່ຖ່ຽວ ຫວຽດນາມ ຄາດຄະເນວ່າ ຈະໄດ້ຮັບຜົນດີ, ດ້ວຍປະລິມານການຜະລິດ ປະມານ 320.000 ໂຕນ.
ບັກຢາງ - ເຂດຜະລິດໝາກລິ້ນຈີ່ຖ່ຽວທີ່ໃຫຍ່ທີ່ສຸດຂອງ ຫວຽດນາມ ດ້ວຍເນື້ອທີ່ກວ່າ 28.000 ເຮັກຕາ, ປະລິມານການຜະລິດ ຄາດວ່າ ບັນລຸໄດ້ປະມານ 180.000 ໂຕນ.
ແຂວງ ຫາຍເຢືອງ ມີເນື້ອທີ່ປະມານ 9.000 ເຮັກຕາ, ປະລິມານການຜະລິດ ຄາດວ່າ ບັນລຸໄດ້ປະມານ 60.000 ໂຕນ, ໃນນັ້ນ 100% ເນື້ອທີ່ປູກໝາກລິ້ນຈີ່ແມ່ນໄດ້ປູກຕາມຂັ້ນຕອນການຜະລິດທີ່ສະອາດ ແລະ ປອດໄພ.
ທີ່ເວທີປາໄສ, ທ່ານເຈີນວັນກວັນ, ຮອງປະທານຄະນະກຳມະການປະຊາຊົນແຂວງຫາຍເຢືອງ, ໃຫ້ຮູ້ວ່າ: ໝາກລິ້ນຈີ່ຖ່ຽວຈະສຸກໄປທົ່ວສວນ ໃນໄລຍະເວລາສັ້ນ ນັບແຕ່ເດືອນພຶດສະພາ ຫາ ເດືອນກໍລະກົດ, ດ້ວຍປະລິມານການຜະລິດໃຫຍ່, ເວລາເກັບກ່ຽວສັ້ນ ສະນັ້ນ ການເຊື່ອມຕໍ່ພົວພັນການຄ້າ, ຊອກຫາຕະຫຼາດແມ່ນສິ່ງທີ່ຈຳເປັນທີ່ສຸດ.
ທ່ານ ຟານເທ໋ຕວັນ, ຮອງປະທານຄະນະກຳມະການປະຊາຊົນແຂວງ ບັກຢາງ, ໃຫ້ຮູ້ວ່າ: “ແຂວງ ບັກຢາງ ກໍາລັງກ້າວເຂົ້າສູ່ລະດູການເກັບກ່ຽວໝາກລິ້ນຈີ່ຖ່ຽວ ປີ 2022. ພວກເຮົາພ້ອມແລ້ວທີ່ຈະກະກຽມບັນດາເງື່ອນໄຂຜະລິດ, ປຸງແຕ່ງ ແລະ ບໍລິໂພກໝາກລິ້ນຈີ່ທີ່ມີຄຸນນະພາບສູງ.. ພວກຂ້າພະເຈົ້າຫວັງວ່າ ຈະສືບຕໍ່ໄດ້ຮັບການຊ່ວຍເຫຼືອ ແລະ ຄວາມເອົາໃຈໃສ່ຈາກບັນດາກະຊວງ, ຂະແໜງການ, ທ້ອງຖິ່ນ; ບັນດາອົງການຈັດຕັ້ງສາກົນ...ສໍາລັບວຽກງານເຊື່ອມຕໍ່, ບໍລິໂພກ, ເປີດກວ້າງຕະຫຼາດ, ຊຸກຍູ້ການສົ່ງອອກໝາກລິ້ນຈີ່ຖ່ຽວ”.
ທີ່ເວທີປາໄສ ກໍໄດ້ດຳເນີນການວາງສະແດງດິຈິຕອນ “ໝາກລິ້ນຈີ່ຖ່ຽວ ຫວຽດນາມ ອອກໄປສູ່ທົ່ວໂລກ” ເພື່ອແນະນຳໃຫ້ບັນດາອົງການການທູດ, ອົງການຈັດຕັ້ງສາກົນ, ອົງການການຄ້າ, ວິສາຫະກິດພາຍໃນ ແລະ ສາກົນ, ບັນດາວິສາຫະກິດ... ກ່ຽວກັບບັນດາຜະລິດຕະພັນຂອງໝາກລິ້ນຈີ່ເວົ້າສະເພາະ ແລະ ບັນດາຜະລິດຕະພັນກະເສດເວົ້າລວມ.
ຫອມມາລາ
