 |
| ທ່ານໝໍກໍາລັງກວດພະຍາດໃຫ້ບັນດາເດັກພິການ( ພາບ: Fanpage Zhi-Shan) |
ໃນການກວດພະຍາດກ່ອນຄັ້ງນີ້ ມີເດັກນ້ອຍ 23 ຄົນ ທີ່ພິການການດ້ານການເຄື່ອນໄຫວ, ພິການທໍ່ນໍ້າຍ່ຽວຢູ່ອະໄວຍະວະເພດ ເຂົ້າຮ່ວມກວດພະຍາດ, ໃນນັ້ນ ມີເດັກນ້ອຍ 13 ຄົນ ໄດ້ຮັບການບົ່ງມະຕິໃຫ້ຜ່າຕັດ ຈາກທ່ານໝໍ.
Zhi-Shan Foundation ຈະສົມທົບກັບໂຮງໝໍມະຫາວິທະຍາໄລ ການແພດ ແລະ ການຢາ ເຫ້ວ ສັບຊ້ອນ, ຈັດໃຫ້ເດັກນ້ອຍໄດ້ຜ່າຕັດ ແລະ ປິ່ນປົວໃນໄລຍະພັກແລ້ງ, ພ້ອມດຽວກັນນັ້ນ ກໍໜູນຊ່ວຍຄ່າໃຊ້ຈ່າຍທັງໝົດໃນການຜ່າຕັດ ແລະ ການປິ່ນປົວໃຫ້ບັນດາເດັກນ້ອຍ.
ໂຄງການການຜ່າຕັດສັນຍະກໍາຕົບແຕ່ງຟຣີ ບໍ່ພຽງແຕ່ຊ່ວຍຟື້ນຟູອະໄວຍະວະທີ່ພິການເທົ່ານັ້ນ, ຫາກຍັງຊ່ວຍໃຫ້ບັນດາເດັກນ້ອຍມີຄວາມເປັນປົກກະຕິທາງດ້ານຈິດໃຈ ແລະ ຮ່າງກາຍ, ຈາກນັ້ນ ຊ່ວຍໃຫ້ຄອບຄົວ ແລະ ພວກຫລານ ມີຊີວິດສະຫງົບສຸກ ແລະ ມີຄວາມສຸກຫຼາຍຂຶ້ນ.
ໂຄງການການຜ່າຕັດສັນຍະກໍາຕົບແຕ່ງຟຣີ ໄດ້ຜັນຂະຫຍາຍແຕ່ປີ 2000, ໃນຕະຫຼອດ 22 ປີທີ່ຜ່ານມາ, ອົງການ Zhi-Shan Foundation ໄດ້ໜູນຊ່ວຍ ໃຫ້ເດັກພິການ 3.000 ກວ່າຄົນ ເຊິ່ງເປັນຜູ້ທີ່ມີສະພາບຫຍຸ້ງຍາກຢູ່ 6 ແຂວງພາກກາງ ໄດ້ຮັບການຜ່າຕັດຢ່າງສຳເລັດຜົນ, ມີຄວາມໝັ້ນໃຈໃນການເຊື່ອມຕົວເຂົ້າກັບຊຸມຊົນ.
ຫອມມາລາ
