| ຈຸດພິກັດແຫ່ງຄວາມສຸກ: Series ຟິມ healing - ການທ່ອງທ່ຽວ ຫວຽດນາມ ຄັ້ງທຳອິດໄດ້ຈຳໜ່າຍຢູ່ສາກົນ | |
| ພິທີອັດ SEA Games 31 ຈະດຳເນີນໃນຕອນຄ່ຳວັນທີ 23 ພຶດສະພາ |
 |
| ພາບປະກອບ: vufo.org.vn |
ໂຄງການຄາດວ່າຈະກວດພະຍາດໃຫ້ແກ່ຄົນເຈັບ 80 – 100 ຄົນໃນວັນທີ 20 ມິຖຸນາ 2022. ຫຼັງຈາກນັ້ນຈະເລືອກເອົາ 60 – 80 ຄົນ ແລະ ຄາດວ່າຈະດຳເນີນການຜ່າຕັດນັບແຕ່ວັນທີ 21 ມິຖຸນາ ຫາ ວັນທີ 24 ມິຖຸນາ 2022.
ຕາມອົງການ Operation Smile ຫວຽດນາມ ແລ້ວ, ບັນດາເປົ້າໝາຍໂດຍອົງການມຸ່ງໄປເຖິງແມ່ນເດັກນ້ອຍປາກແຫວ່ງ ເພດານໂຫວ່ ທີ່ຍັງບໍ່ທັນໄດ້ຮັບການຜ່າຕັດ, ເດັກນ້ອຍປາກແຫວ່ງ ຕ້ອງມີອາຍຸບໍ່ຕ່ຳກວ່າ 6 ເດືອນ, ມີນ້ຳໜັກ 8 ກີໂລກາມຂຶ້ນໄປ, ສ່ວນເດັກນ້ອຍເປັນເພດານໂຫວ່ຕ້ອງມີອາຍຸແຕ່ 18 ເດືອນຂຶ້ນໄປ, ມີນ້ຳໜັກແຕ່ 10 – 12 ກີໂລກາມ…
ໂຄງການຈະຈ່າຍຄ່າສາທາລະນະສຸກທັງໝົດໃຫ້ແກ່ບັນດາການຜ່າຕັດ, ນອກຈາກນັ້ນ ຄົນເຈັບຈະໄດ້ຮັບການໜູນຊ່ວຍສ່ວນໜຶ່ງໃນການເດີນທາງໄປມາ ແລະ ກິນຢູ່ໃນເວລາຢູ່ໂຮງໝໍ. ເພື່ອຈົດທະບຽນການຜ່າຕັດ, ຂໍ້ສົ່ງຂໍ້ຄວາມມາຍັງ Fanpage “Operation Smile ຫວຽດນາມ” ຫຼື ຕິດຕໍ່ເບີ hotline /zalo Operation Smile 090 488 5555.
Operation Smile (OS) ແມ່ນອົງການບໍ່ຂຶ້ນກັບລັດຖະບານ, ບໍ່ຫວັງຜົນກຳໄລຂອງ ອາເມລິກາ ເຮັດວຽກໃນຂົງເຂດສາທາລະນະສຸກ ແລະ ໄດ້ມີໜ້າຢູ່ ຫວຽດນາມ ມາເປັນເວລາກ່ວາ 30 ປີແລ້ວ. OS ໄດ້ໜູນຊ່ວຍການກວດພະຍາດ ແລະ ປິ່ນປົວໃຫ້ແກ່ເດັກນ້ອຍຫວຽດນາມ ກ່ວາ 60.000 ຄົນ. ມີ 30 ໂຄງການຜ່າຕັດ ແລະ ມີຄົນເຈັບ ກ່ວາ 2000 ຄົນໄດ້ຮັບຜົນປະໂຫຍດຜ່ານແຕ່ລະປີ. OS ຍັງຈັດຕັ້ງຊຸດຝຶກອົບຮົມດ້ານວິຊາການໃຫ້ແກ່ພະນັກງານການແພດທ້ອງຖິ່ນ ເພື່ອແນໃສ່ຍົກສູງກຳລັງຄວາມສາມາດ, ປັບປຸງລະບົບສາທາລະນະສຸກ, ພ້ອມທັງປະຕິບັດການຄົ້ນຄ້ວາສືບສວນບັນດາເຫດຜົນທີ່ກໍ່ພະຍາດ ປາກແຫວ່ງ ເພດານໂຫວ່ ເພື່ອມຸ່ງໄປເຖິງການລົບລ້າງບັນດາສາເຫດທີ່ກໍ່ພະຍາດນີ້.
ບຸນຄົງ
