| ເພີ່ມທະວີການປະສານງານລະຫວ່າງສະຫະພັນແມ່ຍິງຫວຽດນາມ ແລະ ອົງການວິໄສທັດໂລກ | |
| ເພີ່ມທະວີການໂຄສະນາພາບພົດຂອງຫວຽດນາມ ແລະ ອາກຊັງຕິນ |
 |
| ທ່ານເອກອັກຄະລັດຖະທູດ ຫວຽດນາມ ປະຈໍາ ກູເວດ ໂງຕວານທັ໋ງ ກັບທ່ານ Emad Al Zaid, ຜູ້ຊ່ວຍຜູ້ອໍານວຍການໃຫຍ່ຫ້ອງການການຄ້າ ແລະ ອຸດສາຫະກຳ ກູເວດ(ພາບ: baoquocte.vn) |
ໃນການພົບປະ, ທັງສອງຝ່າຍໄດ້ແລກປ່ຽນກ່ຽວກັບບັນດາວິທີການຊຸກຍູ້ການຮ່ວມມືດ້ານເສດຖະກິດ - ການຄ້າ ແລະ ເຫັນດີເປັນເອກະພາບກ່ຽວກັບຄວາມຈໍາເປັນໃນການສົມທົບລະຫວ່າງສະຖານທູດ ແລະ KCCI ໃນໄລຍະຈະມາເຖິງ ເພື່ອແນໃສ່ເພີ່ມທະວີການເຊື່ອມຕໍ່ປະຊາຄົມບັນດາວິສາຫະກິດ ລະຫວ່າງສອງປະເທດ, ພິເສດແມ່ນເມື່ອໂລກລະບາດໂຄວິດ-19 ໄດ້ຮັບການຄວບຄຸມ, ບັນດາການຈໍາກັດໃນການເດີນທາງໄດ້ຖືກຍົກເລີກ.
ທ່ານ Emad ໃຫ້ຮູ້ວ່າ: ແງ່ຫວັງ ແລະ ຄວາມສາມາດບົ່ມຊ້ອນຂອງການຮ່ວມມືດ້ານເສດຖະກິດ - ການຄ້າລະຫວ່າງ ກູເວດ ແລະ ຫວຽດນາມ ຍັງມີຫຼາຍຢ່າງ.
ດ້ວຍວົງເງິນການຄ້າຂອງສອງປະເທດປະຈຸບັນປະມານກວ່າ 4 ຕື້ USD, ໃນນັ້ນສ່ວນຫຼາຍແມ່ນນໍ້າມັນເຊື້ອໄຟ, ຝ່າຍ KCCI ປາດຖະໜາຢາກເປີດກວ້າງການຮ່ວມມືໃນຂົງເຂດການຄ້າບໍ່ນ້ຳມັນເຊື້ອໄຟໃນໄລຍະຈະມາເຖິງ.
ທ່ານ Emad ຢືນຢັນວ່າຈະຮ່ວມເດີນທາງກັບສະຖານທູດ ຈັດຕັ້ງບັນດາການສຳມະນາກ່ຽວກັບກາລະໂອກາດ ແລະ ສະພາບແວດລ້ອມແຫ່ງການດຳເນີນທຸລະກິດ ຫວຽດນາມ ທີ່ ກູເວດ, ພ້ອມທີ່ຈະຕ້ອນຮັບບັນດາຄະນະວິສາຫະກິດ ຫວຽດນາມ ມາແລກປ່ຽນ ແລະ ສົ່ງເສີມການຄ້າໃນໄລຍະຈະມາເຖິງ.
ເນື່ອງຈາກສະພາບການຂາດແຫຼ່ງສະຫນອງໃນປະຈຸບັນ, ບັນດາວິສາຫະກິດກູເວດ ພວມມີຄວາມສົນໃຈຕໍ່ບັນດາຜະລິດຕະພັນກະເສດ, ສະບຽງອາຫານເຊັ່ນ ເຂົ້າສານ, ທັນຍາຫານປະເພດເມັດ, ກາເຟ, ຊາ, ອຸປະກອນກໍ່ສ້າງໃໝ່...
ທ່ານເອກອັກຄະລັດຖະທູດ ໂງຕວານທັ໋ງ ສະແດງຄວາມມຸ່ງຫວັງຢາກມີໂອກາດຮ່ວມມືຢ່າງແໜ້ນແຟ້ນກວ່າອີກກັບ KCCI ໃນໄລຍະຈະມາເຖິງ ແລະ ໃຫ້ຮູ້ວ່າຈະຊຸກຍູ້ບັນດາຄະນະວິສາຫະກິດ ຫວຽດນາມ ໄປ ກູເວດ ໃນປີນີ້.
ຫອມມາລາ
