ທ່ານນາງ ເຈີ່ນລານເຟືອງ, ຮອງປະທານສະຫະພັນແມ່ຍິງຫວຽດນາມ ໄດ້ມີການພົບປະກັບ ທ່ານ Doseba Tua Sinay, ຫົວໜ້າຄະນະຜູ້ຕາງໜ້າອົງການວິໄສທັດໂລກ (World Vision) ປະຈຳ ຫວຽດນາມ.
 |
| ເພີ່ມທະວີການປະສານງານລະຫວ່າງສະຫະພັນແມ່ຍິງຫວຽດນາມ ແລະ ອົງການວິໄສທັດໂລກ. ພາບ: ແມ່ຍິງຫວຽດນາມ |
ທ່ານ Doseba Tua Sinay ຢືນຢັນວ່າ ສະຫະພັນແມ່ຍິງທຸກຂັ້ນແມ່ນຄູ່ຮ່ວມມືສຳຄັນໃນການຜັນຂະຫຍາຍບັນດາການເຄື່ອນໄຫວຕິດພັນກັບເດັກນ້ອຍຢູ່ທ້ອງຖິ່ນ. World Vision ພວມມານະພະຍາຍາມນໍາບັນດາໂຄງການຂອງ ອົງການ ໄດ້ຮັບການເຜີຍແຜ່ຢ່າງກວ້າງຂວາງ, ເຂົ້າເຖິງສະມາຊິກແມ່ຍິງແຕ່ລະຄົນຢ່າງເລິກເຊິ່ງ.
ທ່ານນາງຮອງປະທານສະຫະພັນແມ່ຍິງຫວຽດນາມ ໄດ້ສະແດງຄວາມຂອບອົກຂອບໃຈຕໍ່ World Vision ທີ່ໄດ້ມີການເຄື່ອນໄຫວໜູນຊ່ວຍ ແລະ ຮ່ວມມືກັບສູນກາງສະຫະພັນແມ່ຍິງຫວຽດນາມ ໃນການໂຄສະນານະໂຍບາຍ, ສື່ສານ ແລະ ຝຶກອົບຮົມກ່ຽວກັບການປ້ອງກັນ ແລະ ຄວບຄຸມການຄ້າມະນຸດ ກໍ່ຄືບັນດາການເຄື່ອນໄຫວທີ່ນໍາມາເຊິ່ງຜົນປະໂຫຍດໃຫ້ແກ່ແມ່ຍິງ.
ທ່ານນາງ ລານເຟືອງ ສະເໜີໃຫ້ມີການປ່ຽນແປງໃໝ່, ສົມທົບກັນຢ່າງແໜ້ນ ແຟ້ນລະຫວ່າງສູນກາງສະຫະພັນແມ່ຍິງຫວຽດນາມ ແລະ ອົງການ World Vision ເພື່ອຜັນຂະຫຍາຍບັນດາໂຄງການ, ການເຄື່ອນໄຫວຢ່າງກ້ວາງຂວາງ, ຜັນຂະຫຍາຍບັນດາຮູບແບບໃໝ່ຢ່າງເໝາະສົມ, ປະຢັດຄ່າໃຊ້ຈ່າຍສູງສຸດ.
ບູນມີ
