 |
| ທ່ານເອກອັກຄະລັດຖະທູດ ຫງວຽນຈຸງກຽນ (ພາບ: Baoquocte) |
ທ່ານເອກອັກຄະລັດຖະທູດ ເນັ້ນໜັກວ່າ ດ້ວຍໜ້າທີ່ລາຍງານ ແລະ ໃຫ້ຄຳປຶກສາບັນດາປະເທດສະມາຊິກກ່ຽວກັບບັນຫາທີ່ກ່ຽວຂ້ອງເຖິງນະໂຍບາຍ, ນິຕິກຳ ແລະ ການບໍລິຫານທີ່ກ່ຽວຂ້ອງເຖິງການເຄື່ອນໄຫວຂອງ CTBTO, ກຸ່ມປະຕິບັດງານ A ມີຈຳນວນວຽກງານຫຼາຍທີ່ສຸດທີ່ຕ້ອງຮັບການແກ້ໄຂ, ພິເສດແມ່ນໃນສະພາບການໂລກ ພວມປະສົບກັບສິ່ງທ້າທາຍ ແລະ ການຂາດສະຖຽນລະພາບດ້ານຄວາມໝັ້ນຄົງ.
ໂດຍຂອບໃຈບັນດາປະເທດສະມາຊິກ ທີ່ໄດ້ປະກອບສ່ວນຢ່າງຕັ້ງໜ້າເຂົ້າຜົນສຳເລັດຂອງກອງປະຊຸມ, ພິເສດແມ່ນວິວັດການສ້າງບົດລາຍງານເພື່ອຍື່ນສະເໜີຕໍ່ CTBTO ພິຈາລະນາ ຢູ່ກອງປະຊຸມຄັ້ງຕໍ່ໄປ, ທ່ານເອກອັກຄະລັດຖະທູດ ຫງວຽນຈຸງກຽນ ໄດ້ໃຫ້ຄຳໝັ້ນສັນຍາ ໃນບົດບາດເປັນປະທານກຸ່ມປະຕິບັດງານ A, ອາຍຸການ 2022 – 2023, ຫວຽດນາມ ຈະຮ່ວມມືກັບບັນດາປະເທດສະມາຊິກ CTBTO ຢ່າງແໜ້ນແຟ້ນ ເພື່ອຊຸກຍູ້ການເຄື່ອນໄຫວຂອງອົງການ, ຮັບໃຊ້ວິວັດການຈຳກັດການພັດທະນານິວເຄຼຍຢ່າງມີປະສິດທິຜົນ, ປະກອບສ່ວນຊຸກຍູ້ການນຳໃຊ້ເຕັກໂນໂລຢີນິວເຄຼຍ ເພື່ອເປົ້າໝາຍສັນຕິພາບ.
ບຸນຄົງ
