| ດ່າໜັງ ເປີດຕົວເວັບໄຊ ແລະ ແອັບເພື່ອປົກປ້ອງເດັກນ້ອຍ | |
| ດ່າໜັງ ຕ້ອນຮັບແຂກສາກົນ 300 ຄົນ ພາຍຫຼັງເກືອບ 2 ປີ |
ໃນນັ້ນ, ມີສອງເຫດການໃຫຍ່ທີ່ພົ້ນເດັ່ນ ຄື: ເວທີປາໄສການລົງທຶນນະຄອນດານັງ - 2022 ແລະ ເວທີປາໄສພັດທະນາເສັ້ນທາງບິນ ອາຊີ ຄັ້ງທີ 16, ຄາດວ່າ ຈະສ້າງການຊຸກຍູ້ເພື່ອດຶງດູດການລົງທຶນຈາກຕ່າງປະເທດ ແລະ ຟື້ນຟູການທ່ອງທ່ຽວຂອງນະຄອນດ່ານັງ ໃນໄລຍະຈະມາເຖິງ. ນີ້ແມ່ນຂໍ້ມູນທີ່ໄດ້ຮູ້ໃນກອງປະຊຸມຂ່າວຂອງຄະນະກຳມະການປະຊາຊົນນະຄອນ ດ່ານັງ ໃນຕອນເຊົ້າວັນທີ 31 ພຶດສະພາ.
“ເວທີປາໄສການລົງທຶນນະຄອນດານັງ 2022” ຄາດວ່າຈະຈັດຂຶ້ນໃນທ້າຍເດືອນມິຖຸນາ ມີການເຂົ້າຮ່ວມຂອງຜູ້ແທນປະມານ 600 ທ່ານທີ່ມາຈາກບັນດາອົງການຄຸ້ມຄອງ, ນັກຊ່ຽວຊານ, ນັກລົງທຶນພາຍໃນ ແລະ ຕ່າງປະເທດ. ເວທີປາໄສ ຈະສຸມໃສ່ຊຸກຍູ້ຄວາມສາມາດບົ່ມຊ້ອນ, ທ່າໄດ້ປຽບ ແລະ ກາລະໂອກາດລົງທຶນຂອງນະຄອນດ່ານັງ.
 |
| ດ່າໜັງ ຈັດຕັ້ງບັນດາເຫດການໃຫຍ່ ເພື່ອດຶງດູດການລົງທຶນໃນເດືອນມິຖຸນາ. (ພາບ: baochinhphu) |
ທີ່ເວທີປາໄສ, ນະຄອນໄດ້ປະກາດຂໍ້ມູນກ່ຽວກັບແຜນການ ແລະ ຄວາມຄືບໜ້າຂອງການຜັນຂະຫຍາຍການດັດປັບແຜນກຳນົດແບ່ງເຂດປະຕິບັດໜ້າທີ່ຕາມໂຄງການດັດປັບແຜນການທົ່ວນະຄອນດ່ານັ້ງ ຮອດປີ 2030, ວິໄສທັດເຖິງປີ 2045 ໄດ້ຮັບການອະນຸມັດຈາກລັດຖະບານ; ປະກາດລາຍຊື່ໂຄງການທີ່ພວມຮຽກຮ້ອງການລົງທຶນຂອງນະຄອນຄື: ທ່າກຳປັ່ນລຽນຈ່ຽວ, ສະຖານີລົດໄຟ...
ທີ່ເວທີປາໄສ, ນະຄອນ ດ່າໜັງ ໄດ້ປະກາດບັນຊີລາຍຊື່ກອງທຶນສິດນຳໃຊ້ທີ່ດິນປະມູນ ປີ 2022 ຂອງນະຄອນ ດ່າໜັງ ແລະ ນະໂຍບາຍໃໝ່ຈຳນວນໜຶ່ງເພື່ອໜູນຊ່ວຍນັກລົງທຶນ; ມອບໃບຢັ້ງຢືນການຈົດທະບຽນການລົງທຶນ, ຕົກລົງບັນດານະໂຍບາຍລົງທຶນ, ຕົກລົງການຮັບຮູ້ໝາກຜົນການປະມູນສິດນຳໃຊ້ທີ່ດິນ, ຕົກລົງອະນຸມັດໝາກຜົນການຄັດເລືອກນັກລົງທຶນຢູ່ພາຍໃນ ແລະ ທຶນຕ່າງປະເທດ (FDI).
ໃນໂອກາດນີ້, “ເວທີປາໄສການພັດທະນາເສັ້ນທາງບິນ ອາຊີຄັ້ງທີ 16” ໄດ້ດຳເນີນໄປແຕ່ວັນທີ 4 – 9 ມິຖຸນາ ໂດຍມີການເຂົ້າຮ່ວມຂອງ ຜູ້ແທນ 450 ທ່ານທີ່ມາຈາກ 200 ຫົວໜ່ວຍ, ອົງການສາກົນດ້ານການບິນຢູ່ອາຊີ, ເອີລົບ, ຕາເວັນອອກກາງ, ອາເມລິກາເໜືອ. ເວທີປາໄສເພື່ອແນໃສ່ຊຸກຍູ້ການພົວພັນຮ່ວມມືໃນການກໍ່ສ້າງ ແລະ ຂະຫຍາຍເສັ້ນທາງເຄືອຂ່າຍທຸລະກິດສາຍການບິນ, ປະກອບສ່ວນຊຸກຍູ້ບັນດາການເຄື່ອນໄຫວທ່ອງທ່ຽວທາງການບິນສາກົນ, ເຊື່ອມຕໍ່ນະຄອນ ດ່າໜັງ ກັບເຄືອຂ່າຍສາຍການບິນພາກພື້ນ ແລະ ໂລກ.
ຄຳຮຸ່ງ
