| ທີມຊາດຫວຽດນາມ ຊະນະທີມຊາດອັບການິດສະຖານ ດ້ວຍ 2-0 ປະຕູ | |
| ການປຶກສາຫາລືດ້ານການເມືອງ ຫວຽດນາມ - ອິນເດຍ ຄັ້ງທີ 12 |
 |
| ທ່ານນາງ ເຈືອງທິມາຍ ຫົວໜ້າຄະນະຈັດຕັ້ງສູນກາງພັກກອມມູນິດຫວຽດນາມ. ພາບ: ສໍານັກຂ່າວສານຫວຽດນາມ |
ທີ່ການພົບປະກັບການນຳແຂວງບໍລິຄຳໄຊ, ທ່ານນາງ ເຈືອງທິມາຍ ໄດ້ຕີລາຄາສູງຕໍ່ບັນດາໝາກຜົນແຫ່ງການຮ່ວມມື ແລະການຊ່ວຍເຫຼືອເຊິ່ງກັນ ແລະກັນລະຫວ່າງແຂວງບໍລິຄຳໄຊ ແລະບັນດາທ້ອງຖິ່ນຂອງຫວຽດນາມ, ພິເສດແມ່ນກັບແຂວງ ຮ່າຕິ້ງ ແລະ ເງະອານ, ພ້ອມທັງເນັ້ນໜັກເຖິງຄວາມສໍາຄັນຂອງການພົວພັນຮ່ວມມືລະຫວ່າງບັນດາທ້ອງຖິ່ນຂອງສອງປະເທດ. ທ່ານນາງ ປາດຖະໜາວ່າ ແຂວງບໍລິຄຳໄຊ ຈະສືບຕໍ່ສົມທົບກັນຢ່າງແໜ້ນແຟ້ນກັບບັນດາແຂວງ, ນະຄອນຂອງຫວຽດນາມ ໃນບັນດາຂົງເຂດທີ່ສອງຝ່າຍມີທ່າແຮງ, ຄື: ການປ້ອງກັນຊາດ-ປ້ອງກັນຄວາມສະຫງົບ ເພື່ອຮັບປະກັນສະຖຽນລະພາບຢູ່ເຂດຊາຍແດນ, ການສຶກສາ, ບຳລຸງສ້າງພັດທະນາແຫຼ່ງຊັບພະຍາກອນມະນຸດກໍ່ຄືແລກປ່ຽນປະສົບການກ່ຽວກັບວຽກງານກໍ່ສ້າງພັກ ແລະການຄຸ້ມຄອງເສດຖະກິດຢູ່ຂັ້ນທ້ອງຖິ່ນ.
ທ່ານນາງ ກໍ່ເນັ້ນໜັກເຖິງຄວາມສໍາຄັນຂອງການເພີ່ມທະວີການຮ່ວມມືດ້ານເສດຖະກິດ, ພິເສດແມ່ນການລົງທຶນດ້ານການຄ້າ, ເປີດກວ້າງການພົບປະແລກປ່ຽນປະຊາຊົນລະຫວ່າງແຂວງບໍລິຄຳໄຊ ແລະບັນດາແຂວງຊາຍແດນຂອງຫວຽດນາມ ແລະສົມທົບກັນຈັດຕັ້ງການເຄື່ອນໄຫວໃນປີສາມັກຄີມິດຕະພາບ ຫວຽດນາມ-ລາວ; ລາວ-ຫວຽດນາມ 2022, ຜ່ານນັ້ນປະກອບສ່ວນປັບປຸງ ແລະເພີ່ມທະວີສາຍພົວພັນມິດຕະພາບທີ່ຍິ່ງໃຫຍ່, ຄວາມສາມັກຄີແບບພິເສດ ແລະການຮ່ວມມືຮອບດ້ານຫວຽດນາມ-ລາວ.
ກ່ອນໜ້ານັ້ນ, ທ່ານນາງ ເຈືອງທິມາຍ ໄດ້ໄປຢ້ຽມຢາມໂຮງຮຽນມັດທະຍົມຕອນປາຍສີທະນາໄຊ, ແຂວງບໍລິຄຳໄຊ-ເຊິ່ງແມ່ນຂອງຂວັນຂອງທ່ານເລຂາທິການໃຫຍ່ ຫງວຽນຝູຈ້ອງ ມອບໃຫ້. ເນື່ອງໃນໂອກາດນີ້, ທ່ານນາງ ເຈືອງທິມາຍ ໄດ້ມອບຂອງຂວັນ 200 ພູດ ໃຫ້ນັກຮຽນທຸກຍາກຂອງໂຮງຮຽນ ແລະແຂວງ ຮ່າຕິ້ງ ມອບ ຄອມພິວເຕີ 10 ຊຸດ ໃຫ້ແຂວງ ບໍລິຄຳໄຊ.
la.qdnd.vn
