| ສືບຕໍ່ຊຸກຍູ້ການພົວພັນຄູ່ຮ່ວມມື ຫວຽດນາມ - WEF | |
| ຫວຽດນາມ ຮຽກຮ້ອງການຄ້ຳປະກັນສະບຽງອາຫານ ເພື່ອແນໃສ່ຊຸກຍູ້ສັນຕິພາບ ແລະ ການພັດທະນາໃນໂລກ |
 |
| ທ່ານ ໂດນາມຈຸງ ຫົວໜ້າສະຖານກົງສູນໃຫຍ່ ແລະ ຜູ້ແທນ (ພາບ: baoquocte.vn) |
ຝ່າຍກ໋ວາງຊີ ຖືວ່າ, ນີ້ແມ່ນຊອ່ງທາງເຊື່ອມຕໍ່ສຳຄັນລະຫວ່າງ ຈີນ ແລະ ບັນດາປະເທດອາຊຽນ, ເສັ້ນທາງຂົນສົ່ນທາງລົດໄຟ ຫວຽດນາມ - ຈີນ ສວມບົດບາດສຳຄັນໃນການຄ້າ ຈີນ - ອາຊຽນ.
ພິເສດ, ພາຍໃຕ້ຜົນກະທົບຈາກພະຍາດໂຄວິດ - 19, ບັນດາດ່ານຊາຍແດນທາງບົກໄປຜ່ານຢ່ຊັກຊ້າ ແລະ ຈະເຮັດໃຫ້ເກີນກຳລັງ, ຄ່າໃຊ້ຈ່າຍທາງການບິນສູງ, ການຂົນສົ່ງທາງລົດໄຟແມ່ນຊ່ອງທາງພະລາທິການທີ່ເປັນປົກກະຕິໃຫ້ແກ່ການແລກປ່ຽນການຄ້າ ລະຫວ່າງ ສອງປະເທດ ແລະ ລະບົບສະໜອງຜ່ານຊາຍແດນ. ກ໋ວາງຊີ ຖືເປັນສຳຄັນການກໍ່ສ້າງເສັ້ນທາງພະລາທິການຢ່າງໄວຜ່ານຊາຍແດນລະຫວ່າງ ຈີນ ແລະ ຫວຽດນາມ
ນັບແຕ່ວັນທີ 30 ພຶດສະພາ, ໝາກໄມ້ທີ່ເປັນເອກະລັກ, ຜະລິດຕະພັນເອເລັກໂຕນິກ, ເຄື່ອງຂອງທີ່ຈຳເປັນ...ຂອງບັນດາປະເທດ ອາຊຽນ ຈະໄດ້ສົ່ງໄປຍັງ ສະຖານນີລົດໄຟສາກົນ ນານນິງ ແລະ ຈາກນັ້ນຈະແຈກຢາຍໄປຍັງທົ່ວປະເທດຈີນ ແລະ ໄປຍັງບັນດາປະເທດເອີລົບ.
ເຄື່ອງຈັກ ແລະ ວັດຖຸອຸປະກອນໂດຍ ຈີນ ຜະລິດ, ເສັ້ນຝາຍ, ເຄື່ອງອາໄຫຼ່ເອເລັກໂຕນິກ, ເຄື່ອງຈັກ diesel ແລະ ບັນດາສິນຄ້າປະເພດຕ່າງໆໄດ້ສົ່ງຜ່ານສະຖານີລົດໄຟສາກົນ ນານນິງ ໄປຍັງບັນດາປະເທດ ອາຊຽນ ໃນນັ້ນມີ ຫວຽດນາມ ຜ່ານດ່ານຊາຍແດນ ບັ່ງເຕື່ອງ. ນານນິງ ໄດ້ຄ່ອຍໆກາຍເປັນສູນພະລາທິການໃຫ້ແກ່ການພົວພັນແລກປ່ຽນການຄ້າ ຈີນ - ຫວຽດ.
ທ່ານ ໂດນາມຈຸງ ຫົວໜ້າສະຖານກົງສູນໃຫຍ່ ຢັ້ງຢືນວ່າ ຫວຽດນາມ ຖືເປັນສຳຄັນການພັດທະນາພື້ນຖານໂຄງລ່າງເສັ້ນທາງລົດໄຟເວົ້າລວມ ແລະ ເສັ້ນທາງຂົນສົ່ງທາງລົດໄຟ ຫວຽດ-ຈີນ ເວົ້າສະເພາະ. ຫວຽດນາມ ໄດ້ ແລະ ພວມຜັນຂະຫຍາຍຫຼາຍໂຄງການ, ແຜນການເພື່ອແນໃສ່ຍົກສູງກຳລັງຄວາມສາມາດດ້ານຂົນສົ່ງ, ປະສິດທິຜົນດ້ານເສດຖະກິດຂອງລະບົບເສັ້ນທາງລົດໄຟ.
ສະເໜີໃຫ້ບັນດາອົງການທີ່ມີໜ້າທີ່ຮັບຜິດຊອບຂອງກ໋ວາງຊີ ອຳນວຍຄວາມສະດວກໃຫ້ແກ່ສິນຄ້າ ຫວຽດນາມ ຂົນສົ່ງດ້ວຍທາງລົດໄຟໄປຍັງກ໋ວາງຊີ, ຈາກນັ້ນແຜ່ກະຈາຍໄປຍັງບັນດາທ້ອງຖິ່ນຕ່າງໆຂອງຈີນ...
ບຸນຄົງ
