ພິ​ທີ​ເປີດ​ໂຄງ​ກາ​ນ​ສວນ​ສາ​ທາ​ລະ​ນ​ະ​ມິດ​ຕະ​ພາບ ລາວ - ຫວຽດ​ນາມ

12:11 | 17/05/2022

ໃນຂອບເຂດການຢ້ຽມຢາມ ລາວ ຢ່າງເປັນທາງການ, ຕອນບ່າຍວັນທີ 15 ພຶດສະພາ, ຢູ່ນະຄອນຫຼວງ ວຽງຈັນ, ທ່ານປະທານສະພາແຫ່ງຊາດ ຫວຽດນາມ ເວືອງດິ່ງເຫວ້ ແລະ ທ່ານປະທານສະພາແຫ່ງຊາດ ລາວ ໄຊສົມພອນ ພົມວິຫານ ໄດ້ເຂົ້າຮ່ວມ ພິທີເປີດໂຄງການສວນສາທາລະນະມິດຕະພາບ ລາວ - ຫວຽດນາມ.

ຊາວ​ຫວຽດ​ນາມ ແຕ່​ລະ​ຄົນຢູ່ ລາວ ຕ້ອງ​ແມ່ນນັກ​ການ​ທູດ ​ເພື່ອ​ພັດ​ທະ​ນາ ແລະ ຍົກ​ສູງ ສາຍ​ພົວ​ພັນ​ແບບ​ພິ​ເສດ ລະ​ຫວ່າງ ຫວຽດ​ນາມ - ລາວ ຢ່າງ​ບໍ່​ຢຸດ​ຢັ້ງ ຊາວ​ຫວຽດ​ນາມ ແຕ່​ລະ​ຄົນຢູ່ ລາວ ຕ້ອງ​ແມ່ນນັກ​ການ​ທູດ ​ເພື່ອ​ພັດ​ທະ​ນາ ແລະ ຍົກ​ສູງ ສາຍ​ພົວ​ພັນ​ແບບ​ພິ​ເສດ ລະ​ຫວ່າງ ຫວຽດ​ນາມ - ລາວ ຢ່າງ​ບໍ່​ຢຸດ​ຢັ້ງ
ຈັດ​ຕັ້ງ​ການ​ປະ​ກວດ​ຮູບ​ພາບ​ສິ​ລະ​ປະ “ອະ​ນຸ​ສອ​ນ Sea Games 31 ຈັດ​ຕັ້ງ​ການ​ປະ​ກວດ​ຮູບ​ພາບ​ສິ​ລະ​ປະ “ອະ​ນຸ​ສອ​ນ Sea Games 31
ພິທີເປີດໂຄງການສວນສາທາລະນະມິດຕະພາບ ລາວ - ຫວຽດນາມ (ພາບ:  VOV)
ພິທີເປີດໂຄງການສວນສາທາລະນະມິດຕະພາບ ລາວ - ຫວຽດນາມ (ພາບ: VOV)

ໂຄງການສວນສາທາລະນະມິດຕະພາບ ລາວ - ຫວຽດນາມ ເປັນໂຄງການທີ່ມີຄວາມໝາຍຄວາມສຳຄັນຍິ່ງ, ໄດ້ລົງມືກໍ່ສ້າງໃນໂອກາດທີ່ສອງປະເທດສະເຫຼີມສະຫຼອງ 60 ປີ ແຫ່ງວັນສ້າງຕັ້ງການພົວພັນທາງການທູດ ແລະ 45 ປີ ແຫ່ງວັນເຊັນສົນທິສັນຍາມິດຕະພາບ ແລະ ຮ່ວມມື ຫວຽດນາມ - ລາວ. ພັກ ແລະ ລັດ ຫວຽດນາມ, ລາວ ໄດ້ມອບໝາຍໃຫ້ກະຊວງວັດທະນະທຳ, ກິລາ ແລະ ທ່ອງທ່ຽວ ຫວຽດນາມ - ຫ້ອງວ່າການສູນກາງພັກປະຊາຊົນປະຕິວັດ ລາວ ເປັນເຈົ້າຂອງໂຄງການ. ໂຄງການດັ່ງກ່າວມີເນື້ອທີ່ 3 ເຮັກຕາ, ໄດ້ກໍ່ສ້າງຢູ່ບ້ານດົງໝາກຄາຍ, ເຊິ່ງເປັນເຂດທີ່ໄດ້ວາງແຜນຜັງກາຍເປັນສູນກາງຕົວເມືອງໃຫຍ່ຂອງນະຄອນຫຼວງ ວຽງຈັນ.

ສວນສາທາລະນະ ມິດຕະພາບ ລາວ - ຫວຽດນາມ ເປັນສັນຍາລັກແຫ່ງນ້ຳໃຈສາມັກຄີແບບພິເສດ, ຄວາມຜູກພັນອັນໝັ້ນແກ່ນລະຫວ່າງພັກ, ລັດ ແລະ ປະຊາຊົນສອງປະເທດ.

vovworld.vn

ເຫດການ