ຜູ້ເຂົ້າຮ່ວມ ຊີເກມ 31 ມາຫວຽດນາມ ບໍ່ຕ້ອງແຈ້ງອາການສຸຂະພາບ

	ສະຫນາມກິລາແຫ່ງຊາດມິດິ່ງ ກຽມພ້ອມຮັບໃຊ້ ຊີເກມ ຄັ້ງທີ 31
	ນະຄອນ ດ່າໜັງ ຕ້ອນຮັບຖ້ຽວບິນທຳອິດ ນຳນັກທ່ອງທ່ຽວສາກົນ ມາຫວຽດນາມ

ພາບປະກອບຈາກ: ສໍານັກຂ່າວສານຫວຽດນາມ.

ກົມການແພດສໍາຮອງ ສະເໜີກົມໃຫຍ່ກິລາ-ກາຍະກໍາ (ສູນບໍລິຫານຊີເກມ 31) ລາຍງານໃຫ້ຄະນະຈັດຕັ້ງຊີເກມ 31 ແລະແຈ້ງໃຫ້ບັນດາຄະນະກິລາເຂົ້າຮ່ວມຊີເກມ 31. ກ່ອນໜ້ານັ້ນ, ໃນເອກະສານແນະນໍາກ່ຽວກັບການປ້ອງກັນ, ຕ້ານພະຍາດໂຄວິດ-19 ຮັບໃຊ້ຊີເກມ 31, ກະຊວງສາທາລະນະສຸກ ໄດ້ຊີ້ແຈ້ງວ່າ ສຳລັບແຂກຖືກເຊີນຂັ້ນຮອງລັດຖະມົນຕີ ຫຼື ທຽບເທົ່າຂຶ້ນໄປ, ຫົວໜ້າ, ຮອງຫົວໜ້າຄະນະກິລາເຂົ້າຮ່ວມຊີເກມ 31 ບໍ່ຈໍາເປັນຕ້ອງມີໃບຢັ້ງຢືນເກັບຕົວຢ່າງວິເຄາະຫາເຊື້ອ SARS-CoV-2 ເປັນຜົນລົບເມື່ອເຂົ້າເມືອງ, ກໍ່ບໍ່ຕ້ອງເກັບຕົວຢ່າງຫາເຊື້ອພາຍຫຼັງເຂົ້າເມືອງ ແລະບໍ່ຕ້ອງແຍກຕົວອີກ.

ກ່ອນໜ້ານັ້ນ, ກະຊວງສາທາລະນະສຸກ ໄດ້ມີແຈ້ງການຢຸດຕິການແຈ້ງອາການສຸຂະພາບສຳລັບໂຄວິດ-19 ຊົ່ວຄາວຢູ່ດ່ານຊາຍແດນທັງໝົດຂອງຫວຽດນາມ ສຳລັບຜູ້ເຂົ້າເມືອງ; ສືບຕໍ່ການຕິດຕາມກວດກາຜູ້ໂດຍສານເຂົ້າເມືອງຢູ່ບັນດາດ່ານຊາຍແດນຕາມຂໍ້ກໍານົດຂອງກົດໝາຍວ່າດ້ວຍການປ້ອງກັນ, ຕ້ານພະຍາດຕິດແປດກ່ຽວກັບການກວດຫາເຊື້ອພະຍາດຢູ່ເຂດຊາຍແດນ.

ງານ​ມະຫາ​ກຳ​ກິລາ​ຊີ​ເກມ​ຄັ້ງ​ທີ 31 ​ໄດ້​ຈັດ​ຂຶ້ນ​ຢູ່​ຫວຽດນາມ​ແຕ່​ວັນ​ທີ 12 ຫາ 23 ພຶດສະພາ 2022. ​ໃນ​ນັ້ນ​ມີ 40 ກິລາ, ຕົ້ນຕໍ​ແມ່ນ​ກິລາ​ໂອ​ລິ​ມປິກ​ແລະ​ງານ​ກິລາ​ໂອ​ລິ​ມປິກ. ນີ້​ແມ່ນ​ຄັ້ງ​ທີ 2 ທີ່​ຫວຽດນາມ ​ເປັນ​ເຈົ້າພາບ​ຈັດ​ງານ​ມະຫາ​ກຳ​ກິລາ​ຊີ​ເກມ ​ແຕ່​ປີ 2003. ນະຄອນຫຼວງ ຮ່າ​ໂນ້ຍ ຈະ​ປະຕິບັດ​ໜ້າ​ທີ່​ເປັນ​ສູນ​ກາງ ​ແລະ 11 ​ແຂວງ, ນະຄອນ​ໃກ້​ຄຽງ​ຄື: ບັກ​ນິງ, ຫາຍ​ຟ່ອງ, ຫາຍ​ເຢືອງ, ກວາງ​ນິງ, ຮ່າ​ນາມ, ນາມ​ດິ້ງ, ນິງບິ່ງ, ຮວ່າບິ່ງ, ວິງຟຸກ, ບັກຢາງ, ແຂວງ ຟູ໋ເຖາະ ຈະ​ແມ່ນ​ສະ​ຖານ​ທີ່​ຂອງ​ການ​ແຂ່ງ​ຂັນ.