| ຮ່າຢາງມີມໍລະດົກວັດທະນະທຳນາມມະທຳລະດັບຊາດຕື່ມອີກ 2 ແຫ່ງ | |
| ຫວຽດນາມ ເຂົ້າຮ່ວມສະພາບໍລິຫານງານຊຸດທີ 214 ຂອງ UNESCO |
 |
| ພິທີມອບຮັບ (ພາບ: TTXVN) |
ທີ່ກອງປະຊຸມຄັ້ງທີ 33 ສະພາປະສານງານສາກົນ ໂຄງການມະນຸດ ແລະ ຊີວະນາໆພັນ ທີ່ຈັດຕັ້ງໃນລະຫວາງວັນທີ 13 – 17 ກັນຍາ ປີ 2021 ຢູ່ Abuja (Nigeria), ເອກະສານ ສະເໜີເຂດສະຫງວນຊີວະນາໆພັນໂລກ ນຸ໊ຍຈົ໊ວ, ແຂວງ ນິງທ້ວນ ໄດ້ຮັບການຮັບຮອງ ແລະ ຮັບຮອງເອົາຢ່າງເປັນທາງການຈາກອົງການການສຶກສາ, ວັດທະນະທຳ ແລະ ວິທະຍາສາດຂອງສະຫະປະຊາຊາດ (UNESCO) ໃຫ້ເປັນເຂດປ່າສະຫງວນຊີວະນາໆພັນໂລກ.
ກ່າວຄຳເຫັນທີ່ພິທີ, ທ່ານ ເລຮວຽນ - ຮອງປະທານຄະນະກຳມະການປະຊາຊົນແຂວງນິງທ້ວນ ໃຫ້ຮູ້ວ່າ ນີ້ແມ່ນຄວາມເອກອ້າງທະນົງໃຈຂອງແຂວງນິງທ້ວນ. ທາງແຂວງຈະສືບຕໍ່ຜັນຂະຫຍາຍບັນດາລາຍການ, ມາດຕະການປົກປ້ອງ, ຟື້ນຟູລະບົບນິເນດເຂດຊີວະນາໆພັນໂລກ ນຸ໊ຍຈົ໊ວ, ເສີມຂະຫຍາຍຄຸນຄ່າລະບົບນິເວດ ຂອງເຂດຊີວະນາໆພັນ, ການທ່ອງທ່ຽວຄົ້ນຄ້ວາວິທະຍາສາດ, ສຶກສາສິ່ງແວດລ້ອມພ້ອມກັບການອະນຸລັກຮັກສາ ແລະ ພັດທະນາວັດທະນະທຳບໍ່ເປັນວັດຖຸຂອງຊົນເຜົ່າຈຳ, Raglai.
ທ່ານ ເຈິ່ນວັນຕຽບ, ຫົວໜ້າປ່າສະຫງວນແຫ່ງຊາດ ນຸ໊ຍຈົ໊ວ ໃຫ້ຮູ້ວ່າ ຮ່ອງຮອຍທິວທັດທຳມະຊາດແຫ່ງຊາດ ອ່າວວິງຮີ ນອນໃນປ່າສະຫງວນແຫ່ງຊາດ ນຸ໊ຍຈົ໊ວ. ການທ່ອງທ່ຽວຢູ່ທີ່ນີ້ໄດ້ຮັບການຂຸດຄົ້ນລະດັບສູງໃນລະດູແລ້ງ. ການທ່ອງທ່ຽວຢູ່ທີ່ນີ້ຈະໄດ້ຮັບການຈັດຕັ້ງຢູ່ເຂດພັດທະນາການທ່ອງທ່ຽວສະເພາະ, ບໍ່ເຂົ້າເຂດຊີວະນາໆພັນ ທີ່ໄດ້ຮັບການປົກປັກຮັກສາຢ່າງເຂັ້ມງວດ. ສິ່ງນີ້ເພື່ອຮັບປະກັນການຟື້ນຟູຂອງລະບົບນິເວດ.
ບຸນຄົງ
