| ການນຳເຂົ້າ-ສົ່ງອອກ ປີ 2022 ຂອງ ຫວຽດນາມ ອາດຈະສ້າງສະຖິຕິໃໝ່ | |
| ເປັນສະຖານທີ່ເຊື່ອມຕໍ່ປະຊາຄົມນັກສຶກສາຫວຽດນາມ ຢູ່ ອັງກິດ |
 |
| ເລຂາສູນກາງຄະນະຊາວໜຸ່ມ ອວຍພອນບຸນປີໃໝ່ປະຈຳຊາດລາວ 2022. ພາບ: tienphong.vn |
ທ່ານ ຫງວຽນງອກເລືອງ ໄດ້ສົ່ງຄວາມອວຍພອນອັນປະເສີດມາຍັງທ່ານອັກຄະລັດຖະທູດທີ່ປຶກສາ ຈັນທະພອນ ຄຳມະນີຈັນ ພ້ອມດ້ວຍການນຳ, ພະນັກງານສະຖານທູດລາວ ປະຈຳ ຫວຽດນາມ ແລະ ປະຊາຊົນລາວເວົ້າລວມ, ບັນດາໄວໜຸ່ມລາວເວົ້າສະເພາະ.
ທ່ານ ຫງວຽນງອກເລືອງ ໃຫ້ຮູ້ວ່າ: ຈາກສາຍພົວພັນອັນເປັນມູນເຊື້ອພິເສດຂອງສອງພັກ, ສອງລັດ, ໃນໄລຍະໃໝ່ເຖິງວ່າມີການປ່ຽນແປງຫລາຍຢ່າງໃນສະພາບການໂລກ ແຕ່ການພົວພັນມິດຕະພາບທີ່ຊື່ສັດ, ບໍລິສຸດຜຸດຜ່ອງ, ຄວາມສາມັກຄີແບບພິເສດ ຫວຽດນາມ - ລາວ ສືບຕໍ່ໄດ້ຮັບການຕິດພັນກັນຢ່າງແໜ້ນແຟ້ນ.
ຄະນະຊາວໜຸ່ມຂອງສອງປະເທດມີເງື່ອນໄຂຫຼາຍຢ່າງໃນການປະສານສົມທົບ ແລະ ຮ່ວມມື, ສະໜັບສະໜູນເຊິ່ງກັນ ແລະ ກັນໃນຫຼາຍເວທີປາໄສພາກພື້ນ ແລະ ສາກົນ. ນັບແຕ່ນັ້ນມາ, ລຸ້ນໜຸ່ມໄດ້ຮັບການສຶກສາກ່ຽວກັບຮີດຄອງປະເພນີຂອງສອງປະເທດ, ສອງຊາດ; ເພື່ອໃຫ້ຊາວໜຸ່ມແຕ່ລະຄົນ, ແຕ່ລະອົງການຄະນະຊາວໜຸ່ມຖືວ່າ ເປັນຊັບສິນອັນລ້ຳຄ່າເພື່ອສືບຕໍ່ເສີມຂະຫຍາຍ ແລະ ອະນຸລັກຮັກສາຮີດຄອງປະເພນີນັ້ນ.
ທ່ານເລຂາສູນກາງຄະນະຊາວໜຸ່ມ ຫງວຽນງອກເລືອງ ໄດ້ສະແດງຄວາມຂອບໃຈຕໍ່ທ່ານອັກຄະລັດຖະທູດທີ່ປຶກສາ ຈັນທະພອນ ຄຳມະນີຈັນ ພ້ອມດ້ວຍການນຳ ແລະ ພະນັກງານສະຖານທູດລາວ ປະຈຳ ຫວຽດນາມ ທີ່ຍາມໃດກໍ່ສະໜັບສະໜູນ ແລະ ໜູນຊ່ວຍບັນດາການເຄື່ອນໄຫວຮ່ວມມືຊາວໜຸ່ມລະຫວ່າງສອງປະເທດໃນໄລະຍະຜ່ານມາ. ສູນກາງຄະນະຊາວໜຸ່ມປາດຖະໜາຢາກສືບຕໍ່ໄດ້ຮັບຄວາມເອົາໃຈໃສ່, ສະໜັບສະໜູນ ແລະ ປະສານງານຢ່າງໃກ້ຊິດຂອງສະຖານທູດ ສປປ ລາວ ປະຈຳ ຫວຽດນາມ, ບັນດາອົງການ, ອົງການຈັດຕັ້ງຊາວໜຸ່ມຂອງລາວ.
ທ່ານອັກຄະລັດຖະທູດທີ່ປຶກສາ ຄຳມະນີຈັນ ໄດ້ສະແດງຄວາມຂອບໃຈຕໍ່ຄຳອວຍພອນອັນປະເສີດຂອງສູນກາງຄະນະຊາວໜຸ່ມ. ທ່ານຢືນຢັນວ່າ ສະຖານທູດລາວ ປະຈຳ ຫວຽດນາມ ຈະເປັນຂົວຕໍ່ເພື່ອອົງການຈັດຕັ້ງຄະນະຊາວໜຸ່ມ ແລະ ໄວໜຸ່ມ ສອງປະເທດ ປົກປັກຮັກສາ ແລະ ເພີ່ມພູນຄູນສ້າງການພົວພັນ “ມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ” ຫວຽດນາມ - ລາວ.
ທ່ານອັກຄະລັດຖະທູດທີ່ປຶກສາ ຈັນທະພອນ ຄຳມະນີຈັນ ປາດຖະໜາວ່າ ສູນກາງຄະນະຊາວໜຸ່ມ ສອງປະເທດ ຈະສືບຕໍ່ແລກປ່ຽນຄະນະຜູ້ແທນຢ່າງເປັນປົກກະຕິ; ມີການເຄື່ອນໄຫວແລກປ່ຽນ ແລະ ການຮ່ວມມືຫຼາຍກວ່າເກົ່າ.
ໄຊພອນ
