 |
| ພາບປະກອບ: qdnd.vn |
ໄລຍະ 2016 – 2021, ກອງທັບປະຊາຊົນຫວຽດນາມ ເວົ້າລວມ ແລະ ກຳລັງທະຫານປ້ອງກັນຊາຍແດນຫວຽດນາມ ເວົ້າສະເພາະ ໄດ້ຊຸກຍູ້ການເຄື່ອນໄຫວແລກປ່ຽນພົວພັນ, ການຮ່ວມມືກັບບັນດາປະເທດບ້ານໃກ້ເຮືອນຄຽງທີ່ມີຊາຍແດນຕິດກັນຢ່າງບໍ່ຢຸດຢັ້ງ.
ລາຍການພົວພັນແລກປ່ຽນລວມມີ ການເຄື່ອນໄຫວທີ່ມີຄວາມໝາຍຫຼາຍຢ່າງ, ຜ່ານນັ້ນ ສະແດງໃຫ້ເຫັນຄວາມຕັດສິນໃຈຂອງກອງທັບສອງປະເທດໃນການຊຸກຍູ້ການກໍ່ສ້າງ ແລະ ປົກປັກຮັກສາຊາຍແດນລວມແຫ່ງສັນຕິພາບ, ສະຖຽນລະພາບ, ມິດຕະພາບ, ການຮ່ວມມືພ້ອມກັນພັດທະນາ.
ປີ 2021 ເຫັນປະຈັກຕາຂີດໝາຍໃຫຍ່ໃນການພົວພັນ, ຮ່ວມມືເຂດຊາຍແດນເມື່ອການພົວພັນມິດຕະພາບໃນການປ້ອງກັນຊາດລະຫວ່າງ ຫວຽດນາມ - ລາວ ຄັ້ງທີ 1 ໄດ້ຮັບການຈັດຕັ້ງໃນກາງເດືອນ 12 ຢູ່ເມືອງ ເຮືອງຮວາ (ແຂວງກ໋ວາງຈິ) ແລະ ເມືອງ ເຊໂປນ (ສະຫວັນນາເຂດ), ພາຍໃຕ້ການເປັນປະທານຮ່ວມຂອງທ່ານພົນເອກ ຟານວັນຢາງ, ລັດຖະມົນຕີກະຊວງປ້ອງກັນປະເທດ ຫວຽດນາມ ແລະ ທ່ານພົນເອກ ຈັນສະໝອນ ຈັນຍະລາດ, ກຳມະການກົມການເມືອງ, ຮອງນາຍົກລັດຖະມົນຕີ, ລັດຖະມົນຕີກະຊວງປ້ອງກັນປະເທດລາວ.
ລາຍການພົວພັນແລກປ່ຽນແມ່ນກາລະໂອກາດເພື່ອຊຸກຍູ້ການຮ່ວມມືດ້ານປ້ອງກັນຊາດລະຫວ່າງສອງຝ່າຍ, ໂດຍໄດ້ກຳນົດແມ່ນເສົາຄ້ຳສຳຄັນຂອງການພົວພັນມິດຕະພາບທີ່ຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງຫວຽດນາມ - ລາວ. ນີ້ກໍ່ໄດ້ຮັບຖືວ່າແມ່ນການເຄື່ອນໄຫວທີ່ມີຄວາມໝາຍທີ່ຍິ່ງໃຫຍ່ດ້ານການເມືອງ, ສ້າງກຳລັງແຮງແຜ່ກະຈ່າຍໄປທົ່ວທຸກຊັ້ນຄົນ, ປະກອບສ່ວນປັບປຸງ, ເສີມຂະຫຍາຍການພົວພັນລະຫວ່າງສອງປະເທດເວົ້າລວມ, ລະຫວ່າງກອງປະຊຸມສອງປະເທດເວົ້າສະເພາະ.
ບຸນຄົງ
