| ລາວກາຍເລີ່ມການເຄື່ອນໄຫວຜະລິດຕະພັນການທ່ອງທ່ຽວໃໝ່ທີ່ດຶງດູດແຂກທ່ອງທ່ຽວ | |
| ບິ່ງເຟືອກເປີດປະຕູການທ່ອງທ່ຽວໃນເງື່ອນໄຂປົກກະຕິໃໝ່ |
 |
| ພະແນກວັດທະນະທຳ, ກິລາ ແລະ ທ່ອງທ່ຽວ 2 ແຂວງ ນິງທ້ວນ ແລະ ເລິມດົ່ງ ລົງນາມລາຍການຮ່ວມມືພັດທະນາການທ່ອງທ່ຽວໄລຍະ 2022 – 2025 (ພາບ: TTXVN) |
ວັນທີ 7 ເມສາ, ຢູ່ນະຄອນຟານຣາງ - ທາບຈ່າມ, ພະແນກວັດທະນະທຳ, ກິລາ ແລະ ທ່ອງທ່ຽວ 2 ແຂວງ ນິງທ້ວນ ແລະ ເລິມດົ່ງໄດ້ລົງນາມລາຍການຮ່ວມມືພັດທະນາການທ່ອງທ່ຽວໄລຍະ 2022 – 2025 ດ້ວຍສານທີ່ວ່າ “ສະຖານທີ່ທ່ອງທ່ຽວນິງທ້ວນ - ເລິມດົ່ງມີປອດໄພ, ເປັນມິດ ແລະ ຮັກແພງແຂກທ່ອງທ່ຽວ”.
ທີ່ພິທີລົງນາມ, ທ່ານ ຫງວຽນວັນຮ່ວາ, ຫົວໜ້າພະແນກວັດທະນະທຳ, ກິລາ ແລະ ການທ່ອງທ່ຽວແຂວງນິງທ້ວນໃຫ້ຮູ້ວ່າ ການຮ່ວມມືພັດທະນາການທ່ອງທ່ຽວລະຫວ່າງ ນິງທ້ວນ ແລະ ເລິມດົ່ງ ແນໃສ່ມຸ່ງໄປເຖິງເປົ້າໝາຍຍູ້ແຮງການເຊື່ອມຕໍ່, ເພີ່ມທະວີການຮ່ວມມືລະຫວ່າງສອງແຂວງໃນການຊີ້ນຳ, ເຊື່ອມຕໍ່ບັນດາສະມາຄົມ, ວິສາຫະກິດທ່ອງທ່ຽວກໍ່ສ້າງ, ພັດທະນາຜະລິດຕະພັນທ່ອງທ່ຽວຂອງ 2 ແຂວງ, ພ້ອມທັງ, ຍົກສູງປະສິດທິຜົນບັນດາການເຄື່ອນໄຫວສົ່ງເສີມ, ລົງທຶນ, ໂຄສະນາສະຖານທີ່ທ່ອງທ່ຽວ, ລາຍການກະຕຸກຊຸກຍູ້ການທ່ອງທ່ຽວ…ຮັບປະກັນບັນດາປັດໄຈປອດໄພຢູ່ລະດັບສູງສຸດ, ປະກອບສ່ວນຊຸກຍູ້ການພັດທະນາການທ່ອງທ່ຽວໃຫ້ແກ່ ເຂດແຄມຝັ່ງທະເລ ພາກກາງຕອນໃຕ້ ແລະ ໄຕງວຽນ.
ລາຍການຮ່ວມມືໄດ້ດຳເນີນຕາມຫຼັກການສະໝັກໃຈ, ສົມທົບກັນຢ່າງກົມກຽວ, ມີແຜນການ, ບໍ່ຈຳກັດຂອບຂະໜາດໃນການທ່ອງທ່ຽວ, ຫັນການຮ່ວມມືເປັນຫຼາຍຮູບແບບ, ຫຼາຍຝ່າຍເພື່ອແນໃສ່ຊຸກຍູ້ການທ່ອງທ່ຽວພັດທະນາ.
ທ່ານ ຫງວຽນລອງບຽນ ເຊື່ອໝັ້ນ ແລະ ຫວັງວ່າ ລາຍການຮ່ວມມືພັດທະນາການທ່ອງທ່ຽວນິງທ້ວນ - ເລິມດົ່ງໄລຍະ 2022 – 2025 ຈະສ້າງຜົນກະທົບຢ່າງແຮງ, ສະໜອງໃຫ້ແກ່ແຂກທ່ອງທ່ຽວດ້ວຍຫຼາຍຜະລິດຕະພັນ, ການບໍລິການທ່ອງທ່ຽວທີ່ດູດດື່ມ, ມີຄຸນນະພາບສູງ ດ້ວຍລາຄາບູລິມະສິດ, ຊ່ວຍຟື້ນຟູການຕະຫຼາດແຂກທ່ອງທ່ຽວພາຍໃນປະເທດໂດຍໄວ, ກະກຽມໃຫ້ແກ່ວຽກງານສົ່ງເສີມ, ຟື້ນຟູຕະຫຼາດແຂກທ່ອງທ່ຽວສາກົນໃນໄລຍະຈະມາເຖິງ.
ບຸນຄົງ
