 |
| ພາບປະກອບ: TTXVN |
ວັນນ້ຳໂລກ 2022 ດ້ວຍຫົວຂໍ້ “ນ້ຳໃຕ້ດິນ - ຫັນສິ່ງເປັນນາມມະທຳກາຍເປັນສິ່ງຮູບປະທຳ” ໄດ້ຍົກໃຫ້ເຫັນບົດບາດອັນສຳຄັນຂອງນ້ຳໃຕ້ດິນໃນລະບົບນ້ຳ ແລະ ເງື່ອນໄຂອະນາໄມ, ກະສິກຳ, ອຸດສາຫະກຳ, ລະບົບນິເວດ ແລະ ການປັບຕົວເຂົ້າກັບການປ່ຽນແປງຂອງດິນຟ້າອາກາດ.
ຢູ່ຫວຽດນາມ, ເພື່ອຄຸ້ມຄອງສະພາບການຂຸດຄົ້ນນ້ຳໃຕ້ດິນໃຫ້ດີຂຶ້ນ, ລັດຖະບານໄດ້ອອກດຳລັດກຳນົດການຈຳກັດການຂຸດຄົ້ນນ້ຳໃຕ້ດິນ. ໃນນັ້ນ, ບັນດາທ້ອງຖິ່ນຈັດຕັ້ງຜັນຂະຫຍາຍ ແລະ ປະກາດບັນຊີລາຍຊື່ເຂດຈຳກັດການຂຸດຄົ້ນນ້ຳໃຕ້ດິນ ແລະ ນຳໃຊ້ມາດຕະການຈຳກັດການຂຸດຄົ້ນບັນດາເຂດນ້ຳໃຕ້ດິນທີ່ສ່ຽງຕໍ່ການເກີດມົນລະພິດ.
ທ່ານ ເຈີ່ນຮົ່ງຮ່າ, ລັດຖະມົນຕີກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ໃຫ້ຮູ້ວ່າ: ລັດຖະບານມີໂຄງການຄົ້ນຄວ້າ ແລະ ຕີລາຄາບັນດາສາເຫດລວມເຊັ່ນ: ການນຳໃຊ້ນ້ຳໃຕ້ດິນ, ໂຄງສ້າງທໍລະນີສາດຢູ່ເຂດດັ່ງກ່າວໃນປັດຈຸບັນ, ເພື່ອຈາກນັ້ນ ຈະມີການແກ້ໄຂຢ່າງຮອບດ້ານ; ພິເສດແມ່ນມະຕິຂອງກົມການເມືອງກ່ຽວກັບການເສີມຂະຫຍາຍບົດບາດ ແລະ ກຳນົດທິດຍຸດທະສາດດ້ານທໍລະນີສາດ.
ບຸນຄົງ
