| ກາລະໂອກາດເຊື່ອມຕໍ່, ແລກປ່ຽນຄ້າຂາຍຢູ່ Vietnam Expo 2022 | |
| ປະທານ VUFO ສົ່ງຈົດໝາຍອວຍພອນການພົວພັນ ຫວຽດນາມ-ບຣູໄນ ຄົບຮອບ 30 ປີ |
 |
| ພາບປະກອບ: qdnd.vn |
ເນື່ອງໃນໂອກາດສະເຫຼີມສະຫຼອງ 67 ປີແຫ່ງວັນສ້າງຕັ້ງພັກປະຊາຊົນປະຕິວັດລາວ (22 ມີນາ 1955 – 22 ມີນາ 2022), ຄະນະບໍລິຫານງານສູນກາງພັກກອມມູນິດຫວຽດນາມ ໄດ້ສົ່ງໂທລະເລກອວຍພອນເຖິງຄະນະບໍລິຫານງານສູນກາງພັກປະຊາຊົນປະຕິວັດລາວ.
ເນື້ອໃນຂອງໂທລະເລກຄືດັ່ງນີ້:
ພັກ, ລັດ ແລະ ປະຊາຊົນຫວຽດນາມ ມີຄວາມປິຕິຊົມຊື່ນ ແລະ ພູມໃຈທີ່ສຸດຕໍ່ສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ຫວຽດນາມ - ລາວ ໂດຍທ່ານປະທານ ໂຮ່ຈີມິນ ຜູ້ນຳທີ່ຍິ່ງໃຫຍ່ ແລະ ທ່ານປະທານ ໄກສອນ ພົມວິຫານ, ທ່ານປະທານ ສຸພານຸວົງ ແສນເຄົາລົບຮັກ ໄດ້ສ້າງຕັ້ງ, ບຳລຸງສ້າງ ແລະ ການນຳລຸ້ນຕ່າງໆຂອງສອງພັກ, ປະເທດ ແລະ ປະຊາຊົນ 2 ປະເທດ ໄດ້ເພີ່ມພູນຄູນສ້າງ, ປັບປຸງຢ່າງບໍ່ຢຸດຢັ້ງ, ພັດທະນານັບມື້ນັບເລິກເຊິ່ງ, ແທດຈິງ ແລະ ມີປະສິດທິຜົນໃນທຸກຂົງເຂດ, ປະກອບສ່ວນຢ່າງຕັ້ງໜ້າເຂົ້າໃນການປັບປຸງ, ກໍ່ສ້າງ, ພັດທະນາ ແລະ ປົກປັກຮັກສາປະເທດຊາດຢູ່ແຕ່ລະປະເທດ.
ເນື່ອງໃນໂອກາດນີ້, ທ່ານເລຂາທິການໃຫຍ່ ຫງວຽນຟູ໋ຈ້ອງ ໄດ້ສົ່ງກະຕ່າດອກໄມ້ອວຍພອນເຖິງທ່ານເລຂາທິການໃຫຍ່, ປະທານປະເທດ ລາວ ທອງລຸນ ສີສຸລິດ; ທ່ານ ຫວໍວັນເຖືອງ ຜູ້ ປະຈຳຄະນະເລຂາທິການ ໄດ້ສົ່ງກະຕ່າດອກໄມ້ອວຍພອນທ່ານ ບຸນທອງ ຈິດມະນີ ຜູ້ປະຈຳການຄະນະເລຂາທິການ, ຮອງປະທານປະເທດ ລາວ. ທ່ານ ເລຮ່ວາຍຈູງ, ຫົວໜ້າຄະນະພົວພັນຕ່າງປະເທດສູນກາງພັກໄດ້ສົ່ງສານອວຍພອນເຖິງທ່ານ ທອງສະຫວັນ ພົມວິຫານ. ຫົວໜ້າກົມພົວພັນຕ່າງປະເທດສູນກາງພັກປະຊາຊົນປະຕິວັດລາວ.
ບຸນຄົງ
