| ຄົ້ນພົບສະຖານທີ່ທ່ອງທ່ຽວທີ່ເປັນເອກະລັກສະເພາະຂອງ ນີງບິ່ງ | |
| ຖ້ຽວບິນທີສອງນຳສົ່ງພົນລະເມືອງ ຫວຽດນາມ ອາໄສຢູ່ ຢູແກຼນ ກັບຄືນມາ ປະເທດ ຢ່າງປອດໄພ |
 |
| ພາບປະກອບ: vov |
ລັດຖະບານໄດ້ເປີດຄືນການເຄື່ອນໄຫວທ່ອງທ່ຽວຂອງນັກທ່ອງທ່ຽວສາກົນໃນສະພາບປົກກະຕິໃໝ່ ແຕ່ວັນທີ 15 ມີນາ 2022, ເປັນໂອກາດທອງເພື່ອຟື້ນຟູການພັດທະນາການທ່ອງທ່ຽວຂອງຫວຽດນາມ ໃນໄລຍະຈະມາເຖິງ, ດຳລົງຊີວິດເປັນປົກກະຕິກັບໂລກລະບາດໂຄວິດ-19.
ຂະແໜງທ່ອງທ່ຽວພວມມານະພະຍາຍາມສົມທົບກັບບັນດາກະຊວງ, ຂະແໜງການ ແລະ ທ້ອງຖິ່ນຜັນຂະຫຍາຍຫຼາຍການເຄື່ອນໄຫວ, ສ້າງຮູບແບບສະຖານທີ່ທ່ອງທ່ຽວຫວຽດນາມ ທີ່ເປັນມິດ, ໄມຕີຈິດ ແລະ ປອດໄພ, ເພື່ອແນໃສ່ບັນລຸຄາດໝາຍຕ້ອນຮັບແຂກສາກົນ 5 ລ້ານເທື່ອຄົນໃນປີ 2022.
ວັນທີ 15 ມີນາ ແມ່ນເວລາອັນເໝາະສົມເພື່ອເປີດປະຕູຮັບແຂກທ່ອງທ່ຽວສາກົນ. ເພາະມາຮອດຈຸດເວລານີ້, ຫວຽດນາມເກືອບຈະສຳເລັດການປະຕິບັດການສັກວັກຊິນຕ້ານພະຍາດໂຄວິດ-19, ຮັບປະກັນການປ້ອງກັນພູມຕ້ານທານຂອງຊຸມຊົນ.
ພິເສດແມ່ນເດືອນ ພຶດສະພາ ປີ 2022 ແມ່ນເວລາຫວຽດນາມຈະເປັນເຈົ້າພາບຈັດງານມະຫາກຳກິລາອາຊີຕາເວັນອອກສ່ຽງໃຕ້ (SEA Games 31), ການເປີດກ້ວາງການເຄື່ອນໄຫວທ່ອງທ່ຽວສາກົນ ຈະປະກອບສ່ວນດຶງດູດນັກທ່ອງທ່ຽວບັນດາປະເທດໃນພາກພື້ນ ອາຊຽນ ເຊິ່ງແມ່ນບໍລິເວນທີ່ມີການສັກວັກຊິນກັນໂຄວິດ - 19 ຢູ່ລະດັບສູງ.
ສະພາທີ່ປຶກສາດ້ານການທ່ອງທ່ຽວສະເໜີໃຫ້ລັດຖະບານພິຈາລະນາ ແລະ ຂະຫຍາຍເວລາຍົກເວັ້ນວີຊາຝ່າຍດຽວເປັນ 3 ປີໃຫ້ແກ່ພົນລະເມືອງຂອງປະເທດດັ່ງນີ້: ອັງກິດ, ສາທາລະນະລັດສະຫະພັນເຢຍລະມັນ, ສາທາລະນະລັດອີຕາລີ, ສາທາລະນະລັດ ຝຣັ່ງ ແລະ ສະເປນ; ພ້ອມກັນນັ້ນ, ກໍອະນຸຍາດໃຫ້ພົນລະເມືອງຂອງ 5 ປະເທດເອີລົບຕາເວັນຕົກນີ້ ໄດ້ຕໍ່ອາຍຸການພັກເຊົາຊົ່ວຄາວຢູ່ຫວຽດນາມ ເປັນ 30 ວັນນັບແຕ່ວັນເຂົ້າເມືອງ.
ບຸນຄົງ
