ເອກອັກຄະລັດຖະທູດ ຊູແອັດ Ann Mawe: ຫວຽດນາມ ເດີນຖືກທິດໃນການຮັບປະກັນຄວາມສະເໝີພາບລະຫວ່າງຍິງ

ເອກອັກຄະລັດຖະທູດ ຊູແອັດ Ann Mawe: ຫວຽດນາມ ເດີນຖືກທິດໃນການຮັບປະກັນຄວາມສະເໝີພາບລະຫວ່າງຍິງ - ຊາຍ

08:00 | 15/03/2022

ຍສໝ - ທ່ານນາງເອກອັກຄະລັດຖະທູດ ຊູແອັດ ປະຈຳຫວຽດນາມ Ann Mawe ຖືວ່າ ຫວຽດນາມ ບັນລຸໄດ້ຜົນງານສຳຄັນໃນການຮັບປະກັນຄວາມສະເໝີພາບລະຫວ່າງຍິງ - ຊາຍ ແລະ ກຳລັງໄປຖືກທິດໃນຂົງເຂດນີ້.

	ລັດຖະບານ ຫວຽດນາມ ຍາມໃດກໍ່ຍູ້ແຮງການປະຕິຮູບລະບຽບການບໍລິຫານເພື່ອໃຫ້ນັກລົງທຶນຕ່າງປະເທດດຳເນີນທຸລະກິດຍາວນານຢູ່ຫວຽດນາມ
	ທ່ານໝໍຫວຽດນາມ ໂຄສະນາກ່ຽວກັບການເບິ່ງແຍງສຸຂະພາບໃນການປະສູດໃຫ້ແກ່ແມ່ຍິງຊູດັງໃຕ້

ເອກອັກຄະລັດຖະທູດ ຊູແອັດ Ann Mawe: ຫວຽດນາມ ເດີນຖືກທິດໃນການຮັບປະກັນຄວາມສະເໝີພາບລະຫວ່າງຍິງ - ຊາຍ

ທ່ານນາງເອກອັກຄະລັດຖະທູດ Ann Mawe ປະຈຳຫວຽດນາມ (ພາບ: TTXVN)

ເມື່ອແລກປ່ຽນກັບນັກຂ່າວສຳນັກຂ່າວສານຫວຽດນາມ ເນື່ອງໃນໂອກາດກອງປະຊຸມໃຫຍ່ຜູ້ແທນແມ່ຍິງທົ່ວປະເທດ ຄັ້ງທີ XIII, ທ່ານນາງເອກອັກຄະລັດຖະທູດ Ann Mawe ສະແດງຄວາມປະທັບໃຈຕໍ່ຄວາມມານະພະຍາຍາມຫັນຄວາມສະເໝີພາບລະຫວ່າງຍິງ - ຊາຍ ຢູ່ ຫວຽດນາມ ເປັນລະບອບລະບຽບການ.

ທ່ານນາງ Ann Mawe ຕີລາຄາສູງ “ຍຸດທະສາດແຫ່ງຊາດກ່ຽວກັບຄວາມສະເໝີພາບລະຫວ່າງຍິງ - ຊາຍ ໄລຍະ 2021 - 2030” ຂອງ ຫວຽດນາມ, ພ້ອມທັງສະແດງຄວາມປະທັບໃຈຕໍ່ເປົ້າໝາຍສົ່ງເສີມແມ່ຍິງ Startup. ຫວຽດນາມ ສູ້ຊົນໃຫ້ອັດຕາແມ່ຍິງເປັນຜູ້ອຳນວຍການ ຫຼືເປັນເຈົ້າຂອງວິສາຫະກິດຢ່າງໜ້ອຍສຸດບັນລຸໄດ້ 27%ໃນປີ 2025 ແລະ 30%ໃນປີ 2030. ຍຸດທະສາດກໍ່ມຸ່ງໄປເຖິງການຫຼຸດຜ່ອນເວລາເຮັດວຽກເຮືອນຂອງແມ່ຍິງເມື່ອທຽບໃສ່ກັບເພດຊາຍ ແມ່ນຫຼຸດລົງ 1,7 ເທົ່າ ໃນປີ 2025 ແລະ 1,4 ເທົ່າໃນປີ 2030, ກໍ່ຄືສົມທົບເນື້ອໃນຄວາມສະເໝີພາບລະຫວ່າງຍິງຊາຍ ເຂົ້າໃນຫຼັກສູດການຮຽນທຸກຂັ້ນ.

ບຸນຄົງ