ຂະບວນລົດໄຟ ຈະລວມມີ 23 ຄອນເທນເນີ 40 feet, ແລ່ນຈາກດ່ານັ້ງ ເຖິງ ດົງແອັງ (ຮ່າໂນ້ຍ) ດ້ວຍທາງລົດໄຟ, ຈາກນັ້ນ ຂະບວນລົດໄຟດັ່ງ ກ່າວຈະສືບຕໍ່ແລ່ນໄປຍັງສະຖານີລົດໄຟສາກົນ ດົ່ງດັງ, ເຮັດລະບຽບ ການຜ່ານແດນສູ່ທາງລົດໄຟຈີນ, ເຖິງສະຖານີລົດໄຟ ເຈີ້ງໂຈ ແລະເຊື່ອມຕໍ່ ໃສ່ຂະບວນລົດໄຟອາຊີ-ເອີລົບ ເພື່ອໄປເຖິງປາຍທາງສຸດທ້າຍ. ຂະບວນລົດ ໄຟດັ່ງກ່າວຈະບັນທຸກເຄື່ອງເຟີນີເຈີຂອງບໍລິສັດ IKEA ທີ່ສົ່ງອອກໄປຍັງ ເອີລົບ. ສິນຄ້າຈະໄດ້ສົ່ງໄປຍັງຫຼາຍນະຄອນ ຄື Liege (ແບນຊິກ), Hamburg (ເຢຍລະມັນ), Melzo (ອີຕາລີ)...
 |
| ຫວຽດນາມ ຈະມີລົດໄຟບັນທຸກຄອນເທນເນີ ແລ່ນໂດຍກົງຈາກ ດ່ານັ້ງ ເຖິງ ເອີລົບ ເລີ່ມແຕ່ເດືອນມີນາ. ພາບ: TTXN |
ກ່ອນໜ້ານັ້ນ, ຂະແໜງທາງລົດໄຟຫວຽດນາມ ເປັນຄັ້ງທໍາອິດໄດ້ຈັດຕັ້ງ ການແລ່ນຖ້ຽວລົດໄຟບັນທຸກຄອນເທນເນີ ໄປຍັງເອີລົບ (ແບນຊິກ) ໃນ ເດືອນ ກໍລະກົດ ປີ 2021. ພາຍຫຼັງຂະບວນລົດໄຟເປີດບໍລິການຂົນສົ່ງສິນຄ້າໄປຍັງ ແບນຊິກ ແລ້ວ, ຂະແໜງທາງລົດໄຟ ຮັກສາການຂົນສົ່ງຄອນເທນເນີໃນແຕ່ລະອາທິດປະມານ 3 ຖ້ຽວ ທີ່ເດີນທາງອອກຈາກສະຖານີລົດໄຟ ອຽນວຽນ (ຮ່າໂນ້ຍ) ໄປຍັງເອີລົບ. ມາຮອດປັດຈຸບັນ, ຮູບການຂະບວນລົດໄຟຂົນສົ່ງສາກົນນີ້ນັບມື້ນັບພັດທະນາ, ມີລູກຄ້າຫຼາຍຄົນມັກເລືອກຮູບການຂົນສົ່ງນີ້. ປັດຈຸບັນ ຂະແໜງທາງລົດໄຟ ກໍາລັງຂົນສົ່ງສິນຄ້າຈາກຫວຽດນາມ ໄປຍັງບັນດາປະເທດ ຄື: ມົງໂກລີ, ກາຊັກສະຖານ, ອຸສະເບກິດສະຖານ, ລັດເຊຍ, Tajikistan, ໂປໂລຍ, ອັງກິດ, ເຢຍລະມັນ... ບັນດາປະເພດສິນຄ້າລວມມີ ເຄື່ອງເອເລັກໂຕນິກ, ເຄື່ອງ ຕໍ່າແຜ່ນຕັດຫຍິບ, ເກີບໜັງ, ເຄື່ອງສໍາອາງ, ເຄື່ອງແຊ່ແຂງ, ໝາກໄມ້.
ບູນມີ
