ນາຍົກລັດຖະມົນຕີຫວຽດນາມ ສົນທະນາທາງໂທລະສັບກັບຜູ້ອໍານວຍການໃຫຍ່ກຸ່ມບໍລິສັດ Adidas

ທ່ານຮອງລັດຖະມົນຕີການຕ່າງປະເທດ ຫງວຽນມິງຫວູ ເຮັດວຽກກັບການນໍາກຸ່ມບໍລິສັດ Adidas

ທ່ານ ຟ້າມມີງຈິ໊ງ ເຊື່ອໝັ້ນວ່າ ກຸ່ມບໍລິສັດ Adidas ຈະສືບຕໍ່ຍູ້ແຮງການເຄື່ອນໄຫວຜະລິດ, ດໍາເນີນທຸລະກິດຢູ່ຫວຽດນາມ, ລວມມີເລື່ອງສ້າງເງື່ອນໄຂໃຫ້ວິສາຫະກິດຫວຽດນາມ ໄດ້ເຂົ້າຮ່ວມຕ່ອງໂສ້ສະໜອງທົ່ວໂລກຂອງ Adidas ຢ່າງເລິກເຊິ່ງ.

ທ່ານ ຟ້າມມີງຈິ໊ງ ນາຍົກລັດຖະມົນຕີຫວຽດນາມ ສົນທະນາທາງໂທລະສັບກັບທ່ານ Kasper Rorsted ຜູ້ອໍານວຍການໃຫຍ່ກຸ່ມບໍລິສັດ Adidas. ພາບ: VGP

ທ່ານນາຍົກລັດຖະມົນຕີ ສະເໜີໃຫ້ກຸ່ມບໍລິສັດສືບຕໍ່ເສີມຂະຫຍາຍຄວາມຮັບຜິດຊອບຕໍ່ສັງຄົມຂອງວິສາຫະກິດໃຫ້ເປັນຢ່າງດີ, ເອົາໃຈໃສ່ຕໍ່ການຮັບປະກັນສະຫວັດດີການສັງຄົມ ແລະເງື່ອນໄຂເຮັດວຽກໃຫ້ແກ່ຜູ້ອອກແຮງງານຫວຽດນາມ ເປັນຢ່າງດີ; ທ່ານ ຟ້າມມີງຈິ໊ງ ຢາກໃຫ້ກຸ່ມບໍລິສັດ Adidas ສືບຕໍ່ປະກອບສ່ວນຊຸກຍູ້ການພົວພັນຮ່ວມມືດ້ານເສດຖະກິດ-ການຄ້າ-ການລົງທຶນລະຫວ່າງຫວຽດນາມ ກັບ ເຢຍລະມັນ ແລະສະຫະພາບເອີລົບ.

ສ່ວນທ່ານ Kasper Rorsted ຕີລາຄາສູງຕໍ່ຄໍາໝັ້ນສັນຍາພັດທະນາແບບຍືນຍົງ, ການເຕີບໂຕສີຂຽວ ແລະຫຼຸດຜ່ອນການປ່ອຍອາຍພິດຂອງລັດຖະບານຫວຽດນາມ, ກໍານົດວ່າ ຫວຽດນາມ ແມ່ນບໍລິເວນຜະລິດສໍາຄັນແຖວໜ້າ ແລະເປັນຈຸດນັດພົບຂອງນັກລົງທຶນເຢຍລະມັນ ແລະສະຫະພາບເອີລົບ. ໃນໄລຍະຈະມາເຖິງ, ກຸ່ມບໍລິສັດຈະສືບຕໍ່ມານະພະຍາຍາມໝູນໃຊ້, ຫັນກາລະໂອກາດພັດທະນາຢູ່ຫວຽດນາມ ໃຫ້ເປັນອັນລະອຽດ.