| ກິດຈະກຳພົບປະນັກສຶກສາຫວຽດນາມ - ລາວ - ກຳປູເຈຍ | |
| ຫວຽດນາມ ໃຫ້ບຸລິມະສິດ ແລະ ພັດທະນາສາຍພົວພັນສາມັກຄີແບບພິເສດລະຫວ່່າງ ຫວຽດນາມ - ລາວ |
ວັນທີ 28 ກຸມພາ, ຫ້ອງການຕຳຫຼວດແຂວງແທັງຫົວສົມທົບກັບຫ້ອງການປ້ອງກັນຄວາມສະຫງົບແຂວງຫົວພັນ ໄດ້ຈັດຕັ້ງພິທີເປີດນຳໃຊ້ ແລະ ມອບສຳນັກງານຫ້ອງການເຮັດວຽກ 32 ແຫ່ງ ໃຫ້ແກ່ຫ້ອງການ ປກສ ກຸ່ມບ້ານເຂດຊາຍແດນຕິດຈອດຂອງເມືອງສົບເບົາ, ແຂວງຫົວພັນ.
 |
| ແທັງຫົວມອບສຳນັກງານຫ້ອງການເຮັດວຽກ 32 ແຫ່ງໃນກຸ່ມບ້ານເຂດຊາຍແດນຕິດຈອດ ຫວຽດນາມ - ລາວ. ພາບ: baothanhhoa |
ໂດຍປະຕິບັດຕາມແຜນນະໂຍບາຍຂອງກະຊວງຕຳຫຼວດຫວຽດນາມກ່ຽວກັບການສະໜັບສະໜູນກະຊວງປ້ອງກັນຄວາມສະຫງົບລາວ ໃນການສ້າງສຳນັກງານຫ້ອງການເຮັດວຽກໃນກຸ່ມບ້ານເຂດຊາຍແດນຕິດຈອດຫວຽດນາມ-ລາວ, ຫ້ອງການຕຳຫຼວດແຂວງແທັງຫົວ ໄດ້ສົມທົບກັບຫ້ອງການ ປກສ ແຂວງຫົວພັນ ແລະ ຫ້ອງການ ຕຳຫຼວດ - ຫ້ອງການ ປກສ ຂອງບັນດາເມືອງຊາຍແດນຕິດຈອດ 2 ແຂວງ ກຳຈັດຄວາມຫຍຸ້ງຍາກ, ດຳເນີນການສຳຫຼວດ, ເລືອກເຟັ້ນຜູ້ຮັບເໝົາກໍ່ສ້າງທີ່ມີຄວາມສາມາດ, ມາດຕະຖານ ແລະ ຄວາມເຊື່ອຖື ເພື່ອດຳເນີນການກໍ່ສ້າງສຳນັກງານຫ້ອງການເຮັດວຽກ 32 ແຫ່ງ ໃຫ້ແກ່ຫ້ອງການຕຳຫຼວດກຸ່ມບ້ານຊາຍແດນຕິດຈອດ ທີ່ຂຶ້ນກັບແຂວງຫົວພັນ ໃຫ້ຖືກຕ້ອງຕາມບາດກ້າວ ແລະ ທັນຕາມກຳນົດເວລາ.
ທ່ານພົນຈັດຕະວາ ເຈິ່ນຟຸຮ່າ ຫົວໜ້າກອງບັນຊາການຫ້ອງການຕຳຫຼວດ ແຂວງແທັງຫົວ ໃຫ້ຊາບວ່າ, ຕໍ່ໜ້າສະພາບການແຜ່ລະບາດພະຍາດໂຄວິດ-19 ທີ່ຜັນແປໄປຢ່າງຫຍຸ້ງຍາກ, ການກໍ່ສ້າງພົບຄວາມຫຍຸ່ງຍາກຫຼາຍທາງດ້ານການຂົນສົ່ງວັດຖະດຸອຸປະກອນການກໍ່ສ້າງ, ການຈ້າງກຳມະກອນ ກໍຄືການຊຸກຍູ້, ຕິດຕາມ, ກວດກາ. ຄຽງຄູ່ກັບຄວາມເອົາໃຈໃສ່, ການສະໜັບສະໜູນຂອງກະຊວງຕຳຫຼວດຫວຽດນາມ, ຂອງອົງຄະນະພັກແຂວງ, ຄະນະກຳມະການປະຊາຊົນແຂວງ ແລະ ຫ້ອງການຕຳຫຼວດແຂວງແທັງຫົວ, ຄວາມເປັນເອກະພາບ, ສ້າງເງື່ອນໄຂຂອງອຳນາດການປົກຄອງ, ຫ້ອງການ ປກສ ແຂວງຫົວພັນ ແລະ ການປະສານສົມທົບຢ່າງຕັ້ງໜ້າຂອງບັນດາຜູ້ຮັບເໝົາ, ທັງໝົດຫ້ອງການເຮັດວຽກ 32 ແຫ່ງຂອງຫ້ອງການຕຳຫຼວດກຸ່ມຊາຍແດນຕິດຈອດໄດ້ສຳເລັດ ແລະ ມອບໃຫ້ແກ່ຫ້ອງການ ປກສ ແຂວງຫົວພັນ ຄຸ້ມຄອງ ແລະ ນຳໃຊ້.
ຄວາມເອົາໃຈໃສ່ຊ່ວຍເຫຼືອຂອງກະຊວງຕຳຫຼວດຫວຽດນາມ ແລະ ຫ້ອງການຕຳຫຼວດແຂວງແທັງຫົວ ຕໍ່ກັບກະຊວງປ້ອງກັນຄວາມສະຫງົບລາວ ແລະ ຫ້ອງການ ປກສ ແຂວງຫົວພັນ ສະແດງເຖິງຄວາມສາມັກຄີອັນໃກ້ຊິດສະໜິດແໜ້ນລະຫວ່າງກຳລັງຕຳຫຼວດ - ປກສ ສອງຊາດ, ສອງແຂວງ. ນີ້ເປັນການເຄື່ອນໄຫວກິດຈະກຳທີ່ມີຄວາມໝາຍພິເສດມອບໃຫ້ແກ່ “ປີສາມັກຄີ, ມິດຕະພາບ ຫວຽດນາມ - ລາວ, ລາວ - ຫວຽດນາມ 2022”.
ວິລະຊົນ
