ມາຮອດປະຈຸບັນ, ມີ 6 ສາຍການບິນ (Vietnam Airlines, Vietjet Air, Pacific Airlines, Bamboo Airways, Vietravel Airlines ແລະ Vasco) ທີ່ຂຸດຄົ້ນການບິນພາຍໃນປະເທດດ້ວຍ 56 ຖ້ຽວບິນ, ດ້ວຍຄວາມຖີ່ທັງໝົດ 2.570 ຖ້ຽວຕໍ່ອາທິດ (ເທົ່າກັບ 367 ຖ້ຽວບິນ/ຖ້ຽວໄປຫຼືກັບ/ວັນ), ຫຼຸດລົງ 2 ເສັ້ນທາງບິນ ແລະ ຫຼຸດ 217 ຖ້ຽວບິນ/ອາທິດ/ຖ້ຽວໄປຫຼືກັບ (ເທົ່າກັບ 31 ຖ້ຽວບິນ/ຖ້ຽວໄປຫຼືກັບ/ວັນ) ເມື່ອທຽບໃສ່ຕາຕະລາງຖ້ຽວບິນລະດູໜາວປີ 2019 (ໄລຍະບໍ່ທັນເກີດພະຍາດໂຄວິດ-19).
 |
| ເປີດເສັ້ນທາງບິນສາກົນ ໄປຍັງ 20 ປະເທດ ແລະ ເຂດແຄ້ວນ ຄືນໃໝ່. ພາບ vnexpress.net |
ສຳລັບການຂົນສົ່ງສາກົນ, ກະຊວງຄົມມະນາຄົມໄດ້ມອບໝາຍໃຫ້ກົມການບິນຫວຽດນາມ ເປັນເຈົ້າການຕີລາຄາ ແລະ ຈັດຕັ້ງການປຶກສາຫາລືກັບບັນດາອົງການການບິນຂອງບັນດາຄູ່ຮ່ວມມືເພື່ອຕັດສິນໃຈດຳເນີນການບິນສາກົນຄືນໃໝ່ເປັນປົກກະຕິ ກັບບັນດາຕະຫຼາດທີ່ມີຖ້ຽວບິນມາຫວຽດນາມໂດຍກົງ ກ່ອນທີ່ຈະເກີດໂລກລະບາດໂຄວິດ-19.
ມາຮອດປະຈຸບັນ, ຫວຽດນາມ ໄດ້ເປີດເສັ້ນທາງການບິນສາກົນເຂົ້າ/ອອກຈາກ 20 ປະເທດ ແລະ ເຂດແຄວ້ນຄືນໃໝ່ (ເມື່ອທຽບໃສ່ຕາຕະລາງການບິນລະດູໜາວປີ 2019, ເວລາກ່ອນເກີດພະຍາດໂຄວິດ-19 ມີ 28 ປະເທດ ແລະ ເຂດແຄວ້ນ), ລວມມີ:
ກຳປູເຈຍ, ຮົງກົງ (ຈີນ), ຍີ່ປຸ່ນ, ສ.ເກົາຫຼີ, ມາເລເຊຍ, ຟີລິບປິນ, ກາຕາ, ສິງກະໂປ, ໄຕ້ຫວັນ (ຈີນ), ໄທ, ຕວກກີ, ສະຫະລັດອາຣັບເອມີເຣດ, ລາວ, ຈີນ, ຝຣັ່ງ, ເຢຍລະມັນ, ອັງກິດ, ອົດສະຕຣາລີ, ຣັດເຊຍ ແລະ ອາເມລິກາ; ແລະ 8 ປະເທດທີ່ຍັງບໍ່ທັນເປີດເສັ້ນທາງການບິນຄືນໃໝ່ຄື: ບຣູໄນ, ອິນເດຍ, ອິນໂດເນເຊຍ, ມຽນມາ, ມາກາວ, ຟິນແລນ, ອີຕາລີ, ສະວິດ.
ກ່ຽວກັບຄວາມຖີ່, ຕາມທ່ານ ເຈິ່ນບ໋າວງອກ, ຫົວໜ້າກົມຂົນສົ່ງສາກົນ, ເສັ້ນທາງບິນສາກົນໄປ/ມາ ຫວຽດນາມ ມີ 370 ຖ້ຽວບິນ/ອາທິດ/ຖ້ຽວໄປຫຼືກັບ, ເທົ່າກັບ 53 ຖ້ຽວບິນ/ຖ້ຽວໄປຫຼືກັບ/ວັນ.
ບຸນມີ
