| ມີວິສາຫະກິດ ສ.ເກົາຫຼີ ຫຼາຍແຫ່ງມີຄວາມສົນໃຈມາລົງທຶນຢູ່ ຫາຍເຢືອງ | |
| ຫວຽດນາມ - ສ.ເກົາຫຼີ ເພີ່ມທະວີການຮ່ວມມືອັນເລິກເຊິງໃນຫຼາຍຂົງເຂດ |
ຕາມຂໍ້ມູນຈາກສະຫະພັນປຸງແຕ່ງ ແລະ ສົ່ງອອກການປະມົງຫວຽດນາມ (VASEP), ການສົ່ງອອກປາໝຶກ, ປາໝຶກໜວດຫວຽດນາມ ໄປຍັງເກົາຫຼີ ມີການຟື້ນຟູດີຂຶ້ນໃນງວດ 4/2021 ດ້ວຍມູນຄ່າການສົ່ງອອກບັນລຸ 82,1 ລ້ານ ໂດລາ USD, ເພີ່ມຂຶ້ນ 20% ທຽບໃສ່ໄລຍະດຽວກັນຂອງປີ 2020. ໝົດປີ 2021 ການສົ່ງອອກໄປຍັງແຫຼ່ງຕະຫຼາດນີ້ບັນລຸ 247,9 ລ້ານ USD, ເພີ່ມຂຶ້ນເກືອບ 7% ທຽບກັບປີ 2020.
 |
| ພາບປະກອບ: baocongthuong |
ຕາມການສັງລວມຂອງຂະແໜງການພາສີຫວຽດນາມ, ປາໝຶກໜວດເປັນຜະລິດຕະພັນທີ່ສົ່ງອອກເປັນກຳລັງຫຼັກຂອງຫວຽດນາມ ໄປຍັງແຫຼ່ງຕະຫຼາດນີ້ໃນປີ 2021, ໃນນັ້ນຫຼາຍທີ່ສຸດແມ່ນຜະລິດຕະພັນປາໝຶກໜວດແຊ່ແຂງ ກວມ 78% ມູນຄ່າທັງໝົດຂອງການສົ່ງອອກ. ການທີ່ໄດ້ຮັບບຸລິມະສິດທາງພາສີອາກອນ 0% ໄດ້ຊ່ວຍໃຫ້ຫວຽດນາມເພີ່ມຈຳນວນປາໝຶກໜວດສົດ ແລະ ແຊ່ແຂງ ໄປຍັງແຫຼ່ງຕະຫຼາດເກົາຫຼີ. ກົງກັນຂ້າມ, ການສົ່ງອອກຜະລິດຕະພັນປາໝຶກແຫ້ງ ແລະ ປາໝຶກສົດ/ແຊ່ແຂງ ຫຼຸດລົງເປັນລຳດັບ 23% ແລະ 7%.
ມູນຄ່າການສົ່ງອອກຜະລິດຕະພັນ 2 ກຸ່ມຄື ປາໝຶກໜວດປຸງແຕ່ງ ແລະ ປາໝຶກໜວດແຫ້ງ, ແຊ່ເຄັມ, ສົດ, ແຊ່ແຂງ ເພີ່ມຂຶ້ນເປັນລຳດັບ 3% ຫາ 13%. ການສົ່ງອອອກປາໝຶກປຸງແຕ່ງເພີ່ມຂຶ້ນແຂງທີ່ສຸດ 52%.
ຕາມຕົວເລກສະຖິຕິຂອງ ITC, ຫວຽດນາມຢືນຢູ່ອັນດັບທີສອງທາງດ້ານການສະໜອງປາໝຶກ, ປາໝຶກໜວດໃຫ້ແກ່ເກົາຫຼີ ຖັດຈາກຈີນ. ປາໝຶກໜວດແຊ່ແຂງເປັນຜະລິດຕະພັນທີ່ຖືກນຳເຂົ້າຫຼາຍທີ່ສຸດເຂົ້າເກົາຫຼີ, ກວມ 39% ມູນຄ່າທັງໝົດການນຳເຂົ້າຜະລິດຕະພັນປາໝຶກ, ປາໝຶກໜວດ ເຂົ້າແຫຼ່ງຕະຫຼາດນີ້. ຕາມຕົວເລກສະຖິຕິຂອງ kita.org, ຫວຽດນາມເປັນແຫຼ່ງສະໜອງປາໝຶກໜວດແຊ່ແຂງທີ່ໃຫຍ່ທີ່ສຸດໃຫ້ແກ່ເກົາຫຼີ, ກວມ 43% ສ່ວນແບ່ງຕະຫຼາດ. ຈີນຢືນຢູ່ອັນດັບທີສອງກວມ 41% ສ່ວນແບ່ງຕະຫຼາດ.
ວິລະຊົນ
