ຊຸກຍູ້ການຖ່າຍທອດ, ເປັນເຈົ້າຂອງ ແລະ ພັດທະນາເຕັກໂນໂລຢີຈາກຕ່າງປະເທດເຂົ້າມາ ຫວຽດນາມ

19:07 | 27/01/2022

ຍສໝ -ວັນທີ 26 ມັງກອນ ປີ 2022 ທ່ານຮອງນາຍົກລັດຖະມົນຕີ ຫວູດຶກດາມ ຫາກໍ່ລົງນາມຂໍ້ຕົກລົງເລກທີ 138 ສະບັບປັບປຸງ, ເພີ່ມເຕີມ ບາງມາດຕາຂອງຂໍ້ຕົກລົງເລກທີ 1851 ລົງວັນທີ 27 ທັນວາ ປີ 2018 ຂອງນາຍົກລັດຖະມົນຕີ ກ່ຽວກັບການໃຫ້ສັດຕະຍາບັນແຜນຮ່າງ “ຊຸກຍູ້ການຖ່າຍທອດ, ເປັນເຈົ້າຂອງ ແລະ ພັດທະນາເຕັກໂນໂລຢີຈາກຕ່າງປະເທດເຂົ້າມາຫວຽດນາມ ໃນບັນດາຂະແໜງ, ຂົງເຂດບຸລິມະສິດ ໄລຍະຮອດປີ 2025, ກຳນົດທິດຮອດປີ 2030”.

	ຜ່ານຜ່າຄວາມຫຍຸ້ງຍາກ, ພໍ່ແມ່ປະຊາຊົນຊາວຫວຽດນາມ ອາໄສຢູ່ຕ່າງປະເທດ ມີການປະກອບສ່ວນຫຼາຍຢ່າງໃຫ້ຫແກ່ປະເທດຊາດ
	ສ້າງເງື່ອນໄຂການເຂົ້າເມືອງສຳລັບຊາວຕ່າງປະເທດ, ຊາວຫວຽດນາມ ພ້ອມກັບພີ່ນ້ອງກັບເມືອປະເທດ

ຊຸກຍູ້ການຖ່າຍທອດ, ເປັນເຈົ້າຂອງ ແລະ ພັດທະນາເຕັກໂນໂລຢີຈາກຕ່າງປະເທດເຂົ້າມາ ຫວຽດນາມ

ພາບປະກອບ: baochinhphu.vn

ຕາມນັ້ນແລ້ວ, ກໍເພີ່ມເຕີມບາງເປົ້າໝາຍລະອຽດຂອງແຜນຮ່າງ ແມ່ນຮອດປີ 2025, ພື້ນຖານຂໍ້ມູນເອກະສານເຕັກໂນໂລຢີຕ່າງປະເທດ 4000 ຊຸດໄດ້ລວບລວມ, 400 ເຕັກໂນໂລຢີ ຖ່າຍທອດ, 10 ເຕັກໂນໂລຢີແກ້ລະຫັດ, ເປັນເຈົ້າຂອງ, 4000 ພະນັກງານ, ນັກເຕັກນິກ, ນັກຄຸ້ມຄອງເຕັກໂນໂລຢີ, ແກ້ລະຫັດເປັນເຈົ້າເຕັກໂນໂລຢີ, ຕີລາຄາເຕັກໂນໂລຢີ, ຖ່າຍທອດເຕັກໂນໂລຢີຜ່ານຮູບແບບທາງໄກ ແລະ ໂດຍກົງ, ສ້າງເຄືອຂ່າຍ 200 ຄູ່ຮ່ວມມືເຕັກໂນໂລຢີສາກົນ, ຈຳນວນໂຄງການ FDI ທີ່ມີການຖ່າຍທອດເຕັກໂນໂລຢີໃຫ້ແກ່ວິສາຫະກິດ ພາຍໃນປະເທດເພີ່ມຂຶ້ນ 10%/ປີ, 30% ຈຳນວນວິສາຫະກິດຜະລິດຜະລິດຕະພັນ ເປັນຫຼັກແຫຼ່ງໃນບັນດາຂະແໜງບຸລິມະສິດທີ່ມີການລົງທຶນພື້ນຖານໂຄງລ່າງຄົ້ນຄ້ວາການພັດທະນາຮັບໃຊ້ໃຫ້ແກ່ການຖ່າຍທອດ, ຮັບຮູ້ເຕັກໂນໂລຢີ.

ກ່ຽວກັບໜ້າທີ່ ແລະ ວິທີການປະຕິບັດແຜນຮ່າງ, ຂໍ້ຕົກລົງກໍ່ປັບປຸງເນື້ອໃນກ່ຽວກັບການຍົກສູງຄຸນນະພາບແຫຼ່ງບຸກຄະລາກອນ. ລະອຽດແມ່ນ, ໜູນຊ່ວຍຍົກສູງກຳລັງຄວາມສາມາດຖັນແຖວພະນັກງານຄຸ້ມຄອງ, ນັກເຕັກນິກ, ພະນັກງານຄົ້ນຄ້ວາ, ພະນັກງານເຕັກນິກໃຫ້ແກ່ບັນດາວິສາຫະກິດ, ອົງການວິທະຍາສາດ ແລະ ເຕັກໂນໂລຢີຜ່ານການບຳລຸງສ້າງວິຊາສະເພາະຢູ່ຕ່າງປະເທດ ຫຼືເຊື້ອເຊີນນັກຊ່ຽວຊານຕ່າງປະເທດມາເຮັດວຽກ ແລະ ບຳລຸງສ້າງຢູ່ ຫວຽດນາມ.

ໜູນຊ່ວຍບຳລຸງສ້າງ, ຍົກສູງລະດັບວິຊາການ, ຄວາມຮູ້ ແລະ ທັກສະກ່ຽວກັບການຊອກຫາ, ເຈລະຈາ, ຕີລາຄາ, ປະເມີນຜົນ, ຖ່າຍທອດ, ຮັບຮູ້ເຕັກໂນໂລຢີຂອງວິສາຫະກິດ, ອົງການຈັດຕັ້ງເປັນກາງຂອງຕະຫຼາດວິທະຍາສາດ ແລະ ເຕັກໂນໂລຢີຕອບສະໜອງຄວາມຕ້ອງການຂອງວິສາຫະກິດ.

ວິທີການແກ້ໄຂກ່ຽວກັບການຜັນຂະຫຍາຍໜູນຊ່ວຍອົງການຈັດຕັ້ງ, ວິສາຫະກິດຖ່າຍທອດ, ເປັນເຈົ້າຂອງ ແລະ ພັດທະນາເຕັກໂນໂລຢີຕ່າງປະເທດເຂົ້າມາ ຫວຽດນາມ ກໍ່ໄດ້ຮັບການປັບປຸງ. ຕາມນັ້ນແລ້ວ, ໜູນຊ່ວຍບັນດາອົງການຈັດຕັ້ງ, ວິສາຫະກິດ: ຄົ້ນຄ້ວາ, ບຳລຸງສ້າງ, ຊອກຫາ, ໄຈ້ແຍກ, ຕີລາຄາ, ປະເມີນຜົນ, ແກ້ລະຫັດ, ຖ່າຍທອດເຕັກໂນໂລຢີ, ຄ່າເຊົ່ານັກຊ່ຽວຊານເຕັກໂນໂລຢີຊາວຫວຽດນາມ ອາໄສຢູ່ຕ່າງປະເທດ ແລະ ນັກຊ່ຽວຊານເຕັກໂນໂລຢີຕ່າງປະເທດໃນການເຊື່ອມຕໍ່, ຊອກຫາ, ໃຫ້ຄຳປຶກສາໃນການຖ່າຍທອດເຕັກໂນໂລຢີ.

ໜູນຊ່ວຍອົງການຈັດຕັ້ງ, ວິສາຫະຫິດປະຕິບັດໂຄງການຖ່າຍທອດ, ແກ້ລະຫັດ, ເປັນເຈົ້າຂອງ ແລະ ພັດທະນາເຕັກໂນໂລຢີຈາກຕ່າງປະເທດເຂົ້າມາຫວຽດນາມ, ໜູນຊ່ວຍອົງການຈັດຕັ້ງ, ວິສາຫະກິດຄົ້ນຫາ, ຂຸດຄົ້ນຊັບພະຍາກອນພູມປັນຍາ, ໃຫ້ຄຳປຶກສາກ່ຽວກັບຊັບສິນທາງປັນຍາ, ປະຕິບັດບັນດາລະບຽບການກ່ຽວກັບມາດຕະຖານ, ມາດຕະຖານເຕັກນິກ, ການວັດແທກ, ຄຸນນະພາບ.

ບຸນຄົງ