| ສ້າງເງື່ອນໄຂໃຫ້ຊາວຕ່າງປະເທດ ແລະ ຊາວ ຫວຽດນາມ ພ້ອມດ້ວຍຍາດພີ່ນ້ອງກັບຄືນປະເທດ | |
| ຕ້ອນຮັບບຸນເຕັດໄກຄອບຄົວຂອງນັກສຶກສາຫວຽດນາມ ຮຽນຢູ່ຕ່າງປະເທດ |
 |
| ພາບປະກອບ: TTXVN |
ທ່ານຮອງນາຍົກລັດຖະມົນຕີຜູ້ປະຈຳການລັດຖະບານ ຟ້າມບິງມິງ ຫາກໍ່ມີເອກະສານຕົກລົງແຜນນະໂຍບາຍສ້າງຄວາມສະດວກກ່ຽວກັບການປະຕິບັດລະບຽບການເຂົ້າເມືອງສຳລັບຊາວຕ່າງປະເທດ, ຊາວຫວຽດນາມ ອາໄສຢູ່ຕ່າງປະເທດ ພ້ອມກັບພໍ່ແມ່ພີ່ນ້ອງກັບເມືອງປະເທດ.
ເອກະສານໄດ້ຊີ້ແຈ້ງວ່າ, ເປົ້າໝາຍຊາວຕ່າງປະເທດ ແມ່ນຊາວຕ່າງປະເທດ ໂດຍມີອົງການ, ອົງການຈັດຕັ້ງ, ສ່ວນບຸກຄົນເຊື້ອຊີນ, ຄ້ຳປະກັນຕາມຂໍ້ກຳນົດຂອງ ກົດໝາຍເຂົ້າ - ອອກເມືອງ, ຜ່ານດ່ານ, ການພັກອາໄສຂອງຊາວຕ່າງປະເທດ ຢູ່ ຫວຽດນາມ, ໂດຍສະເພາະສຳລັບຊາວຕ່າງປະເທດ ເຂົ້າມາທ່ອງທ່ຽວ, ໃນສະເພາະໜ້າ ແມ່ນ ສືບຕໍ່ປະຕິບັດໂຄງການທົດລອງຕ້ອນຮັບແຂກທ່ອງທ່ຽວສາກົນ.
ສຳລັບຊາວຕ່າງປະເທດ, ຊາວຫວຽດນາມ ອາໄສຢູ່ຕ່າງປະເທດ ພ້ອມກັບພໍ່ແມ່ປະຊາຊົນ ທີ່ມີໜັງສືຜ່ານແດນທີ່ຖືກຕ້ອງຕາມກົດໝາຍ ໄດ້ເຂົ້າເມືອງ ຫວຽດນາມ ຕາມຂໍ້ກຳນົດຂອງກົດໝາຍເຂົ້າອອກເມືອງ, ຜ່ານດ່ານ, ການພັກອາໄສຂອງຊາວຕ່າງປະເທດປະຈຳ ຫວຽດນາມ ແລະ ມະຕິຂອງ ລັດຖະບານດີຈີຕອນ ເຊິ່ງບໍ່ຕ້ອງປະຕິບັດລະບຽບການກວດກາບຸກຄະລາກອນ, ອອກວິຊາ/ໜັງສືຍົກເວັ້ນວິຊາ, ບໍ່ຕ້ອງຂໍອະນຸຍາດ ແຜນນະໂຍບາຍເຂົ້າເມືອງຂອງກະຊວງ, ຂະແໜງການ, ທ້ອງຖິ່ນ.
ສຳລັບຊາວຕ່າງປະເທດທີ່ຍັງບໍ່ມີວິຊາ: ຄະນະກຳມະການປະຊາຊົນຂັ້ນແຂວງ ສືບຕໍ່ພິຈາລະນາຮັບຮອງເອົາສ້າງເງື່ອນໄຂສະດວກໃຫ້ແກ່ບັນດາກໍລະນີເຂົ້າເມືອງ ເພື່ອເຮັດວຽກ, ເຂົ້າຮ່ວມກອງປະຊຸມ, ຮ່ຳຮຽນ, ປະຕິບັດການໜູນຊ່ວຍມະນຸດສະທຳ... ໃນບໍລິເວນແຂວງ, ບັນດາກະຊວງ, ຂະແໜງການ, ອົງການຂຶ້ນກັບສູນກາງ ເປັນເຈົ້າການຕັດສິນການເຊື້ອເຊີນ, ຕ້ອນຮັບ ແລະ ຮັບຜິດຊອບຄຸ້ມຄອງຊາວຕ່າງປະເທດ ທີ່ເຮັດວຽກຢູ່ອົງການຂອງຕົນ.
ບຸນຄົງ
