| ລະດູບານໃໝ່ບ້ານເກີດເມືອງນອນ 2022 ແຫ່ງຄວາມອົບອຸ່ນ ແລະ ສາຍຈິດມິດໃຈ ຢູ່ ໂປໂລຍ | |
| ລາຍການ “ບຸນເຕັດຢູ່ເຂດຊາຍແດນ - ອຸ່ນໃຈປະຊາຊົນ” ຢູ່ແຂວງກວ໋າງນາມ |
 |
| ມອບຂອງຂວັນໃຫ້ແກ່ປະຊາຊົນຢູ່ເຂດຊາຍແດນ (ພາບ: TTXVN) |
ໃນຂອບເຂດລາຍການ, ຄະນະຈັດຕັ້ງ ໄດ້ມອບຂອງຂວັນບຸນເຕັດ 80 ພູດ, ແຕ່ລະພູດມີເຂົ້າສານ 25 ກີໂລກຼາມ ແລະ ເຄື່ອງຂອງທີ່ຈຳເປັນໃຫ້ແກ່ຜູ້ທຸກຍາກປະສົບກັບຄວາມຫຍຸ້ງຍາກໃນບໍລິເວນເຂດຊາຍແດນທະເລ ເມືອງເຈິ່ນເດ. ໄປຄຽງຄູ່ກັນນັ້ນ, ປ້ອມປ້ອງກັນຊາຍແດນ ຈຸງບິ່ງ ກໍ່ໄດ້ມອບທຶນການສຶກສາ 20 ທຶນໃຫ້ແກ່ບັນດານ້ອງໆນັກຮຽນທີ່ຮຽນເກັ່ງຜ່ານຜ່າຄວາມຫຍຸ້ງຍາກ ໃນລາຍການ “ຊ່ວຍເຫຼືອນ້ອງນ້ອຍໄປໂຮງຮຽນ”.
ລາຍການ “ລະດູບານໃໝ່ເຂດຊາຍແດນແຫ່ງຄວາມອົບອຸ່ນຂອງປະຊາຊົນບ້ານ” ໃນໂອກາດບຸນເຕັດປີຂານ 2022 ໄດ້ນຳມາເຊິ່ງລະດູບານໃໝ່ທີ່ເບີກບານມ່ວນຊື່ນໃຫ້ແກ່ປະຊາຊົນຢູ່ເຂດຊາຍແດນທະເລ ເມືອງເຈິ່ນເດ. ນີ້ແມ່ນໂອກາດເພື່ອໃຫ້ພະນັກງານ, ນັກຮົບປ້ອມປ້ອງກັນຊາຍແດນແຂວງຊອກຈັງ ແບ່ງປັນສ່ວນໜຶ່ງຄວາມຫຍຸ້ງຍາກກັບຄອບຄົວທຸກຍາກ, ນຳມາເຊິ່ງບຸນເຕັດທີ່ເບີກບານມ່ວນຊື່ນ, ປິຕິຊົມຊື່ນ, ອີ່ມໜຳສຳລານ ແລະ ຄົບຖ້ວນກ່ວາ ໃຫ້ແກ່ປະຊາຊົນເມືອງເຈິ່ນເດ.
ພ້ອມກັນນັ້ນ, ຜ່ານລາຍການກໍໄດ້ເພີ່ມທະວີຈິດໃຈມະຫາສາມັກຄີ, ຮັດແໜ້ນນ້ຳໃຈທະຫານປະຊາຊົນທີ່ສະໜິດຕິດພັນ. ຈາກນັ້ນ, ປະກອບສ່ວນສ້າງພື້ນຖານທະຫານຊາຍແດນທົ່ວປວງຊົນຢ່າງໝັ້ນແກ່ນ, ຮັກສາອະທິປະໄຕຜືນແຜ່ນດິນອັນຄົບຖ້ວນ, ເຂດຊາຍແດນແຫ່ງຊາດ, ຄວາມໝັ້ນຄົງດ້ານການເມືອງ ແລະ ຄວາມເປັນລະບຽບຮຽບຮ້ອຍທາງສັງຄົມ.
ບຸນຄົງ
