ການບໍລິໂພກຂອງສະຫວັນນະເຂດ ກຳລັງຈະເລີນເຕີບໂຕຂື້ນເລື້ອຍໆ

ພາບປະກອບ.

ຮ້ານສະກາຍຊຸບເປີ້ມາເກັດ ສາຂາ 3 ໄດ້ເປີດໃຫ້ບໍລິການແກ່ລູກຄ້າຢ່າງເປັນທາງການ ທີ່ສູນການຄ້າສະຫວັນ-ໄອເຕັກ ຊັ້ນ 1 ໃນວັນທີ 12 ກໍລະກົດ 2019ນີ້ ພ້ອມສິນຄ້າຄຸນະພາບ ທີ່ຫຼາກຫຼາຍ ທັງລາຄາຖືກ ໄວ້ໃຫ້ລູກຄ້າ ກໍ່ຄືພໍ່ແມ່ປະຊາຊົນຊາວແຂວງສະຫວັນນະເຂດ ໄດ້ເລືອກຊື້ເລືອກຫາຢ່າງຫຼວງຫຼາຍ. ໂດຍການເປັນກຽດເຂົ້າຮ່ວມໃນງານຄັ້ງນີ້ຂອງ ທ່ານ ຄຳພູນ ຕຸໄພທູນ ຮອງເຈົ້າ ແຂວງສະຫວັນນະເຂດ, ທ່ານ ສີທົນ ນັນທະລາດ ຫົວໜ້າພະແນກອຸດສາຫະກຳ ແລະ ການຄ້າແຂວງ, ມີທ່ານຮອງເຈົ້ານະຄອນໄກສອນ ພົມວິຫານ, ທ່ານປະທານບໍລິສັດລາວເວີນມະຫາຊົນ ພ້ອມດ້ວຍບັນດາແຂກ ທີ່ຖືກເຊີນທັງພາຍໃນ ແລະ ຕ່າງປະເທດ ແລະ ພາກສ່ວນຕ່າງໆ ທີ່ກ່ຽວຂ້ອງເຂົ້າຮ່ວມຢ່າງຫຼວງຫຼາຍ.

ການນຳສະຫວັນນະເຂດ ຢ້ຽມຊົມຮ້ານສັບພະສິນຄ້າ.

ໂອກາດນີ້, ທ່ານນາງ ຫຼ້າພາວັນ ອິນເມືອງໄຊ ຜູ້ອຳນວຍການບໍລິສັດທ້ອງຟ້າຈຳກັດ ຜູ້ດຽວ ຫຼືຮ້ານສະກາຍຊຸບເປີ້ ມາເກັດ ກໍ່ໄດ້ນຳສະເໜີໃຫ້ຮູ້ ປະຫວັດຄວາມເປັນມາຂອງ ຮ້ານ ຊຶ່ງໃຫ້ຮູ້ວ່າ: ຮ້ານສະກາຍຊຸບເປີ້ມາເກັດໄດ້ສ້າງຕັ້ງຂຶ້ນ ໃນປີ 2015 ທີ່ສູນການຄ້າ ລາວ-ໄອເຕັກຕຶກໄອເຕັກມໍ ແລະໄດ້ເປີດໃຫ້ບໍລິການໃນວັນ ທີ 30 ພຶດສະພາ 2015 ເປັນ ຊຸບເປີ້ມາເກັດຂະໜາດໃຫຍ່ ໃນນະຄອນຫຼວງວຽງຈັນ, ຕໍ່ມາ ໄດ້ເປີດສາຂາທີ 2 ຢູ່ຫ້າງເອັມ ຈະເລີນການຄ້າ ແລະສາຂາທີ 3 ແມ່ນຕັ້ງຢູ່ສູນການຄ້າສະ ຫວັນ-ໄອເຕັກ, ຊຶ່ງຮ້ານສະ ກາຍຊຸບເປີ້ມາເກັດຂອງພວກ ເຮົາເປັນຮ້ານຄ້າຂາຍຍ່ອຍ ທີ່ທັນສະໄໝມີສິນຄ້າທີ່ຫຼາກ ຫຼາຍປະເພດມີທັງເຄື່ອງອຸປະ ໂພກ-ບໍລິໂພກ, ອາຫານແຊ່ ແຂງ, ເຂົ້າ, ຜັກ, ໝາກໄມ້, ເຄື່ອງ ສຳອາງ, ເຄື່ອງດື່ມ, ເຄື່ອງໃຊ້ ໃນຄົວເຮືອນ ແລະສິນຄ້າອື່ນໆ ເຊິ່ງສິນຄ້າສ່ວນໃຫຍ່ແມ່ນນຳ ເຂົ້າຈາກປະເທດໄທກວມ ເຖິງ 65%, ສ່ວນອີກ 45% ແມ່ນ ເປັນສິນຄ້າທີ່ຜະລິດໃນລາວ ແລະນຳເຂົ້າຈາກປະເທດ ຫວຽດນາມ, ຈີນ ແລະປະເທດ ອ່ື່ນໆ; ໂດຍສິນຄ້າທີ່ນຳເຂົ້າ ມາວາງຂາຍລ້ວນແລ້ວແຕ່ ຜ່ານການຄັດເລືອກມາຢ່າງ ດີເຊັ່ນ: ສະຫຼາກພາສາລາວ, ອຢ, ອາຍຸການໃຊ້ງານ, ແພັກ ເກັດການຫຸ້ມຫໍ່ທີ່ໄດ້ມາດຕະ ຖານສວຍງາມ ແລະຜ່ານການ ນຳເຂົ້າຢ່າງຖືກຕ້ອງຕາມ ລະບຽບກົດໝາຍຂອງປະເທດ ລາວວາງອອກທຸກປະການ ແລະເພື່ອເຮັດໃຫ້ລູກຄ້າທຸກ ທ່ານທີ່ຊົມໃຊ້ສິນຄ້າໃນຮ້ານ ຂອງພວກເຮົາໄດ້ຮັບຄວາມ ເພິ່ງພໍໃຈໃນລາຄາທີ່ເປັນກັນ ເອງ ກໍ່ຄືລາຄາທີ່ບໍ່ແພງ, ສິນຄ້າ ທັງໝົດພາຍໃນຮ້ານຄິດໄລ່ ເປັນອັດຕາເງິນກີບທັງໝົດ ທັງນີ້ກໍ່ເພື່ອເປັນການຫຼຸດຜ່ອນອັດຕາເງິນເຟີ້ນຳອີກດ້ວຍ ນອກນີ້, ຮ້ານສະກາຍຊຸບເປີ້ມາເກັດ ຍັງມີບ່ອນຫຼິ້ນສຳລັບເດັກນ້ອຍ ທີ່ສາມາດເສີມສ້າງຈິນຕະນາ ການນຳອີກ.

ຈາກນັ້ນ, ຄະນະປະທານ ແລະແຂກທີ່ມີກຽດກໍ່ໄດ້ຮ່ວມ ກັນຕັດແຖບຜ້າ ເພື່ອເປີດໃຫ້ບໍ ລິການຮ້ານສະກາຍຊຸບເປີ້ມາ ເກັດຢ່າງເປັນທາງຫຼັງຈາກ ນັ້ນ, ຈິ່ງໄດ້ມີການເລາະຊົມ ແລະຊື້ສິນຄ້າພາຍໃນຮ້ານດັ່ງ ກ່າວ.

（ແຫຼ່ງ​ຂໍ້​ມູນ​： ສະຫວັນພັດທະນາ ຂ່າວ）