| ຫວຽດນາມ ແລະ ສະພາຄວາມໝັ້ນຄົງ ສປຊ: ເສີມຂະຫຍາຍຈິດໃຈຂອງລັດທິຫຼາຍຝ່າຍ | |
| ເຂັ້ມຂົ້ນໄປດ້ວຍສີສັນຂອງຊຸດເສື້ອຍາວ ຫວຽດນາມໃນລາຍການສີສັນລະດູບານໃໝ່ 2022 |
 |
| ທ່ານລັດຖະມົນຕີ ກະຊວງການຕ່າງປະເທດ ບຸຍແທັງເຊີນ ກ່າວຄຳເຫັນທີ່ການຖະແຫຼງຂ່າວ (ພາບ: laodong.vn) |
ຕອບສະໜອງໄດ້ຄວາມມຸ່ງຫວັງຂອງ ເພື່ອນມິດສາກົນ
“ສອງປີແມ່ນໄລຍະທີ່ປະສົບກັບຄວາມຫຍຸ້ງຍາກທີ່ສຸດສຳລັບ ໂລກ ເວົ້າລວມ ແລະ ສະພາຄວາມໝັ້ນຄົງ ສປຊ ເວົ້າສະເພາະ ຍ້ອນວ່າ ການຫັນປ່ຽນຢ່າງສັບສົນ, ຍາກທີ່ຈະຄາດຄະເນລ່ວງໜ້າໄດ້, ແບບບໍ່ເຄີຍມີມາກ່ອນ ຂອງສະພາບການໂລກ” - ທ່ານລັດຖະມົນຕີ ບຸຍແທັງເຊີນ ໃຫ້ຂໍ້ສັງເກດ ເມື່ອເປັນປະທານການຖະແຫຼງຂ່າວສາກົນ ກ່ຽວກັບເລື່ອງ ຫວຽດນາມ ປະຕິບັດສຳເລັດອາຍຸການກຳມະການບໍ່ຖາວອນຂອງສະພາຄວາມໝັ້ນຄົງ ສປຊ (2020 - 2021).
ໃນສະພາບການນັ້ນ, ສະພາຄວາມໝັ້ນຄົງໄດ້ດັດປັບຢ່າງວ່ອງໄວ, ຮັກສາການເຄື່ອນໄຫວເປັນຢ່າງດີ, ເສີມຂະຫຍາຍບົດບາດຂອງກົນໄກສຳຄັນທີ່ສຸດ ແລະ ບໍ່ສາມາດປ່ຽນແທນໄດ້ໃນການຮັກສາສັນຕິພາບ ແລະ ຄວາມໝັ້ນຄົງ. ໃນ 2 ປີມານີ້, ສະພາຄວາມໝັ້ນຄົງໄດ້ມີການພົບປະຫຼາຍກວ່າ 840 ຄັ້ງຢູ່ຂັ້ນເອກອັກຄະລັດຖະທູດຂຶ້ນໄປ ແລະ ໄດ້ປຶກສາຫາລືຫຼາຍພັນຄັ້ງໃນທຸກຂັ້ນ; ໄດ້ອະນຸມັດເອກະສານ 254 ສະບັບໃນຮູບແບບຕ່າງໆ. ສະພາຄວາມໝັ້ນຄົງຍັງເພີ່ມທະວີການສວຍໃຊ້ບົດບາດຂອງອົງການຈັດຕັ້ງພາກພື້ນ, ໃນນັ້ນມີສະຫະພາບເອີຣົບ ແລະ ສະຫະພາບອາຟຼິກາ, ໂດຍສະເພາະແມ່ນອາຊຽນ.
“ຫວຽດນາມຖືເປັນສຳຄັນຄວາມປາຖະໜາຢາກປະກອບສ່ວນສຽງເວົ້າຂອງຕົນເພື່ອຊຸກຍູ້ວຽກງານຂອງສະພາຄວາມໝັ້ນຄົງເວົ້າລວມ ແລະ ເພື່ອຜົນປະໂຫຍດລວມຂອງບັນດາປະເທດສະມາຊິກສະຫະປະຊາຊາດ, ພ້ອມກັນນັ້ນກໍປະກອບສ່ວນຮັກສາສັນຕິພາບ ແລະຄວາມໝັ້ນຄົງ. ຍ້ອນວ່າ 192/193 ປະເທດສະມາຊິກສະຫະປະຊາຊາດສະໜັບສະໜູນການເລືອກຕັ້ງຫວຽດນາມເປັນສະມາຊິກບໍ່ຖາວອນ, ແນ່ນອນວ່າພວກເຮົາປະກອບສ່ວນເພື່ອຕອບສະໜອງຄວາມຕັ້ງຫວັງຂອງບັນດາທ່ານ”. ທ່ານລັດຖະມົນຕີກະຊວງການຕ່າງປະເທດ ຫວຽດນາມ ບຸຍແທັງເຊີນ ເນັ້ນໜັກ.
ທ່ານລັດຖະມົນຕີ ບຸຍແທັງເຊີນ ໄດ້ແຈ້ງໃຫ້ຮູ້ເຖິງ 10 ຂີດໝາຍຂອງຫວຽດນາມ ໃນໄລຍະ 2 ປີຢູ່ສະພາຄວາມໝັ້ນຄົງ, ໃນນັ້ນສິ່ງທີ່ທ່ານຮູ້ສຶກດີໃຈທີ່ສຸດໃນອະນຸການແມ່ນ: “ພວກຂ້າພະເຈົ້າໄດ້ສະແດງໃຫ້ເຫັນຢ່າງຈະແຈ້ງສີສັນສະເພາະຂອງ ຫວຽດນາມ ເມື່ອເຂົ້າຮ່ວມວຽກງານສະພາຄວາມໝັ້ນຄົງ. ນີ້ແມ່ນສະຖານທີ່ລະຫຼິ້ນສາກົນທີ່ມີຄວາມໝາຍສຳຄັນທີ່ສຸດ, ເປັນປັດໄຈກຳນົດໃຫ້ຫວຽດນາມ. ສີສັນນັ້ນໄດ້ສ້າງຄຸນຄ່າ, ອົດທິພົນຊື່ສຽງອັນຍາວນານໃຫ້ແກ່ຫວຽດນາມ ໃນການແກ້ໄຂບັນຫາທົ່ວໂລກ”.
ມຸ່ງໄປເຖິງຈຸດທີ່ບໍ່ລົງລອຍກັນທີ່ສຸດ
ກໍ່ຕາມທ່ານລັດຖະມົນຕີ ບຸຍແທັງເຊີນ ແລ້ວ, ສີສັນສະເພາະຂອງ ຫວຽດນາມ ຢູ່ສະພາຄວາມໝັ້ນຄົງ ສປຊ ອາດຈະສະຫຼຸບໃນສານ ເຊິ່ງ ຫວຽດນາມ ຍົກອອກມານັບແຕ່ຫົວທີ່ແມ່ນ: ຄູ່ຮ່ວມມືເພື່ອສັນຕິພາບແບບຍືນຍົງ.
ໃນນັ້ນ, ຫວຽດນາມ ໄດ້ສະແດງໃຫ້ເຫັນເຖິງປະເທດທີ່ມີຄວາມຂະຫຍັນຂັນເຄື່ອນ, ມີນ້ຳໃຈສາມັກຄີ, ມີມະນຸດສະທຳ, ຮັກຫອມສັນຕິພາບ, ພ້ອມແລ້ວທີ່ຈະປະກອບສ່ວນເຂົ້າໃນສັນຕິພາບ, ຄວາມໝັ້ນຄົງ ແລະ ຄວາມຈະເລີນຮຸ່ງເຮືອງຂອງໂລກ. ຫວຽດນາມ ຖືເປັນເອກະພາບ ແລະ ຮອບດ້ານໃນການແກ້ໄຂບັນດາສິ່ງທ້າທາຍດ້ານສັນຕິພາບ ແລະ ຄວາມໝັ້ນຄົງ ເພື່ອສັນຕິພາບແບບຍືນຍົງໃນໄລຍະຍາວ. ວິທີແກ້ໄຂທີ່ຫວຽດນາມ ສະໜັບສະໜູນ ແລະ ຊຸກຍູ້ແມ່ນອີງໃສ່ກົດໝາຍສາກົນ, ເອົາປະຊາຊົນ ແລະ ການຮັບປະກັນຊີວິດການເປັນຢູ່ເປັນໃຈກາງ, ຖືປະຊາຊົນເປັນໃຈກາງ, ເອົາໃຈໃສ່ໃນທຸກຂະບວນການສັນຕິພາບ, ນັບແຕ່ການປ້ອງກັນຄວາມສະຫງົບ ເຖິງການແກ້ໄຂຂໍ້ຂັດແຍ່ງ ຕະຫຼອດເຖິງການຟື້ນຟູຂໍ້ຂັດແຍ່ງ ແລະ ແກ້ໄຂກົກຮາກຂອງຄວາມຂັດແຍ່ງ.
ກ່ຽວກັບວິທີການປະຕິບັດ, ສີສັນສະເພາະຂອງ ຫວຽດນາມສະແດງໃຫ້ເຫັນວ່າ ຍາມໃດກໍ່ແນໃສ່ຊຸກຍູ້ຄວາມເຫັນດີເຫັນພ້ອມລວມ, ຊຸກຍູ້ການຮ່ວມມື, ສົນທະນາ, ຫຼຸດຜ່ອນຄວາມເຄັ່ງຕຶງ ແລະ ການສູ້ຢັນກັນ. ຫວຽດນາມ ໄດ້ເຂົ້າຮ່ວມການປຶກສາຫາລືກ່ຽວກັບທຸກບັນຫາໃນວາລະຂອງສະພາຄວາມໝັ້ນຄົງຢ່າງຕັ້ງໜ້າ ແລະ ມີລັກສະນະສ້າງສັນ, ສຸມໃສ່ຊີ້ນຳບັນດາຈຸດໝາຍຂອງປະເທດທີ່ກ່ຽວຂ້ອງໂດຍກົງ.
ໃນບົດບາດບໍລິຫານເປັນປະທານສະພາຄວາມໝັ້ນຄົງ ຫລື ປະທານບັນດາກົນໄກທີ່ກ່ຽວຂ້ອງ, ຫວຽດນາມ ຍາມໃດກໍ່ຮັບຟັງ, ຊອກຫາຈຸດພື້ນຖານ, ແກ້ໄຂຄວາມຫຍຸ້ງຍາກຂອງບັນດາປະເທດທີ່ກ່ຽວຂ້ອງ, ເພື່ອສ້າງເອກະລັກສະເພາະໃນການເຂົ້າຮ່ວມຂະບວນການ. ທ່ານລັດຖະມົນຕີ ບຸຍແທັງເຊີນ ໃຫ້ຮູ້ວ່າ: “ວິທີການ ແລະ ວິທີແກ້ໄຂຂອງຫວຽດນາມ ແມ່ນສອດຄ່ອງ, ສະເໝີຕົ້ນສະເໝີປາຍ, ຍາມໃດກໍເລີ່ມຈາກຜົນປະໂຫຍດລວມ, ບົນພື້ນຖານການປະຕິບັດບັນດາຫຼັກການພື້ນຖານຂອງກົດໝາຍສາກົນ, ກົດບັດສະຫະປະຊາຊາດ…
ທ່ານໃຫ້ຮູ້ວ່າ ຫວຽດນາມ ຍາມໃດກໍ່ມານະພະຍາຍາມຊຸກຍູ້ການເຈລະຈາລະຫວ່າງບັນດາຝ່າຍ “ເພື່ອຮັດແຄບຊ່ອງຫວ່າງ, ມຸ່ງໄປສູ່ບັນດາຄວາມຄ້າຍຄືກັນທີ່ນ້ອຍທີ່ສຸດ”. ໃນສະພາບການປະສົບກັບຄວາມຫຍຸ້ງຍາກເຖິງວ່ານ້ອຍທີ່ສຸດ, ກໍ່ຕ້ອງຊຸກຍູ້ເພື່ອສະເໜີແກ້ໄຂບັນຫາທີ່ຖືກຕ້ອງຕາມກົດໝາຍຂອງບັນດາພາກສ່ວນທີ່ກ່ຽວຂ້ອງ ແລະ ຄວາມສົນໃຈລວມຂອງປະຊາຄົມໂລກ, ມານະພະຍາຍາມຊຸກຍູ້ຄວາມເຫັນດີເຫັນພ້ອມລວມ.
ຕົວຢ່າງເຊັ່ນ: ເມື່ອສະພາຄວາມໝັ້ນຄົງປຶກສາຫາລືກ່ຽວກັບສະຖານະການມຽນມາ, ຫວຽດນາມ ຍາມໃດກໍ່ເນັ້ນໜັກເຖິງຄວາມຈຳເປັນຕ້ອງເຄົາລົບເອກະລາດ ແລະ ອະທິປະໄຕຂອງມຽນມາ, ຢຸດຕິບັນດາການກະທຳທີ່ນຳໃຊ້ອາວຸດ ແລະ ປົກປ້ອງປະຊາຊົນ, ເພື່ອຜົນປະໂຫຍດລວມຂອງປະຊາຊົນມຽນມາ. ພ້ອມກັນນັ້ນ, ຫວຽດນາມ ກໍພະຍາຍາມເປັນຂົວຕໍ່ຊຸກຍູ້ການພົບປະແລກປ່ຽນລະຫວ່າງສະພາຄວາມໝັ້ນຄົງ ແລະ ອາຊຽນ ແລະ ສ້າງເງື່ອນໄຂໃຫ້ສະພາຄວາມໝັ້ນຄົງ ເຂົ້າໃຈສະພາບການ, ທັດສະນະ ແລະ ຄວາມມານະພະຍາຍາມຂອງບັນດາປະເທດໃນພາກພື້ນ, ປະກອບສ່ວນກໍ່ສ້າງປະຊາຄົມທີ່ມີຄວາມເຫັນດີລວມ...
ບຸນຄົງ
