| ສັກວັກຊີນປ້ອງກັນພະຍາດໂຄວິດ -19 ໃຫ້ກັບແຮງງານຫວຽດນາມ 200 ຄົນຢູ່ມາເລເຊຍ | |
| ວິສາຫະກິດຫວຽດນາມຢູ່ຕ່າງປະເທດ Steve Bui & Friends ໄດ້ປະກອບສ່ວນເຂົ້າ ໃນກອງທຶນສັກວັກຊີນຕ້ານ COVID-19 |
ຢູ່ເມືອງ ດົງດາ (ຮ່າໂນ້ຍ), ມີ 1.000 ກວ່າຄົນຢູ່ໃນກຸ່ມທີ່ມີຄວາມສ່ຽງສູງ, ຕົ້ນຕໍແມ່ນຜູ້ເຖົ້າທີ່ເຄື່ອນໄຫວຍາກ ແລະ ເປັນອຳມະພາດ. ສະນັ້ນ, ແຕ່ວັນທີ 30 ທັນວານີ້, ເມືອງດົງດາ ໄດ້ຈັດຕັ້ງການສັກຢາວັກຊີນຢູ່ບ້ານ ໃຫ້ແກ່ກຸ່ມຄົນຂ້າງເທິງ.
ຢູ່ແຕ່ລະຫົວໜ່ວຍສັກຢາວັກຊີນຢູ່ບ້ານ, ເມືອງດົງດາ ໄດ້ຈັດໃຫ້ແພດໝໍ, ພະຍາບານ, ເຈົ້າໜ້າທີ່ເມືອງ, ທະຫານ ແລະ ຕຳຫຼວດ ເຂົ້າຮ່ວມໜູນຊ່ວຍວຽກງານກ່ອນ ແລະ ຫຼັງການສັກຢາ. ກ່ອນຈະສັກຢາວັກຊີນ, ເມືອງດົງດາ ໄດ້ດຳເນີນການກວດກາເລືອກເອົາເປົ້າໝາຍທີ່ໄດ້ຮັບສັກຢາວັກຊີນ ຕາມການຊີ້ນຳຂອງກະຊວງສາທາລະນະສຸກ.
 |
| ຮ່າໂນ້ຍ ສັກວັກຊີນປ້ອງກັນພະຍາດໂຄວິດ-19 ຢູ່ບ້ານ ໃຫ້ແກ່ຜູ້ເປັນອຳມະພາດ, ຜູ້ສູງອາຍຸ. (ພາບ: TTXVN) |
ຕາມຄະນະກຳມະການປະຊາຊົນເມືອງດົງດາແລ້ວ, ມາຮອດວັນທີ 6 ມັງກອນນີ້, ທົ່ວເມືອງໄດ້ສັກຢາເຂັມທີ 1 ຈຳນວນ 442 ຄົນ, ບັນລຸ 44,7% ຈຳນວນຄົນທີ່ມີສິດໄດ້ຮັບການສັກຢາຢູ່ບ້ານ. ຫົວໜ່ວຍສັກຢາວັກຊີນຢູ່ບ້ານ ຍັງປະຕິບັດການສັກຢາສຳລັບກໍລະນີທີ່ມີເງື່ອນໄຂຄົບຖ້ວນ. ຄາດວ່າ, ເມືອງດົງດາ ຈະສຳເລັດການສັກຢາວັກຊີນເຂັມທຳອິດໃນວັນທີ 9 ມັງກອນ. ນັບຕັ້ງແຕ່ການສັກຢາສໍາລັບກໍລະນີຂ້າງເທິງ, ໂດຍຜ່ານການຕິດຕາມ ແມ່ນບໍ່ມີອາການແຊກຊ້ອນຫຼັງຈາກການສັກຢາທີ່ໄດ້ຖືກບັນທຶກໄວ້.
ຕາມສະຖິຕິ, ຢູ່ ໂກ້ງວິ (ບ່າດິງ) ມີ 63 ຄົນທີ່ຕ້ອງໄດ້ຮັບການສັກຢາວັກຊີນຢູ່ບ້ານ, ໃນນັ້ນຜູ້ອາຍຸສູງສຸດ ເກີດໃນປີ 1921, ຄົນທີ່ອາຍຸນ້ອຍສຸດແມ່ນເກີດໃນປີ 1981. ການສັກຢາປ້ອງກັນແມ່ນເຮັດຢ່າງລະມັດລະວັງ ແລະ ຖືກຕາມຂໍ້ກຳນົດ.
ຄຳຮຸ່ງ
