| ດ້ຽນບຽນ ຈັດຕັ້ງພິທີໄວ້ອາໄລ, ປົງອັດຖິທະຫານອາສາສະໝັກຫວຽດນາມ ທີ່ເສຍສະຫຼະຊີວິດໃນປາງສົງຄາມຢູ່ລາວ | |
| ດ້ຽນບຽນ: ສະໜັບສະໜູນກຳລັງຊາຍແດນ ປະເທດລາວ ໃນການປ້ອງກັນ ແລະ ຄວບຄຸມການລະບາດຂອງພະຍາດ COVID-19 |
 |
| ພາບປະກອບ: nhandan.vn |
ທຶນການສຶກສາ 305 ທຶນ ແລະ ຂອງຂວັນບຸນເຕັດ ດ້ວຍຍອດມູນຄ່າກວ່າ 330 ລ້ານດົ່ງ ໄດ້ມອບໃຫ້ເດັກນ້ອຍ 300 ກວ່າຄົນຢູ່ ດ້ຽນບຽນ. ໃນນັ້ນ, ທຶນການສຶກສາ 150 ທຶນແມ່ນໃຫ້ນັກຮຽນທີ່ປະສົບກັບຄວາມຫຍຸ້ງຍາກຢູ່ເມືອງ ດ້ຽນບຽນ. ທຶນການສຶກສາ 100 ທຶນ (ແຕ່ລະທຶນມີມູນຄ່າ 700.000 ດົ່ງ) ແລະ ຂອງຂວັນມີມູນຄ່າ 300.000 ດົ່ງ ມອບໃຫ້ແກ່ນັກຮຽນທຸກຍາກ ຢູ່ນະຄອນ ດ້ຽນບຽນຝູ.
ນອກຈາກນັ້ນ, ນັກຮຽນ 50 ຄົນທີ່ເປັນລູກຫຼານຂອງພະນັກງານ, ນັກຮົບກອງບັນຊາການທະຫານຊາຍແດນແຂວງ ດ້ຽນບຽນ ຍັງໄດ້ຮັບທຶນການສຶກສາ (ແຕ່ລະທຶນ ມີ ມູນຄ່າ 1 ລ້ານດົ່ງ) ແລະ ຂອງຂວັນມີມູນຄ່າ 300.000 ດົ່ງ; ທຶນການສຶກສາ 5 ທຶນ (ແຕ່ລະທຶນ ມີ ມູນຄ່າ 3 ລ້ານດົ່ງ) ແລະ ຂອງຂວັນມີມູນຄ່າ 300.000 ດົ່ງ ໃຫ້ແກ່ເດັກນ້ອຍທີ່ປະສົບກັບຄວາມຫຍຸ້ງຍາກພິເສດ, ຜູ້ທີ່ມັກຮຽນຂອງ ເມືອງ ດ້ຽນບຽນ ແລະ ນະຄອນ ດ້ຽນບຽນຝູ.
ນີ້ແມ່ນປີທີ 3 ຕິດຕໍ່ກັນທີ່ສະມາຄົມປົກປ້ອງສິດທິເດັກຫວຽດນາມ ໄດ້ຈັດຕັ້ງລາຍການ “ບຸນເຕັດອົບອຸ່ນໃຫ້ເດັກນ້ອຍ” ແລະ ກໍເປັນຄັ້ງທີ 3 ທີ່ໄດ້ຈັດຂຶ້ນຢູ່ແຂວງ ດ້ຽນບຽນ. ຜ່ານໂຄງການ ແມ່ນເພື່ອໜູນຊ່ວຍບັນດານ້ອງນັກຮຽນທີ່ປະສົບກັບຄວາມຫຍຸ້ງຍາກທີ່ສຸດ ແຕ່ມັກຮຽນ ເພື່ອໃຫ້ມີເງື່ອນໄຂໄປໂຮງຮຽນ, ຫຼໍ່ລ້ຽງຄວາມຝັນອະນາຄົດ.
ນັ້ນກໍ່ເປັນການໜູນຊ່ວຍ, ໃຫ້ກໍາລັງໃຈຄອບຄົວຂອງບັນດານ້ອງນ້ອຍເພື່ອໃຫ້ມີເງື່ອນໄຂກະກຽມໃຫ້ແກ່ການຕ້ອນຮັບປີໃໝ່ທີ່ອົບອຸ່ນ, ເບີກບານມ່ວນຊື່ນ, ມີຄວາມຜາສຸກ.
ໄຊພອນ
