| ຊຸກຍູ້ການຮ່ວມມືດ້ານກະສິກຳ ລະຫວ່າງ ຫວຽດນາມ ແລະຣັດເຊຍ | |
| ຊຸກຍູ້ການຮ່ວມມືດ້ານກະສິກຳສອງຝ່າຍ ລະຫວ່າງຫວຽດນາມ ແລະ ແບນຊິກ |
ຕາມກະຊວງກະສິກຳ ແລະ ພັດທະນາຊົນນະບົດແລ້ວ, ໃນປີ 2021, ທົ່ວປະເທດ ຈະມີວິສາຫະກິດສ້າງຕັ້ງໃໝ່ ແລະ ກັບຄືນມາດຳເນີນທຸລະກິດໃນຂົງເຂດກະສິກຳ 1.640 ແຫ່ງ, ເຮັດໃຫ້ວິສາຫະກິດກະສິກຳມີ 14.400 ກວ່າແຫ່ງ.
ກໍາລັງຂອງບັນດາວິສາຫະກິດກະສິກຳ ນັບມື້ນັບເຕີບໃຫຍ່ເຂັ້ມແຂງ ແລະ ມີຄວາມກະຕືລືລົ້ນໃນການລົງທຶນເຂົ້າໃນກະສິກຳ ແລະ ຊົນນະບົດຫຼາຍຂຶ້ນ, ພວມກາຍເປັນຫຼັກແຫຼ່ງໃນລະບົບມູນຄ່າຜະລິດຕະພັນກະເສດ.
 |
| ມີວິສາຫະກິດຕື່ມ 1.600 ກວ່າແຫ່ງ ຈະລົງທຶນເຂົ້າໃນກະສິກຳ. (ພາບ: baonhandan) |
ບາງວິສາຫະກິດ ແລະ ກຸ່ມບໍລິສັດໃຫຍ່ ສືບຕໍ່ຊຸກຍູ້ການລົງທຶນເຂົ້າໃນຂົງເຂດກະສິກຳ, ພິເສດແມ່ນກະສິກຳເຕັກໂນໂລຊີສູງ ເຊັ່ນ Nafoods, TH, Dabaco ຫວຽດນາມ, Masan, Lavifood, Doveco, ການຄ້າ ແລະ ການລົງທຶນທະເລຕາເວັນອອກ. …
ໃນປີ 2021, ທົ່ວປະເທດ ຈະສ້າງຕັ້ງສະຫະກອນກະສິກຳໃໝ່ 1.250 ແຫ່ງ, ເຮັດໃຫ້ຈຳນວນສະຫະກອນກະສິກຳມີຂຶ້ນເຖິງ 19.100 ສະຫະກອນ ແລະ ມີສະຫະກອນປະສົມ 78 ແຫ່ງ; ໃນນັ້ນ, ຫຼາຍກວ່າ 65% ຖືກປະເມີນວ່າດີ ຫຼື ດີເລີດ.
ພິເສດແມ່ນມີ 1.980 ສະຫະກອນກະສິກຳເຕັກໂນໂລຊີສູງ, 4.180 ສະຫະກອນກະສິກຳ ຮ່ວມສຳພັນກັບວິສາຫະກິດຜະລິດ, ປຸງແຕ່ງ ແລະ ບໍລິໂພກຜະລິດຕະພັນກະເສດ. ຄຽງຄູ່ກັບນັ້ນ, ທົ່ວປະເທດ ມີກຸ່ມສະຫະກອນ 30.000 ກວ່າກຸ່ມ ແລະ ຟາມເກືອບ 19.700 ແຫ່ງ.
ມາຮອດປະຈຸບັນ, ທົ່ວປະເທດມີ 12 ເຂດກະສິກຳເຕັກໂນໂລຊີສູງ ທີ່ທ້ອງຖິ່ນໄດ້ຮັບຮູ້; ມີ 51 ວິສາຫະກິດນຳໃຊ້ເຕັກໂນໂລຊີສູງ; ໃນນັ້ນ ມີ 23 ວິສາຫະກິດ ໄດ້ຮັບການຮັບຮອງຈາກກະຊວງກະສິກຳ ແລະ ພັດທະນາຊົນນະບົດ.
ຄຳຮຸ່ງ
