| Samsung ລົງທຶນເຂົ້າໃນການຄົ້ນຄວ້າ ແລະ ພັດທະນາ 5G ຢູ່ ຫວຽດນາມ | |
| ເປັນຄັ້ງທຳອິດ, ຫວຽດນາມນອນໃນ top 20 ປະເທດນຳໜ້າໃນການດຶງດູດ FDI ຫຼາຍທີ່ສຸດໃນໂລກ |
ມາຮອດວັນທີ 20 ທັນວາ, ຍອດຈຳນວນທຶນຈົດທະບຽນໃໝ່, ທຶນດັດປັບ ແລະ ທຶນສົມທົບເພື່ອຊື້ຫຸ້ນສ່ວນຂອງບັນດານັກລົງທຶນຕ່າງປະເທດຢູ່ ຫວຽດນາມ ບັນລຸກ່ວາ 31 ຕື້ USD (31,15 ຕື້ USD), ເພີ່ມຂຶ້ນ 9,2% ເມື່ອທຽບໃສ່ໄລຍະດຽວກັນຂອງປີ 2020… ໃນນັ້ນ, ທັງທຶນຈົດທະບຽນໃໝ່ ແລະ ທຶນດັດປັບລ້ວນແຕ່ເພີ່ມຂຶ້ນ, ມີພຽງແຕ່ທຶນປະກອບສ່ວນຊື້ຫຸ້ນ ຍັງຫຼຸດລົງ ແຕ່ກໍ່ຫຼຸດລົງນ້ອຍກ່ວາ ເມື່ອທຽບໃສ່ເດືອນກ່ອນ.
 |
| ປີ 2021, ການດຶງດູດ FDI ເພີ່ມຂຶ້ນ 9%, ລື່ນກາຍ 31 ຕື້ USD. (ພາບ: TTXVN) |
ລະອຽດ, ມີ 1.738 ໂຄງການໃໝ່ ໄດ້ອອກໃບທະບຽນການລົງທຶນ, ດ້ວຍຍອດຈຳນວນທຶນຈົດທະບຽນກວ່າ 15 ຕື້ USD; 985 ຄັ້ງຂອງໂຄງການໄດ້ຈົດທະບຽນດັດປັບທຶນຮອນ ດ້ວຍຍອດຈຳນວນທຶນຈົດທະບຽນເພີ່ມເຕີມກວ່າ 9 ຕື້ USD.
ມາຮອດຈຸດເວລານີ້, ນັກລົງທຶນຕ່າງປະເທດ ໄດ້ລົງທຶນເຂົ້າໃນ 18 ຂະແໜງການໃນຈຳນວນ 21 ຂະແໜງເສດຖະກິດແຫ່ງຊາດ; ໃນນັ້ນ, ຂະແໜງການປຸງແຕ່ງ ແລະ ຜະລິດ ໄດ້ນຳໜ້າ ດ້ວຍຍອດຈຳນວນທຶນລົງທຶນກວ່າ 18 ຕື້ USD. ມີ 106 ປະເທດ ແລະ ເຂດແຄ້ວນລົງທຶນເຂົ້າຫວຽດນາມ ໃນປີ 2021. ໃນນັ້ນ, ສິງກະໂປ ນຳໜ້າ ດ້ວຍຍອດຈຳນວນເງິນລົງທຶນກວ່າ 10,7 ຕື້ USD; ສ.ເກົາຫຼີ ຢືນອັນດັບທີ 2 ດ້ວຍຍອດຈຳນວນເງິນລົງທຶນເກືອບ 5 ຕື້ USD ແລະ ຍີ່ປຸ່ນ ຢືນອັນດັບທີ 3 ດ້ວຍຍອດຈຳນວນທຶນຈົດທະບຽນເກືອບ 4 ຕື້ USD.
ຄຳຮຸ່ງ
