| ນະຄອນໂຮ່ຈິມິນ: ນຳໃຊ້ເຕັກໂນໂລຊີ ໃນການຄຸ້ມຄອງ ແລະ ດູແລ F0 ຢູ່ເຮືອນ | |
| ນະຄອນໂຮ່ຈິມິນ ສັກຢາວັກຊິນກັນພະຍາດ ໂດສທີ 3 ແຕ່ວັນທີ 10 ທັນວາ |
 |
| ສັບປະດາທ່ອງທ່ຽວ “ນະຄອນໂຮ່ຈິມິນ - ນະຄອນທີ່ຂ້າພະເຈົ້າຮັກ”. ພາບ: thanhuytphcm.vn |
ນີ້ແມ່ນຄັ້ງທຳອິດທີ່ສັບປະດາການທ່ອງທ່ຽວ ໄດ້ຈັດຕັ້ງ ຢູ່ນະຄອນ ໂຮ່ຈີມິນໃນອາທິດສຸດທ້າຍຂອງປີ 2021 ໃນສະພາບການທີ່ພວມຟື້ນຟູເສດຖະກິດ - ສັງຄົມຂອງນະຄອນ ໃນເງື່ອນໄຂປັບຕົວເຂົ້າກັບໂລກລະບາດໂຄວິດ-19 ຢ່າງປອດໄພ.
ສັບປະດາການທ່ອງທ່ຽວ ຈະມີບັນດາການເຄື່ອນໄຫວແນະນຳຮູບພາບກ່ຽວກັບບັນດາແຫຼ່ງທ່ອງທ່ຽວທີ່ພົ້ນເດັ່ນ, ເປັນເອກະລັກຂອງນະຄອນ, ບັນດາການເຄື່ອນໄຫວງານວາງສະແດງຮູບພາບ, ແຫ່ຂະບວນລົດຖີບ, ຄົ້ນຫາອາຫານ, ສິລະປະຕາມຖະໜົນ (Street Show) - ການປະສົມສິລະປະຍຸກສະໄໝໂລກກັບດົນຕີພື້ນເມືອງ... ພ້ອມກັນນັ້ນກໍມີຫຼາຍຮ້ອຍລາຍການສົ່ງເສີມ, ຫຼຸດລາຄາການຊື້ເຄື່ອງຂອງ, ບັນດາຜະລິດຕະພັນ ແລະ ການບໍລິການທ່ອງທ່ຽວໃນທ້າຍປີເຖິງ 60% ສໍາລັບການບໍລິການທ່ອງທ່ຽວ, ໂຮງແຮມ ແລະ ກິດຈະກຳທ່ອງທ່ຽວ, ການບັນເທິງ...
ທ່ອງທ່ຽວນະຄອນໂຮ່ຈິມິນ ຫວັງວ່າ ນີ້ຈະແມ່ນບາດກ້າວບຸກທະລຸໃນການຟື້ນຟູ ແລະ ພັດທະນາຢ່າງແຮງຂອງຂະແໜງການທ່ອງທ່ຽວຂອງນະຄອນເວົ້າສະເພາະ ແລະ ການທ່ອງທ່ຽວຫວຽດນາມ ເວົ້າລວມໃນປີ 2022. ສັບປະດາການທ່ອງທ່ຽວຍັງໄດ້ຈັດຕັ້ງຂຶ້ນເພື່ອໃຫ້ກາຍເປັນງານປະຈຳຂອງຊາວນະຄອນ ກໍຄືນັກທ່ອງທ່ຽວທັງພາຍໃນ ແລະ ຕ່າງປະເທດ.
ໄຊພອນ
