 |
| ພາບປະກອບ |
ໃນຖະແຫຼງການ, ທ່ານປະທານ WUS Ghawami ໄດ້ສະແດງຂອບອົກຂອບໃຈຕໍ່ທ່ານນາງ Angela Dorn, ລັດຖະມົນຕີກະຊວງ ວິທະຍາສາດ ແລະ ສິລະປະ ຂອງລັດ Hessen ຍ້ອນການໜູນຊ່ວຍຂອງລັດ Hesen ແລະຖືນີ້ແມ່ນສັນຍາລັກຂອງຄວາມສາມັກຄີກັບບັນດານັກສຶກສາ VGU. ຕາມທ່ານແລ້ວ, ນີ້ກໍ່ແມ່ນຂີດໝາຍແຫ່ງການຮັບຮູ້ບັນດາຜົນງານຂອງ VGU ແລະ ບັນດາໂຄງການສຶກສາ ແລະ ຄົ້ນຄ້ວາໃນລະດັບສາກົນ. ທ່ານ Gawami ເນັ້ນໜັກວ່າ VGU ແມ່ນຂົວຕໍ່ວິທະຍາສາດລະຫວ່າງຫວຽດນາມ ແລະ ເຢຍລະມັນ ແລະ ເປັນໂຄງການໂຄສະນາການພົວພັນຮ່ວມມືຍຸດທະສາດລະຫວ່າງ 2 ປະເທດ.
ສຳນັກຂ່າວສານຫວຽດນາມປະຈຳເຢຍລະມັນ ໄດ້ຄັດສະເໜີຄຳເວົ້າຂອງ ທ່ານ ປອ. Kambiz Ghawami ປະທານ WUS ໂດຍໃຫ້ຮູ້ວ່າ ໃນສະພາບໂລກລະບາດໂຄວິດ-19, ນັກຮຽນ VGU ແລະ ພໍ່ແມ່, ຜູ້ປົກຄອງຫຼາຍຄົນປະສົບກັບຄວາມຫຍຸ້ງຍາກໃນການຊຳລະຄ່າສຶກສາ ແລະ ກໍ່ຄືສຸມໃສ່ເຂົ້າການສຶກສາ. WUS ໄດ້ສະເໜີໃຫ້ກະຊວງວິທະຍາສາດ ແລະ ສິລະປະຂອງລັດ Hessen ເພື່ອໜູນຊ່ວຍ ແລະ ໄດ້ຮັບການຕົກລົງເຫັນດີ. ຕາມນັ້ນແລ້ວ, ອຳນາດການປົກຄອງລັດຈະມອບເງິນເປັນຈຳນວນ 205.000 ເອີໂຣ ໃຫ້ແກ່ WUS ເພື່ອສະໜອງທຶນສຶກສາໃຫ້ນັກສຶກສາ VGU ທີ່ປະສົບກັບຄວາມຫຍຸ້ງຍາກຍ້ອນພະຍາດໂຄວິດ-19.
VGU ໄດ້ຮັບການຮ່ວມມືໂດຍ ຫວຽດນາມ ແລະ ລັດຖະບານ Hessen ໃນປີ 2008, ແມ່ນມະຫາວິທະຍາໄລພາກລັດຂອງຫວຽດນາມ ທີ່ມີໂຄງປະກອບການບຳລຸງສ້າງ, ການຄົ້ນຄວ້າ ແລະ ການຄຸ້ມຄອງຕາມຮູບແບບຂອງເຢຍລະມັນ. ໃນໄລຍະ 10 ປີຜ່ານມາ, ນັກສຶກສາທີ່ຮຽນຈົບ VGU ມີອັດຕາຫາໄດ້ວຽກເຮັດງານທຳຢູ່ໃນລະດັບສູງທີ່ສຸດ (ເກືອບ 98%) ຢູ່ບັນດາບໍລິສັດຂອງເຢຍລະມັນ ແລະ ສາກົນຢູ່ ຫວຽດນາມ, ສິ່ງນີ້ສະແດງໃຫ້ເຫັນວ່າ ບັນດາຜູ້ຮັບສະໝັກງານ ມີການຮັບຮູ້ຢ່າງສູງຕໍ່ຕໍ່ຄຸນນະພາບຂອງນັກຮຽນ VGU.
ບຸນຄົງ
