ArchDaily ໄດ້ຮັບການສ້າງຕັ້ງຂຶ້ນໃນປີ 2008, ມີສໍານັກງານຢູ່ອາເມລິກາ, ໄດ້ຮັບຖືວ່າເປັນເວັບໄຊສະຖາປັດຕະຍະກຳທີ່ມີຜູ້ເຂົ້າອ່ານຫຼາຍທີ່ສຸດໃນໂລກ ເຊິ່ງມີເກືອບ 200 ລ້ານຄັ້ງຕໍ່ເດືອນ.
ທຸກໆປີ, ArchDaily ສະຫຼຸບ 50 "ເຮືອນຂອງປີ" ໂດຍອີງໃສ່ເງື່ອນໄຂທີ່ມີຄຸນນະພາບ ແລະຄວາມນິຍົມຂອງຜູ້ອ່ານ. ປີນີ້, ບັນຊີລາຍຊື່ໄດ້ຖືກ ປະກາດໃນວັນທີ 18 ເດືອນທັນວາ, ຫຼັງຈາກຄະນະບັນນາທິການ ໄດ້ພິຈາລະນາ ຫຼາຍກວ່າ 3.800 ໂຄງການທີ່ລົງໃນເວັບໄຊໃນ 11 ເດືອນຜ່ານມາ.
ສອງກິດຈະການຫວຽດນາມ ທີ່ລອດເຂົ້າບັນຊີລາຍຊື່ໂຄງການ ເຮືອນ 50 ຫຼັງ ປີ 2021 ຂອງ ArchDaily ແມ່ນເຮືອນທີ່ມີຊື່ວ່າ TH House ໂດຍໄດ້ຮັບການອອກແບບໂດຍຫ້ອງການ ODDO architects ແລະເຮືອນຢູ່ໂຮ້ຍອານ ໄດ້ຮັບການອອກແບບໂດຍຫ້ອງການ lequang-architects.
 |
| TH House. ພາບ: ເລຮວ່າງ |
TH House ໄດ້ກໍ່ສ້າງຂຶ້ນໃນເນື້ອທີ່ 24 ຕາແມັດ ຢູ່ໃນຮ່ອມກວ້າງພຽງ 1,2 ແມັດ ຢູ່ໃຈກາງນະຄອນຫຼວງຮ່າໂນ້ຍ. ຕົ້ນໄມ້ໃນເຮືອນປັບປຸງ ສະພາບແວດລ້ອມແຄບ ແລະຫັນເຮືອນກາຍເປັນ “ດອນເກາະ” ຢູ່ກາງເມືອງ, ຊ່ວຍໃຫ້ສະມາຊິກພັກຜ່ອນຢ່ອນອາລົມທັງດ້ານຈິດໃຈ ແລະຮ່າງກາຍ.
 |
| ເຮືອນຢູ່ໂຮ້ຍອານ. ພາບ: ເລຮວ່າງ |
ເຮືອນຢູ່ໂຮ້ຍອານ ຕັ້ງຢູ່ໃນເນື້ອທີ່ 180 ຕາແມັດ ຢູ່ ເກິມແທ່ງ, ໄດ້ເອົາແຮງບັນ ດານໃຈຈາກເຮືອນພື້ນເມືອງໂຮ້ຍອານ ແຕ່ມີໂຄງສ້າງຂອງຫອຍ.
ດ້ວຍການອອກແບບທີ່ເປີດກວ້າງ ແລະ ຕິດແທດກັບທຳມະຊາດ, ເຮືອນດັ່ງກ່າວ ຍັງຖືກນຳໃຊ້ເປັນສູນວົງຄະນະຍາດຂະໜາດນ້ອຍສຳລັບເຈົ້າຂອງເຮືອນ, ເປັນນັກເຄື່ອນໄຫວດ້ານສິ່ງແວດລ້ອມພົບປະແລກປ່ຽນກັບເພື່ອນບ້ານ.
 |
| ເຮືອນ ບ໋າດຈ່າງ. ພາບ: Hiroyuki Oki |
ຄຽງຂ້າງ ArchDaily, ວາລະສານສະຖາປັດຕະຍະກຳ Dezeen (ອັງກິດ) ກໍ່ໄດ້ປະກາດບັນຊີລາຍຊື່ເຮືອນ 10 ຫລັງຂອງປີ 2021, ໃນນັ້ນມີເຮືອນ ບ໋າດຈ່າງ ໂດຍບໍລິສັດສະຖາປັດຕະຍະກຳຫວໍຈ້ອງເຫງ້ຍ ອອກແບບ.
ບູນມີ
